Ẹksọdọs 32:29 - Edo Bible (E Baibol Ẹdo) Version 1996

²⁹ E Mosis keghi tama avbe Livai wẹẹ, “Ẹdẹnẹrẹ na, wa ma egbe uwa ohẹn nẹ wẹ uwa gha winna ne Nọyaẹnmwa vbe kpa ne uwa na gbele ivbi uwa nikpia kevbe etẹn uwa nikpia, erriọ Nọyaẹnmwa vbe rhie afiangbe ẹre ne uwa ẹrẹna.”

Ẹksọdọs 32:29 ပူးပေါင်းရင်းမြစ်များ

II Krọnikol 35:3

Ọ kevbe gu avbe e Livai ni re emamwaemwi Izrẹl guan, iran na ni re emwa ni ye egbe fi ohan ne Nọyaẹnmwa, ọ keghi tama iran wẹẹ, “Wa mu Ẹkpẹti Ile ye uwu Ọgua Osa ne Solomọn ne ovbi e Devid bọe. Wa ghẹ ghi dada ẹe yo dada ẹe rre ọvbehe, sokpan wa ghi gha ga e Nọyaẹnmwa kevbe ivbi Izrẹl ne emwa rẹn.

Ẹksọdọs 32:28

Avbe Livai keghi ru zẹ vbene Mosis tama iran vbe ẹdẹ ne ẹdẹrriọ, iran keghi gbele arhin arriaisẹn eha (3,000).

Ẹksọdọs 32:30

Ẹdẹ ghi gbe, e Mosis keghi tama emwa nii wẹẹ, “Orukhọ ne ọ muohan ọre uwa ru. Banbanna nian, I ra hin uhunmwu oke bu e Nọyaẹnmwa gha khian, u gha ghe I gha sẹtin rinmwian ẹn ne ọ ya orukhọ uwa bọ uwa.”

Itan 21:3

Ru emwi ne ọ kere kevbe ne ọ hẹnhẹn, ọnii ọ re ọ yẹ Nọyaẹnmwa sẹẹ ese ne a zọ ghe ẹre.

Zẹkaraia 13:3

“Ẹghẹ nii, ọmwa ikọmwa ne ọ ghi kha wẹ ẹ i mwẹ vbene ọ ye irẹn hẹ ighe ẹmwẹ akhasẹ, erha kevbe iye ne ọ biẹ ọe ghi tama rẹn te a gha gbe ẹe rua, rhunmwuda ọ khare wẹ ẹmwẹ e Nọyaẹnmwa ọ re irẹn ta, sokpan, ọ na gha ta ohoghe. Ọ gha guan vbe akhasẹ, erha kevbe iye ni biẹ ọe ghi ye agbada bi ẹre gbua.

Matiu 10:37

“Ọmwaikọmwa ne ọ ho ẹmwẹ erha ẹe ra iye ẹe sẹ mwẹ, ọ ma ke vbe ọghomwẹ, ọmwa ne ọ vbe ho ẹmwẹ ovbi ẹre nokpia ra nokhuo sẹ mwẹ, ọ ma ke vbe ọghomwẹ.