Ẹksọdọs 32:17 - Edo Bible (E Baibol Ẹdo) Version 1996

¹⁷ E Jọsua keghi họn vbe emwa nii gbe wẹ, ọ na tama e Mosis wẹẹ, “Mẹ họn ẹmwẹ owogho okuo vbe agọ.”

Ẹksọdọs 32:17 ပူးပေါင်းရင်းမြစ်များ

I Krọnikol 7:27

e Nọn, kevbe e Jọsua.

Job 39:25

Ẹghẹ ne okpe a rhirhi ya davan, iran ghi tin ihin; iran i he sẹ ehe ne okuo ye, ọ kegha wia so iran, iran vbe họn ẹmwẹ ne ọkaokuo vannọ ya dia igbinna.

Psalm 47:1

Wa hia ya oghọghọ kpe obọ wa ne emwa hia, wa kakabọ so ihuan ya rho e Nọyaẹnmwa.

Ẹksọdọs 17:9

E Mosis keghi khama Jọsua wẹẹ, “Hannọ emwa eso ladian ne ima ne uwa ladian ya gu emwa Amalẹk khọn akhuẹ. I gha mudia ye uhunmwu oke vbene I na gha rhie ọkpọ ne Osanobua rhie mẹ mwẹ.”

Ẹksọdọs 24:13

E Mosis keghi rhie Jọsua ne ọguọmwadia ẹre ba egbe, iran ke hin uhunmwu oke Osanobua.

Ẹksọdọs 32:16

Iwinna Osanobua ọre iran khin. Emwi ne a gbẹnnẹ yọ, emwi ne Osanobua gbẹnnẹ nọ, ne a ka e ye avbe uhanhan nii.

Ẹksọdọs 32:18

E Mosis keghi kha wẹẹ, “Ọna i re ihuan akhọnmiotọ ra eve ọmwa ne a khọn miẹn ẹre otọ, urhu ihuan ne a so ẹre imẹ họẹn.”

Ẹksọdọs 32:6

Vbe owiẹ vbirrivbirri ẹdẹ ne ọ lele ẹe iran keghi gbele aranmwẹ ya zọ ese ne iran giẹn uan. Iran keghi vbe viọ aranmwẹ rre ne a ya zọ ese isara. Emwa nii keghi tota gha re gha da, ọ na keghi do khian ayọn ohọhọ kevbe iku okpia vbe okhuo.

Jerimaia 51:14

Nọyaẹnmwa ne Oghodua ọ re ọ tobọ ẹre ya arrọọ irẹn tobọ ẹre vẹn ihẹn wẹ, rẹn gha viọ emwa nibun rre ne iran do gu e Babilọn gbinna zẹ vbe irhiso, iran gha vbe we uwemwẹ akhọnmiotọ.

Emọs 1:14

Rhunmwuda ọnii, I gha mu erhẹn ye ekẹn ne a gbe ga e Raba, I ghi vbe giẹn odin ẹnrẹn sẹ otọ. Ẹghẹ nii, iran gha tu okokoko vbe ẹdẹ okuo, igbinna ghi gha khọn emwi hia khian zẹ vbe okpẹhoho.

Emọs 2:2

I gha rhu erhẹn ye otọe Moab, I ghi vbe giẹn odin e Keriọt. Uwu owogho okuo, ọre ivbi e Moab ra wulo yi, ehe ne ivbiyokuo na goo, avbe okpe vbe tu.

Jọsua 6:10

Sokpan, e Jọsua keghi tama emwa nii wẹ ne iran ghẹ kpe orhu rhọkpa, ne iran ghẹ talọ hiehiere, rhinrin rẹn te do tama iran.

Jọsua 6:16

Iran ghi khian lẹga vbe ne ukpo-gihinrọn, avbe ohẹn ghi si orhu ni nẹ, e Jọsua keghi tama emwa ni wẹẹ, “Wa davan, e Nọyaẹnmwa mu ẹvbo na ne uwa nẹ.

Jọsua 6:20

Ẹre avbe ohẹn na si orhu, ọwarọkpa vbe avbe emwa nii ghi wa họn ẹẹn, iran keghi kakabọ davan, ekẹn keghi de wiẹghẹ ua. Avbe emwa nii keghi wa rhulẹ la ore ẹvbo nii, iran na khọn rẹn muotọ.

Jọsua 6:5

“Ẹghẹ nii, iran ghi si ẹe uhukpa ne ọ kpẹe vbe otọ. Wa gha wa họn ọnii, emwa nii hia ghi wa davan, ekẹn ne a gbe lẹga ẹvbo nii gha wa de wiẹghẹ ye otọ. Dọmwadẹ ọghọe ghi wa khian ghe odaro la ore ẹvbo nii.”

Giọgis 15:14

Ọ ghi sẹ Lẹhi, ivbi e Filistia keghi wa gha vẹ bu ẹre dee, iran kegha go yan rẹn. Orhiọn e Nọyaẹnmwa keghi rhie ẹtin ne ẹẹn, ọ keghi giagia irri ne a ya gbalọ ẹre obọ gbalọ ẹre owẹ kua vbene a gha kha wẹ oru ne erhẹn giẹnrẹn ọ re nọ.

I Samuẹl 17:20

Ẹdẹ ghi gbe vbe owiẹ ne ọ lele ẹe, e Devid keghi guakpao vbe owiẹ vbirrivbirri, ọ keghi sẹ avbe ohuan rae ne ọmwa ọvbehe, ọ na viọ evbare ọ na gha khian zẹ vbene Jese tama rẹn. Ẹghẹ ne ọ ya sẹ evba kegha re vbe ivbi Izrẹl so ihuan okuo rrie ehe ne iran ghae yi vbe uhunmwu oke.

I Samuẹl 17:52

Ivbi Izrẹl kevbe Juda keghi khu iran gha we lele iran khian, iran keghi khu iran rhinrin ya sẹ e Gat kevbe ya sẹ onurho Ẹkrọn. Ivbi e Filistin ne emwi vbare keghi dele lele odẹ e Siareim, ya sẹ e Gat kevbe Ẹkrọn.