Ẹksọdọs 33:7 - Edo Bible (E Baibol Ẹdo) Version 1996

⁷ Ẹghẹikẹghẹ ne ivbi Izrẹl ya bu agọ, e Mosis ghi dada Owa Ukpọn na, ọ ghi muẹn lahin agọ sẹ urria kherhe. Ọ kegha tie ẹre Owa Ukpọn ehe ne Nọyaẹnmwa ye, ọmwaikọmwa ne ọ ho ne ọ gualo otọ emwi vbe obọ Nọyaẹnmwa ghi ladian gha rrie evba.

Ẹksọdọs 33:7 ပူးပေါင်းရင်းမြစ်များ

II Samuẹl 21:1

Ukhunmwu nọkhua ọkpa keghi do fi vbe ẹghẹ ne Devid na gha rre ẹkete, ikpiia gbalaka ọ re ọ wa ya vbe otọ. Ẹre Devid na nọ otọ ẹre vbe obọ e Nọyaẹnmwa, e Nọyaẹnmwa keghi kha wẹẹ, “E Sọl kevbe ẹgbẹe ọre diyi izigha, ọ gbele ivbi e Gibiọn rua.”

Psalm 10:1

Vbe u a na khian rrei sẹrriọ hẹ yi, Nọyaẹnmwa? Vbe u a ghi na rhie egbe lẹre hẹ yi? Vbe ima rre uwu ibaro?

Psalm 27:8

Ẹkpo ne uwẹ na kha wẹẹ, “Wa larre do gha ga mwẹ.” Mẹ keghi wanniẹn wẹẹ, “Nọyaẹnmwa, I gha rre.”

Psalm 35:22

Sokpan, wẹ miẹn ọna nẹ Nọyaẹnmwa, rhunmwuda ọnii, ghẹ hunwan Nọyaẹnmwa. Ghẹ vbe khian rrei ya gha rre urria.

Ẹksọdọs 18:12

Ẹre Jẹtro na ya viọ ese gie Osanobua, kevbe emwi imuohan ne a gha giẹn; Errọn kevbe avbe ekaolotu ivbi Izrẹl hia keghi lele orruan e Mosis ne okpia gha dee do rri evbare iruemwi nii zẹ vbe emwi ne a ya ga.

Ẹksọdọs 18:7

E Mosis keghi khian bu ẹre sẹ odẹ, ọ mu ẹko rhu otọ nẹẹn, ọ keghi ya unu soso ẹre unu. Iran nọ egbe ẹmwẹ egberranmwẹ iran, iran na la uwu owa ukpọn e Mosis.

Ẹksọdọs 33:6

Rhunmwuda ọnii, ke uhunmwu oke Sainai kpao, ivbi Izrẹl ma ghi viọ ikpẹrọnmwọ itegbe iran ye egbe ọvbehe.

Ẹksọdọs 33:8

Ẹghẹikẹghẹ ne Mosis ya ladian gha rrie Owa Ukpọn nii, emwa hia ghi kpaegbe mudia, dọmwadẹ ọghọe ghi mudia ye onurho Owa Ukpọn ọghọe gha ghe Mosis ọ te do la uwu Owa Ukpọn nii.

Itan 15:29

Emwa esi gha na erhunmwu, e Nọyaẹnmwa ghi gha danmwehọ sokpan, ọ ghi yangbe avbe emwa dan.

Aizaia 59:2

Orukhọ uwa ọ re ọ sii ẹe ne ẹ i na zẹ ye uwa ẹre. Orukhọ uwa ọ re ọ wannọ uwa hin ehe ne Osanobua ye rre vbe uwa a te gha ho ne uwa ga ẹe.

Hozia 9:12

“Gia kha ighe iran te vbe miẹn emọ biẹlẹ, te I ra viọ iran kpao, I i ra vbe sẹ ọkpa rae ye agbọn vbọ, I gha fi iyeke gbe emwa na, ọkhọ dan ọ re ọ ra gha sunu vbe egbe iran.”

Diuteronomi 4:29

Evba wa gha na gualọ Nọyaẹnmwa Osanobua uwa. A deghẹ wa ye ekhọe uwa hia kevbe iho uwa hia gualọ ẹe, wa gha miẹn ọẹn.

Hibru 8:2

Rẹn mudia ye ukpo ogie ohẹn vbe Ehe Ne Ọ Huan Sẹẹ Ehia, ọnii nọ wẹ, vbe uwu Ọgua nọ gua nii, ne Nọyaẹnmwa tobọ ẹre bọe ighẹ ẹ i re ne ọmwa ne agbọn họe.