Ẹksọdọs 32:30 - Edo Bible (E Baibol Ẹdo) Version 1996

³⁰ Ẹdẹ ghi gbe, e Mosis keghi tama emwa nii wẹẹ, “Orukhọ ne ọ muohan ọre uwa ru. Banbanna nian, I ra hin uhunmwu oke bu e Nọyaẹnmwa gha khian, u gha ghe I gha sẹtin rinmwian ẹn ne ọ ya orukhọ uwa bọ uwa.”

Ẹksọdọs 32:30 ပူးပေါင်းရင်းမြစ်များ

II Samuẹl 12:9

Vbọzẹ ne u na rra uhi mwẹ? Vbọzẹ ne u na ru emwi dan na. U wẹ ne iran gbe Uraia rua vbe okuo, u gie iran ne ivbi Amọn gbe ẹe rua. Iyeke ọnii, u keghi rhie amwẹ ọnrẹn.

II Samuẹl 16:12

U gha ghe, e Nọyaẹnmwa gha zẹ ye usẹ ẹmwẹ agbọn ne I miẹn, ọ ghi ya ihẹn ne ọ tie na khian afiangbe mẹ.”

II Ọba 17:21

Ugbẹn vbe Nọyaẹnmwa ghi wannọ ivbi Izrẹl hin e Juda rre nẹ, ivbi Izrẹl keghi ye Jeroboam ne ovbi e Nebat rriọba ọghe iran. E Jeroboam keghi ya iran fi iyeke gbe Nọyaẹnmwa, ọ na si iran obọ la orukhọ ne ọ wegbe.

Psalm 99:6

Ohẹn ọnrẹn ọ re Mosis kevbe Errọn gha khin, e Samuẹl kevbe re ọmwa, ne ọ gha na erhunmwu ghe ẹre; iran kpe tie Nọyaẹnmwa.

Ẹksọdọs 32:29

E Mosis keghi tama avbe Livai wẹẹ, “Ẹdẹnẹrẹ na, wa ma egbe uwa ohẹn nẹ wẹ uwa gha winna ne Nọyaẹnmwa vbe kpa ne uwa na gbele ivbi uwa nikpia kevbe etẹn uwa nikpia, erriọ Nọyaẹnmwa vbe rhie afiangbe ẹre ne uwa ẹrẹna.”

Emọs 5:15

Wa gie emwi dan gha sọnnọ uwa, wa gie emwi esi gha yẹ uwa, ne uwa vbe miẹn wẹ ohiẹn ẹmwata ọkpa ọ re a bu vbe iko. Ughaghe, e Nọyaẹnmwa gha mwẹ itohan ghe iran ni ghi rre agbọn vbe ivbi ẹvbo na.

Jona 3:9

Ọ gha kẹe, Osanobua gha fi ekhọe werriẹ, ọ gha ke ẹe ohu gha fo vbe ẹko ẹre, ma i ghi ra wulo!”

Nọmbas 16:47

Errọn keghi ru vberriọ, ọ keghi rhie ọkpan erhẹn ọnrẹn, ọ keghi rhulẹ la adesẹneva emwa ni si koko nii. Rẹn ghi miẹn ighẹ egboghogbogho nii suẹn nẹ, ọ keghi viọ eturari ye erhẹn nii, ọ keghi ru iruemwi akpehuan ne emwa nii.

Nọmbas 25:13

A rhie irẹn kevbe uniẹn ivbi ẹre ye ukpo ohẹn rhinrin ẹdẹdẹmwẹdẹ, rhunmwuda ọ ma ho ne a miẹn emwi ne ọ vbe gun mwẹ suan, ọ keghi gia ya orukhọ emwa nii bọ iran.”

Iyẹn ne ọ Maan Ọghe Luk 15:18

I ra do bu erha mwẹ gha khian ne I ya tama rẹn wẹẹ, Evbavba, I rukhọ ghe Osanobua kevbe uwẹ nẹ.

Iyẹn ne ọ Maan Ọghe Luk 7:47

Ne I tama ruẹn nian, a ho ẹmwẹ ọmwa nọkhua ne ọ rhie ma na, gie aro dae ighe a ye orukhọ ẹre ni bun bọe nẹ. Ọmwa ne a ya nekherhe bọ aho ẹmwẹ ọmwa kherhe ọre ọ vbe rhie ma.”

Ebe ne Pọl gbẹẹn gie emwa Rom 9:3

Vbe ọrrọ akpawẹ mẹ khian ne Osanobua fi ẹre unu kevbe ne a wannọ hin egbe Kristi rre rhunmwuda iran.

Galatia 3:13

Sokpan, rhunmwuda ne Kristi na rhunmwuda mwa khian ne a fi ẹre unu, ọ keghi fannọ ima kua vbe obọ ifi unu ne ọ ke obọ nene Uhi rre. Zẹ vbene ebe kha re, “Ọmwaikọmwa ne a sirrọ ye uhunmwu erhan, khian ne a fi ẹre unu.”

II Timoti 2:25

Ọmwa ne ọ ya urhu khuẹrhẹ tama ọmwa ne ọ gu ẹe suan, ehe ne ọ na bae ku. Ughaghe Osanobua gha rhie ẹkpotọ ne iran ya fi uyinmwẹ werriẹ, ne iran vbe do rẹn ẹmwata ne ọ rrọọ.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.

I Samuẹl 12:17

Uyunmwu ọ re a ye na, ra ẹ i re erriọ? I gha na erhunmwu, e Nọyaẹnmwa ghi gie avan nukhunmwu kevbe amẹ rre. Wa ghẹ ghi miẹn ọẹn, wa ghi do rẹn wẹ, orukhọ nọkhua ọ re uwa ru ghe Nọyaẹnmwa vbe uwa nọ rẹn wẹ ne ọ rhie ọba ne uwa.”

I Samuẹl 12:19

Iran keghi tama e Samuẹl wẹẹ, “Dọmọ ọ, lahọ na erhunmwu ghe e Nọyaẹnmwa ne i ma, ne ima ghẹ wulo. Ma ru orukhọ ba orukhọ nekpa hia ne ima na nọọn ne a rhie ọba ne ima.”

I Samuẹl 12:20

E Samuẹl ke wanniẹn wẹẹ, “Wa ghẹ fian afianma, a gha rhe miẹn wẹẹ wa ru emwi dan vberriọ, wa ghẹ fi iyeke gbe Nọyaẹnmwa, sokpan, wa gha ga ẹe kekhọe kekhọe uwa hia.

I Samuẹl 12:23

Zẹ vbe ọghomwẹ, awua ne Osanobua wẹẹ, te imẹ ghi da obọ erhunmwu ne a na ne uwa yi, ne imẹ ya la ekpa ọnii rukhọ ghe ẹre. Ne ọ gha na te gha ye vberriọ, I gha ma uwa emwi ne ọ kere ke ne ọ gbae ne uwa gha ru.

I Samuẹl 2:17

Orukhọ avbe ivbi Elai na keghi re emwi ne ọ wegbe vbe aro e Nọyaẹnmwa rhunmwuda obọ oya ne iran ya gha mu avbe emwi ne a ya zọ ese ghe Nọyaẹnmwa.