Ẹksọdọs 32:22 - Edo Bible (E Baibol Ẹdo) Version 1996

²² Errọn keghi wanniẹn wẹẹ, “Ghẹ gunmwẹ gui, u rẹn vbe ne ọ rre iran na ekhọe hẹ ne iran gha ru emwi dan.

Ẹksọdọs 32:22 ပူးပေါင်းရင်းမြစ်များ

Gẹnẹsis 44:18

E Juda keghi bu e Josẹf gha khian ọ keghi wẹẹ, “Lahọ enọwanrẹn, gun mwẹ fanmwegbua guẹ guan. Ghẹ gunmwẹ gui enọwanrẹn, te uwẹ wa yevbe ọba tobọ ẹre,

Psalm 36:4

Ọ ghi gha zẹ iro emwi dan a i ghi miẹn emwiọkpa ne ọ maa ne ọ ru. Rẹn i vbe fieghe uhunmwu ye emwi dan.

Ẹksọdọs 14:11

Iran keghi tama e Mosis wẹẹ, “Te idin i ghi rre Igipt ra ne u na viọ ima gha de uwu oha ne ima do wulo kua. U ma miẹn emwi ne u ru nian ne u na viọ ima ke Igipt ladian.

Ẹksọdọs 15:24

Emwa nii keghi suẹn gha gui ẹzọ ma e Mosis wẹẹ, “De emwi ne ima ra wọn yi?”

Ẹksọdọs 16:20

Sokpan eso vbọ ma zẹ ye Mosis re, iran keghi viọ eso hin rre vbọ khẹ ẹdẹnakhuẹ. Ẹdẹ ghi gbe, ọ keghi vuọn ne ọkhọe, ọ keghi kẹkẹ ya, ọ wia. Ohu iran keghi mu e Mosis.

Ẹksọdọs 16:28

Ẹre Nọyaẹnmwa na tama e Mosis wẹẹ, “Inu ẹghẹ wa ra rra uhi kevbe iyi mwẹ la yi?

Ẹksọdọs 32:1

Ugbẹn vbe emwa nii ghi miẹn wẹ e Mosis wa kpẹe vbe uhunmwu oke ighẹ ọ ma tuorre, iran keghi do vba Errọn, iran tama rẹn wẹẹ, “Larre o, do ma Osanobua ne ima ne ọ gha viọ ima khian rhunmwuda ma ma ghi rẹn emwi ne ọ ghi ru oko na ighẹ Mosis ne ọ viọ ima ke Igipt ladian.”

Ẹksọdọs 32:21

Ọ keghi tama Errọn wẹẹ, “Vbe iran na ruẹ hẹ yi ne u na gie iran do ru orukhọ ne ọ khọrhiọn sẹ vbe nian?”

Itan 4:16

Emwa dan i miẹn ovbe vbiẹ vbe ẹ i re te iran ru emwi eso ne ọ ma gba nẹ. Iran ghi rhan aro ua ye ukpo, sokpan te iran ghi kuan emwa eso nẹ.

Diuteronomi 31:27

I rẹn vbene iran ze vbe udu sẹ hẹ kevbe ne iran na vbe sọtẹ. A deghẹ iran sọtẹ ghe Nọyaẹnmwa vbe imẹ rre agbọn, I gha wu nẹ, evba iran ra na sọtẹ sẹ.

Diuteronomi 9:24

Ke ẹghẹ ne I ya rẹn uwa gha dee, te uwa wa gha sọtẹ e Nọyaẹnmwa.

Diuteronomi 9:7

“Wa ghẹ mianmian vbene uwa ya ohu mu e Nọyaẹnmwa ne Osanobua hẹ vbe uwu ato.

I Samuẹl 15:15

E Sọl keghi wanniẹn wẹẹ, “Obọ ivbi Amalẹk ọre emwa mwẹ na viọ ẹre. Iran viọ avbe ohuan kevbe ẹmila ni maa sẹ hin rre ne iran ya zọ ese ghe Nọyaẹnmwa ne Osanobua ruẹ. Ma fuẹn e ni ghi dekẹe hia fẹẹrẹ.”

I Samuẹl 15:21

Sokpan avbe emwa mwẹ ma gbele avbe ẹmila kevbe ohuan ni maa sẹ ne iran munọ ẹn, sokpan iran keghi viọ iran gha die Gilgal vbe emwana, ne iran ya zọ ese ghe Nọyaẹnmwa Osanobua ruẹ.”

I Samuẹl 15:24

E Sọl keghi wanniẹn wẹẹ, “I ru orukhọ nẹ, I ma rhie iyi ọghe Nọyaẹnmwa kevbe igiodẹ ne uwẹ ru mwẹ. Ohan avbe emwa mwẹ ọ re ọ gha mu mwẹ, I keghi ru vbene iran ho.