Ẹksọdọs 32:8 - Edo Bible (E Baibol Ẹdo) Version 1996

⁸ Iran wa lahin odẹ ne I yi ẹre iyi ne iran gha lele. Iran ya igoru ne a ranran ẹn ma ẹkhuia ne egbe iran, iran gha ga ẹe, iran gha vbe zẹ ese ghe ẹre. Iran keghi kha wẹẹ, ‘Ọnii ọrọre Osanobua iran ne ọ viọ iran ke otọ Igipt ladian.’ ”

Ẹksọdọs 32:8 ပူးပေါင်းရင်းမြစ်များ

I Ọba 12:28

Ọ ghi roro ẹe nẹ, ọ keghi do mannọ ẹmila ọwẹe igoru eva, ọ na tama emwa rẹn wẹẹ, “Ọ kpẹre ne uwa kegha yo e Jerusalẹm ya gha ga. Ivbi Izrẹl, wa ghe avbe ẹbọ uwa ne ọ viọ uwa ke otọe Igipt ladian!”

Nehimaia 9:18

Iran ma amazẹ ne ọ yevbe ẹkhuia ẹmila. Iran na wẹ ọnọna ọ re Osanobua, ne ọ viọ iran ke otọ Igipt ladian u miẹn vbene iran yagha uwẹ hẹ, Nọyaẹnmwa!

Psalm 106:19

Iran na ma ẹmila igoru vbe Sainai iran na gha gho amazẹ ni.

Psalm 78:36

Sokpan, ohoghe ọ re ẹmwẹ iran hia khin, ẹmwẹ ne iran ta okpa ne ọ sẹ otọ ẹko i rrọ.

Ẹksọdọs 20:23

Wa ghẹ ma amazẹ ẹrọnmwọ ra igoru ne u wa gha vbe gha ga ẹe ba mwẹ.

Ẹksọdọs 22:20

“Omwa gha zọ ese ghe osa ọvbehe vbe ọ gberra ne Nọyaẹnmwa wa ghi gbe ẹe rua.

Ẹksọdọs 32:4

Ọ keghi viọ emwi ehọ nii, ọ na ranran ẹn hihiẹ ye emwi ne a ya sa ẹrọnmwọ, ọ ke ya ẹe ru ẹkhuia ẹmila. Emwa nii keghi kha wẹẹ, “Izrẹl, Osanobua ima ne ọ viọ ima ke Igipt ladian ọre ọna khin!”

Ẹksọdọs 34:15

Ghẹ gu emwa ẹvbo nii ru emwamwa emwi, iran gha ru ẹbọ iran, iran na zọ ese ghe iran, iran sẹtin rẹrẹ uẹ ya uwẹ rri evbare ne iran ya zọ ese ghe ẹbọ iran.

Aizaia 46:6

Emwa ghi rhan ẹsiso iran iran ghi viọ igoru ladian, iran ghi ya mwa esiliva vbe esike iran ghi tie ogun ẹrọnmwọ ne ọ do dunmwu ẹbọ ne iran, iran ghi ya uhunmwu rhanmwẹ otọ iran ghi gha ya uhunmwu rhanmwẹ otọ iran ghi gha gho ẹre.

Jerimaia 31:32

Ẹ i ra gha ye vbe ile nẹdẹ ne I gu avbe erha iran odede ta, ẹghẹ ne I na rhie iran obọ, I na viọ iran ke otọ Igipt ladian. A gha rhe miẹn wẹ te I yevbe ọdọ ne iran, iran ma ru vbene ile ni khare.

Levitikọs 17:7

Ivbi Izrẹl i ghi khian dọlegbe gha re ne ẹ i gie a mu ẹtin yan vbe obọ Nọyaẹnmwa, vbe ekpa ne iran na gbele aranmwẹ iran vbe uwu oha ya zọ ese ghe avbe orhiọn dan ọghe ẹwe. Ivbi Izrẹl ghi gha rhie emwamwa na mwẹ ẹdẹdẹmwẹdẹ.

Diuteronomi 32:17

Iran na gha zọ ese ghe ẹbọ ne ẹ i re ọ re, ẹbọ ne Izrẹl ma he gho ẹdẹ. Ẹbọ ne avbe erha iran ma mu ohan rẹn.

Diuteronomi 9:12

“Ẹre Nọyaẹnmwa na tama mwẹ wẹẹ, ‘Tuorre vbe uhunmwu oke ẹgiẹgiẹ rhunmwuda emwa ruẹn ne u viọ ke Igipt gha dee rhia egbe ua, iran vbe ru emwi dan. Iran zẹgiẹgiẹ fi iyeke gbe emwi ne I we ne iran ru, iran keghi vbe ya ma amazẹ ne egbe iran.’

Diuteronomi 9:16

I keghi miẹn we wa wa zẹgiẹgiẹ mu uhi ne I rhie ne uwa fua, kevbe wẹ, wa vbe rukhọ ghe ẹre vbene uwa na ma amazẹ ẹrọnmwọ ne ọ yevbe ẹkhuia ẹmila ne egbe uwa.

Jọsua 22:15

Iran keghi sẹ otọe Giliad, iran na tama emwa Riubẹn, e Gad kevbe odẹ ahọ vbe ẹgbẹe Manasẹ wẹẹ.

Giọgis 2:17

Sokpan, iran ma zẹye avbe ọkaolotu na ẹre. Iran ma rhie ekhọe lele Nọyaẹnmwa, iran na ya gha gho avbe ẹbọ ọvbehe. Avbe erha iran te lele uhi e Nọyaẹnmwa, sokpan orre na ke wa dobọ ẹre yi vbe ọ ma ghi kpẹe.

Giọgis 8:24

Sokpan rẹn keghi rhie te ẹe wẹẹ, “Gunmwẹ nọ uwa emwi ọkpa. Dọmwadẹ ọghọe vbe uwu uwa, wa viọ emwiehọ ne uwa viọre mẹ.” (Te emwa Midian viọ emwiehọ igoru ye ehọ zẹ vbene avbe emwa ni rre ato hia vbe ru.)