Ẹksọdọs 33:6 - Edo Bible (E Baibol Ẹdo) Version 1996

⁶ Rhunmwuda ọnii, ke uhunmwu oke Sainai kpao, ivbi Izrẹl ma ghi viọ ikpẹrọnmwọ itegbe iran ye egbe ọvbehe.

Ẹksọdọs 33:6 ပူးပေါင်းရင်းမြစ်များ

Ẹksọdọs 3:1

Ẹdẹ ikẹtin e Mosis kegha su ohuan Jẹtro ne erha amwẹ ọnrẹn ne ọ vbe re ohẹn Midian. Ọ keghi viọ ohuan nii fian ato gberra, ọ na do sẹ Sainai oke ne ọ huanrẹn.

Ẹksọdọs 32:3

Ẹre emwa nii hia na koko emwi ehọ igoru iran, iran na hẹ ehia gie Errọn.

Ẹksọdọs 33:4

Ugbẹn vbe emwa nii ghi họn iyẹn dan na, iran keghi suẹn gha khiẹ, iran ma ghi viọ emwi itegbe ye egbe.

Ẹksọdọs 33:5

E Nọyaẹnmwa keghi tama e Mosis wẹẹ, “Tama emwa nii wẹ emwa ni zevbudu wa khin, I gha wẹ ne 1 lele uwa khian la ovbi ẹghẹ kherhe, I gha fuẹn uwa a fẹẹrẹ. Banbanna nian, wa viọ ikpẹrọnmwọ itegbe uwa hin rre ne I miẹn ehe na rẹn emwi ne I gha ru.”

Ẹksọdọs 33:7

Ẹghẹikẹghẹ ne ivbi Izrẹl ya bu agọ, e Mosis ghi dada Owa Ukpọn na, ọ ghi muẹn lahin agọ sẹ urria kherhe. Ọ kegha tie ẹre Owa Ukpọn ehe ne Nọyaẹnmwa ye, ọmwaikọmwa ne ọ ho ne ọ gualo otọ emwi vbe obọ Nọyaẹnmwa ghi ladian gha rrie evba.

Jerimaia 2:19

Emwi dan uwa ọ re ọ ra rri uwa oya ne uwa na fi iyeke gbe mwẹ ọ re ọ ra bu abe uwa. Wa gha ruẹ vbene ọ rriara hẹ kevbe, vbene ọ ma gba hẹ ne uwa na hee mwẹ yotọ mẹ ne Nọyaẹnmwa ne Osanobua rua; vbene uwa i ghi na vbe ya ọghọ mẹ. Mẹ ne Nọyaẹnmwa ne Udazi, ne Oghodua taa ẹe nẹ.”

Jona 3:5

Emwa e Ninevi keghi ya ẹmwẹ Osanobua yi. Iran keghi ta ẹe wẹ ne emwa hia yo aguẹ, ẹre emwa nii hia, kevbe ne ọ kpọlọ sẹẹ ya sẹ ne ọ kanmwa sẹ, keghi viọ ukpọn akhiẹ rhuan, ne iran ya rhie ma ighe iran fi uyinmwẹ werriẹ nẹ.