Ẹksọdọs 32:5 - Edo Bible (E Baibol Ẹdo) Version 1996

⁵ Ugbẹn vbe Errọn ghi miẹn emwi na, ọ keghi bọ aka ye odaro ẹkhuia ẹmila igoru nii, ọ na kha wẹẹ, “Akhuẹ a gha ru emwiukpo ya gọn ugie Nọyaẹnmwa.”

Ẹksọdọs 32:5 ပူးပေါင်းရင်းမြစ်များ

I Ọba 21:9

Ẹmwẹ ne ọ rrọ ọ re ọna khin, “Wa bu ẹdẹ aguẹ, wa tie emwa nii hia si koko, ne uwa rhie ehe itota uyi ne Nabot.

II Ọba 10:20

Ẹre Jehu na kha wẹẹ, “Wa bu ẹdẹ ugamwẹ ne a ya ya ọghọ ne Bal!” Iran keghi bu ẹdẹ ọre.

II Ọba 16:11

Ẹre Uraia na bọ Ogiukpo ne ọ ye vberriọ zẹẹ, ọ keghi ru ẹe fo zẹ vbene Ehaz te sẹ owa.

II Krọnikol 30:5

iran keghi gie ne a tie ivbi Izrẹl hia kevbe Dan ne ọ rre odẹ ahọ kpao ya sẹ Biẹsiẹba ne ọ rre odẹ ekẹn, ne iran gha die Jerusalẹm ne iran do ru emwiukpo Alagberra zẹ vbene Uhi khare, ne emwa bun sẹ vbene ọ he ka ye de ẹdẹ.

Ẹksọdọs 10:9

E Mosis wanniẹn wẹẹ, “Te ima hia khian kevbe ivbi ima negiẹrẹ kevbe avbe ọmaẹn, te ima viọ ivbi ima nikpia kevbe ivbi ima nikhuo khian, ohuan kevbe ẹwe kevbe ẹmila rhunmwuda te ima ra tie eghọ ugamwẹ ne Nọyaẹnmwa Osanobua ima.”

Ẹksọdọs 12:14

Ẹdẹ na ghi gha re ẹdẹ ne a gha yerre ne uwa. Wa ghi gha ru emwi ukpo ẹre ne I ya ye emwi ne imẹ ne Nọyaẹnmwa ru rre. Wa ghi gha ru ẹe ke orre ya sẹ orre zẹ vbe emwiukpo ẹdẹdẹmwẹdẹ.

Ẹksọdọs 17:15

E Mosis keghi bọ aka, ọ ke gha tie ẹre “Nọyaẹnmwa ọrọre Afiala mwẹ.”

Ẹksọdọs 32:4

Ọ keghi viọ emwi ehọ nii, ọ na ranran ẹn hihiẹ ye emwi ne a ya sa ẹrọnmwọ, ọ ke ya ẹe ru ẹkhuia ẹmila. Emwa nii keghi kha wẹẹ, “Izrẹl, Osanobua ima ne ọ viọ ima ke Igipt ladian ọre ọna khin!”

Ẹksọdọs 32:6

Vbe owiẹ vbirrivbirri ẹdẹ ne ọ lele ẹe iran keghi gbele aranmwẹ ya zọ ese ne iran giẹn uan. Iran keghi vbe viọ aranmwẹ rre ne a ya zọ ese isara. Emwa nii keghi tota gha re gha da, ọ na keghi do khian ayọn ohọhọ kevbe iku okpia vbe okhuo.

Hozia 8:11

Vbene ivbi Izrẹl ya bọlọ ogiukpo ne a na khue orukhọ kua ne ọ gha bun yọ, erriọ ehe ne iran na ru orukhọ vbe ya bun yọ.

Hozia 8:14

“Avbe ivbi Izrẹl bọlọ ẹguae nibun, sokpan iran mianmian Ayi ne ọ yi iran. Ivbi e Juda bu ẹvbo nibun ne a gbe odin gaa, sokpan, I gha gie erhẹn ne ọ gha ya giẹn ẹguae iran kevbe ẹvbo iran an.”

Levitikọs 23:2

ighẹ avbe emwamwa na ọ ghe avbe emwiukpo ugamwẹ ne emwa Izrẹl hia gha na si koko ne iran ru ugamwẹ.

Levitikọs 23:21

Vbe ẹdẹ ne ẹdẹrriọ wa ghẹ winna iwinna obọ rua rhọkpa, sokpan wa ghi si koko ne uwa ru ugamwẹ. Ivbi uniẹn ruan ghi gha lele ilele na ẹdẹdẹmwẹdẹ vbe ehe ne iran a rhirhi gha ye.

Levitikọs 23:37

(Ena ọrọre emwiukpo ugamwẹ ne uwa gha ya gha rhie ọghọ ne Nọyaẹnmwa vbe ne uwa gha na gha si koko vbe ugamwẹ kevbe ne uwa vbe gha zẹ ọhẹ evbare, ese na giẹn uan izẹọhẹ ọka, ese na zọ kevbe izẹọhẹ ọghe ayọn, zẹ vbe ne a ho ẹre yi ke ẹdẹ dina ẹdẹ.

Levitikọs 23:4

Wa ghi ya avbe emwiukpo na wewe vbe ẹghẹ ne a rhie yọ.

I Kọrinti 5:8

Wa gie ima do ugie emwi ukpo mwa, sokpan ẹ i re ne a ya ebrẹd ne eyist nẹdẹ ni ye do, eyist orukhọ kevbe alama, sokpan ọghe ebrẹd ne ẹ i mwẹ eyist, ebrẹd uhuanmwẹ kevbe uhunmwu ẹmwẹ.

I Samuẹl 14:35

E Sọl keghi gba aka ọkpa ne Nọyaẹnmwa, ọna ọrọre ne okaro ne ọ ka gha gba.