Ẹksọdọs 32:28 - Edo Bible (E Baibol Ẹdo) Version 1996

²⁸ Avbe Livai keghi ru zẹ vbene Mosis tama iran vbe ẹdẹ ne ẹdẹrriọ, iran keghi gbele arhin arriaisẹn eha (3,000).

Ẹksọdọs 32:28 ပူးပေါင်းရင်းမြစ်များ

Psalm 99:8

E Nọyaẹnmwa, Osanobua mwa, wẹ zẹ ẹmwẹ wanniẹn emwa ruẹn, wẹ rhie ma iran wẹ, Osanobua ne ọ yabọ ọ re uwẹ khin, a gha rhe miẹn wẹ u rri iran oya ye orukhọ iran.

Ẹksọdọs 32:27

Rẹn keghi tama iran wẹẹ, “Vbenian ọre Nọyaẹnmwa Osanobua ọghe Izrẹl khare, ‘Dọmwadẹ ọghọe vbe uwu uwa viọ umozo gba, wa ghi gbe agọ na dunmwu kevbe onurho na ya sẹ enọkpa, wa ghi gbele ọtẹn uwa nikpia, avbe ọse uwa kevbe emwa ẹdogbo uwa.’ ”

Ẹksọdọs 32:29

E Mosis keghi tama avbe Livai wẹẹ, “Ẹdẹnẹrẹ na, wa ma egbe uwa ohẹn nẹ wẹ uwa gha winna ne Nọyaẹnmwa vbe kpa ne uwa na gbele ivbi uwa nikpia kevbe etẹn uwa nikpia, erriọ Nọyaẹnmwa vbe rhie afiangbe ẹre ne uwa ẹrẹna.”

Ẹksọdọs 32:35

E Nọyaẹnmwa keghi gie emianmwẹ la uwu ẹbu iran rhunmwuda iran ya ẹtin mu Errọn ne ọ ru ẹkhuia ẹmila.

Nọmbas 16:41

Ẹdẹ ne ọ lelẹe, emwa ni hia keghi suẹn gha gui ẹzọ uwu unu ghe Mosis kevbe Errọn wẹẹ, “Wa gbele eso ua vbe uwu emwa e Nọyaẹnmwa.”

Nọmbas 25:7

Ugbẹn vbe Finihaz ne ovbi Eliaza, ne ọ vbe re eyẹ Errọn ghi miẹn ọẹn, ọ keghi kpaegbe, ọ na lahin uwu ẹbu nii rre. Ọ na rhie asoro,

Nọmbas 35:8

Vbene ẹwae kpọlọ ọre a gha ya gha ta ẹvbo ne a gha mu ne avbe Livai.”

I Kọrinti 10:8

Ne ima ghẹ ru awua oghẹ, vbene eso vbe uwu iran ru ne iran arriaisẹn eha yan ugie na wulo edẹ ọkpa.

Diuteronomi 33:9

Iran ọ ye ẹko ata yin ghe ruẹ sẹ evbibiẹ emọ, etẹn ra emọ iran ya uhi ruẹ ru emwi, iran ma mu ẹmwẹ ile ruẹ fua.