Ẹksọdọs 33:22 - Edo Bible (E Baibol Ẹdo) Version 1996

²² I gha ya obọ mwẹ gue ruẹ ye uvun okuta vbe awanwan mwẹ a gha gberra, vbe I te do gberra fo.

Ẹksọdọs 33:22 ပူးပေါင်းရင်းမြစ်များ

I Ọba 19:9

Ọ keghi la uwu uvun okuta vbe evba ne ọ vbiẹ evba ne ẹdẹ gbe. Vbe udomwurri, e Nọyaẹnmwa keghi gu ẹe guan wẹẹ, “Elaija vbe u a ru vbe emwa yi?”

Psalm 18:2

Nọyaẹnmwa ọrọre ne ọ degue mwẹ, rẹn ọrọre owa ọkhẹ mwẹ ne ọ wegbe. Osanobua mwẹ ọrọre ne ọ rhie mwẹ lẹre I gha rre ehe ne ọ ye, ẹbe ighi rrọ mẹ. Ọ degue mwẹ zẹ vbe asa. Ọ gbinna mẹ, ọ keghi wan ẹbe yo mẹ.

Psalm 91:1

Ọmwaikọmwa ne ọ lẹ gbinna Nọyaẹnmwa, ọmwaikọmwa ne ọ mudia ye ototọ ugue ọghe Oghodua,

Psalm 91:4

Ọ gha ya ifuẹn ọnrẹn gue ruẹ, wẹ gha re ne ẹ i mwẹ ẹbe vbe ototọ ugue ẹre, ẹmwata ẹre gha degue ruẹ ọ gha vbe gbinna ne uẹn.

Ihuan Ne Ọ Sọọ Ihuan Hia 2:3

Vbene otiẹn ye vbe ẹbu erhan vbe ẹgbo, erriọ ọ re enida mwẹ ye vbe ẹbu ikpia ọvbehe. Aghọnghọn rẹn yẹ mwẹ ne a tota yi ọmọ rẹn wa vbe rhiẹnrhiẹn mwẹ.

Aizaia 2:21

E Nọyaẹnmwa gha rre do mu agbọn na rueghe, emwa gha lẹre ye uvun otọ kevbe uvun okuta, ne iran miẹn ehe na lẹ ohu ẹre fe, kevbe ne iran lẹre ne ẹtin ẹnrẹn kevbe uyi ẹre.

Aizaia 32:2

Dọmwadẹ ọghọe vbe uwu iran ghi yevbe ehe ne a lẹre yi vbe ẹhoho a gha hoho, kevbe ehe ne a lẹ fi vbe ẹghẹ okpẹhoho. Iran gha yevbe ẹzẹ ni lẹ vbe uwu ato, zẹ vbe aghọnghọn okuta nọkhua vbe otọe ne o dihoi rua.

Aizaia 49:2

Ọ keghi ru ẹe ne ẹmwẹ mwẹ gha mu zẹ vbe umozo. Obọ ẹre tobọ ẹre ọ re ọ gha degue mwẹ. Ọ ru mwẹ zẹ vbe ifẹnmwẹ ne ọ wa mu ne ọ gha wa gie ẹe lo.

Aizaia 51:16

Mẹ ọ re ọ tan iso yotọ, I keghi vbe gbe ẹyotọ agbọn I tama Jerusalẹm wẹẹ, ‘Emwa mwẹ wa khin I maa uwa emwi ọghomwẹ nẹ, obọ mwẹ ọ re i ya degue uwa.’ ”

I Kọrinti 10:4

Iran hia keghi vbe wọn amẹ orhiọn ọkpa nii, rhunmwuda, uwu okuta orhiọn nii ne ọ lele iran gha khian, ọre iran hia na wọn, okuta nii keghi re Kristi tobọ ẹre.

II Kọrinti 5:19

Ẹmwẹ ne ima ta ẹe ọrọre wẹ, te Osanobua ma ghi ka orukhọ iran ye iran owẹ, rẹn keghi tae ya gie ima uhunmwu ighẹ ẹmwẹ vbene irẹn ya ye iran khian esiọre hẹ.

Diuteronomi 33:12

Ọ keghi kha vbekpa ẹwae Bẹnjamin wẹẹ: “Ewae ne Nọyaẹnmwa ho ẹmwẹ ọnrẹn ne ọ vbe degue ẹdẹgbegbe iran ya rrọọ vbe a i mwẹ ẹbe vbe odaro ẹre. Ọ keghi vbe di uwu ẹbu iran ya.”