Ẹksọdọs 33:13 - Edo Bible (E Baibol Ẹdo) Version 1996

¹³ Banbanna nian, adeghẹ ẹko ruẹ gele rhiẹnrhiẹn ghe mwẹ, tama mwẹ vbene u mwamwa emwi hia hẹ, ne I miẹn ehe na rẹn kevbe ne I sẹtin gha ru vbene ọ ye ruẹ. U ghi vbe yerre wẹ, agbọn ẹvbo na, emwa ruẹn ọre u zẹ iran ẹre ya khian.”

Ẹksọdọs 33:13 ပူးပေါင်းရင်းမြစ်များ

II Samuẹl 15:25

Ẹre ọba na khama e Zadọk wẹẹ, “Mu Ẹkpẹti Ile werriegbe gha rrie ore ẹvbo. A deghẹ Nọyaẹnmwa ho ẹmwẹ mwẹ, ọ gha rhie mwẹ werriegbe rre ẹdẹ ọkpa, ne I do bẹghe ẹre ke ẹe kevbe ehe ne a mu ẹẹn yi.

Psalm 103:7

Ọ ta emwi ne irẹn khian ru ma Mosis ọ vbe gie ivbi Izrẹl miẹn iwinna irẹn nọkhua.

Psalm 119:33

Nọyaẹnmwa, ma mwẹ otọ uhi ruẹ, mẹ gha vbe gha mu iran sẹ vbe ẹghẹ hia.

Psalm 25:4

Ma mwẹ odẹ ruẹ Nọyaẹnmwa ya iran khian ne a rẹnrẹn mẹ.

Psalm 27:11

E Nọyaẹnmwa, ma mwẹ emwi ne u ho ne I ru, ne u vbe rhie mwẹ la odẹ ne ẹbe i ye, rhunmwuda, eghian ne I mwẹ wa bun.

Psalm 51:13

Ẹghẹ nii; mẹ gha ma avbe emwa orukhọ uhi ruẹ, iran ghi dọlegbe bu ruẹ gha dee.

Psalm 86:11

Nọyaẹnmwa, ma mwẹ emwi ne u ho ne I ru I gha họn ẹmwẹ ne uẹn kekhọekekhọe, ma mwẹ re ne I gha ga a, vbe ne I na wa mu aro yọ ẹsẹse.

Ẹksọdọs 3:10

Banbanna nian, I ra giọ bu e ọba Igipt ne u ya viọ ivbi Izrẹl ne emwa mwẹ ke Igipt ladian.”

Ẹksọdọs 3:7

Ẹre Nọyaẹnmwa na kha wẹẹ, “I miẹn obọ oya ne a ya mu emwa mwẹ vbe Igipt, I họn utumwẹ ne iran tu wẹ ne a miẹn iran fan vbe obọ avbe iran ni lo iran vbe eviẹn, I wa miẹn oya ne iran re.

Ẹksọdọs 32:12

Vbọzẹ ne a gha na gie ivbi Igipt gha kha wẹ te ọ viọ iran ke otọe Igipt ladian, vbene ọ na zẹ iro dan wẹ ne irẹn gbele iran ye uhunmwu oke, kevbe ne ọ wa fuẹn iran an fẹẹrẹ? Mu ohu nọ wegbe ne ọ muẹn fua, fi ekhọe werriẹ ne u ghẹ gie ẹbe na sunu vbe egbe emwa ruẹn.

Ẹksọdọs 32:14

Ẹre Nọyaẹnmwa na fi ekhọe ẹre werriẹ ọ ma ghi gie ẹbe ne ọ te mwamwa khẹ emwa rẹn sunu vbe egbe iran.

Ẹksọdọs 32:7

E Nọyaẹnmwa keghi tama e Mosis wẹẹ, “Zẹgiẹ tuorre, rhunmwuda avbe emwa ruẹn ne u viọ ke Igipt gha dee fa egbe ua nẹ, iran he mwẹ ye otọ.

Ẹksọdọs 34:9

Ọ keghi kha wẹẹ, “Adeghẹ ẹko ruẹ gele rhiẹnrhiẹn ghe mwa, I wẹ ne u lele ima gha khian, E Nọyaẹnmwa, emwa na yinehọ, sokpan ya emwi dan mwa bọ mwa, kevbe orukhọ ima ne u rhan obọ miẹn ima zẹ vbe emwa obọ ruẹ.”

Ẹksọdọs 5:1

E Mosis kevbe Errọn keghi bu ọba ọghe Igipt, iran tama rẹn wẹẹ, “E Nọyaẹnmwa khare wẹẹ, ‘Gie emwa mwẹ kpao ne iran ya ru eghọ ugamwẹ mẹ vbe uwu ato.’ ”

Aizaia 30:21

Wa gha bibi odẹ la obọ erha ọmwa ra obọ iye ọmwa, wa gha họn vbe urhu ẹre a gha tama uwa vbe odieke wẹẹ, “Wa ghe odẹ, wa lelẹe.”

Aizaia 63:17

Vbua ghi na gie ima bibi hin odẹ ruẹ rre hẹ yi? Vbua ghi na gie ima zevbudu sẹrriọ, ne ima ghi na fi iyeke gbe uwẹ? Werriegbe rre, rhunmwuda iran ni ga uwẹ, rhunmwuda iran ni wa re ọwuẹ, ke otọe gha dee.

Aizaia 63:19

U ke ghi ru ima zẹ vbene a gha a kha ighẹ u ma he ka gha re ogie ima ẹdẹ, vbene a gha a kha ighe ma ma he gha re emwa ruẹn ẹdẹ.

Joẹl 2:17

Ohẹn ne ọ ga e Nọyaẹnmwa vbe ẹkpo onurho kevbe Ogiukpo Ọgua Osa, te iran gha viẹ ne iran gha na erhunmwu wẹẹ, “Tohan emwa ruẹn Nọyaẹnmwa, ghẹ gie ẹvbo ọvbehe zan mwa ra ne iran ya ima gha gbe ogie kha wẹẹ, ‘Osanobua uwa vbo?’ ”

Iyẹn ne ọ Maan Ọghe Jọn 17:3

Ọna ọrọre nene arrọọ ne ẹ i fo wẹ ne emwa ne agbọn rẹn ruẹn zẹ vbe Osanobua ọkpa ne ọ re ọghe ẹmwata kevbe ne iran rẹn Jesu Kristi, ọmwa ne uwẹ gie.

Ebe ne Pọl gbẹẹn gie emwa Rom 11:28

Rhunmwuda ne iran na he Iyẹn Ne ọ maa ọghe Osanobua, avbe Ju keghi la ekpa uwa ne ẹ i re Ju khian oghian Osanobua, sokpan zẹ vbe emwa ne Osanobua hannọ zẹ, iran keghi la ekpa avbe erha mwa odede do gha re ọse Osanobua.

Ẹfisọs 1:17

I keghi vbe rinmwian Osanobua ọghe Nọyaẹnmwa Jesu Kristi, Erha Nọ mwẹ uyi, ne ọ rhie nene Orhiọn ne uwa, ne ọ gha ya uwa gha wan, ọ ghi vbe rhie Osanobua ma uwa, ne uwa miẹn ehe na rẹn ọnrẹn.

Diuteronomi 9:26

I keghi na erhunmwu wẹẹ, ‘E Nọyaẹnmwa ne Udazi, lahọ ghẹ fuẹn emwa ruẹn uan, emwa ne u ya ẹtin kevbe iwegbe ruẹ fan vbe irri, u kevbe viọ iran ke otọ Igipt rre.

Diuteronomi 9:29

Vbene ọ rhirhi a gha ye hẹ, iran na ọrọre emwa ruẹn ne u hannọ zẹ ne iran gha re ọwuẹ, u na ya ẹtin kevbe iwegbe ruẹ nọkhua viọ iran ke Igipt ladian.’

Kọlose 1:10

Ẹghẹ nii, wa ghi sẹtin do gha yin vbene Nọyaẹnmwa ho, wa ghi vbe gha ru emwi ne ọ yẹ ọre. Ẹdẹ agbọn uwa ghi do gha mọ ọmọ iwinna ne ọ maa ughughan hia, wa ghi vbe gha wan yọ vbe uwu vbe ne uwa rẹn Osanobua hẹ.

II Pita 3:18

Sokpan, wa gha wan yọ vbe uwu ẹsọhẹ kevbe irẹnmwi Nọyaẹnmwa kevbe Ọmiọnmwafan mwa Jesu Kristi. Ọghọe ọre uyi gha khin, banbanna kevbe ẹdẹdẹmwẹdẹ. Isẹ.