Ẹksọdọs 32:16 - Edo Bible (E Baibol Ẹdo) Version 1996

¹⁶ Iwinna Osanobua ọre iran khin. Emwi ne a gbẹnnẹ yọ, emwi ne Osanobua gbẹnnẹ nọ, ne a ka e ye avbe uhanhan nii.

Ẹksọdọs 32:16 ပူးပေါင်းရင်းမြစ်များ

Job 19:24

Ra ne ọ ya ematọn ka ẹmwẹ mwẹ ye okuta. Ne ọ gbẹn ọẹn, ne ọ ghẹ wi ẹdẹdẹmwẹdẹ.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 32:15

E Mosis keghi fi egbe werriẹ, ọ na tuorre vbe uhunmwu oke, ke irẹn kevbe uhanhan ayere eva ne a gbẹnnẹ ọre obọ eveva.

Ẹksọdọs 32:17

E Jọsua keghi họn vbe emwa nii gbe wẹ, ọ na tama e Mosis wẹẹ, “Mẹ họn ẹmwẹ owogho okuo vbe agọ.”

Ẹksọdọs 34:1

E Nọyaẹnmwa keghi tama e Mosis wẹẹ, “Ka Uhanhan okuta eva ni ye vbe nokaro nii, I gha vbe gbẹnnẹ avbe ẹmwẹ ni rre avbe uhanhan ne okaro ne u guọghọ ua yọ.

Ẹksọdọs 34:4

Ẹre Mosis na do kae uhanhan okuta eva zẹ vbe nokaro nii, ọ ghi sẹ owiẹ ẹdẹ ne ọ lele ẹe, ọ keghi viọ iran hin uhunmwu oke Sainai zẹ vbene Nọyaẹnmwa tama rẹn, ọ keghi viọ uhanhan okuta eva nii mwẹ obọ.

II Kọrinti 3:3

Aro dae wẹ, Kristi tobọ ẹre ọre ọ gbẹn ebe na, ọ na rhie ẹre ne ima rhie rre. Ẹ i re ne a ye ẹmu gbẹnnẹ ye uhanhan okuta, sokpan ekhọe emwa ne agbọn ọre a ya Orhiọn Osanobua ne ọ rrọọ gbẹnnẹ ọẹn yi.

II Kọrinti 3:7

Te a gbẹnnẹ uhi na ye avbe uhanhan okuta, uyi Osanobua keghi rhie egbe maa vbe ẹghẹ ne a na rhie ẹre ne ọmwa. A gha rhe miẹn wẹ ọ do fafaa, awanwan ne ọ gha rre ugbaro e Mosis, keghi wo vbe egbe sẹrriọ wẹ ivbi Izrẹl ma sẹtin tọn aro yo. A deghẹ uhi ne a rẹnrẹn wẹ uwu ọre ọ si rre, ladian ke irẹn kevbe uyi ne ọ sẹ vberriọ,

Diuteronomi 10:1

“E Nọyaẹnmwa keghi tama mwẹ wẹẹ, ‘Ka uhanhan okuta eva ni vbe ye vbe ne okaro nii, ne u vbe ka ẹkpẹti ne a gha viọ iran yi. U ghi viọ iran bu mwẹ gha die uhunmwu oke.

Diuteronomi 9:15

“Ẹre I na werriẹ egbe, I na tuorre vbe uhunmwu oke, I na viọ uhanhan okuta eva nii ne a gbẹnnẹ ile nii yi mwẹ. Ogidi erhẹn na gha ba ke uhunmwu oke nii rre.

Hibru 8:10

Banbanna nian, ile ne U ghi ra gu iran ta ọna khin. Vbe iyeke avbe ẹdẹ nii, erriọ Nọyaẹnmwa khare: I gha rhie uhi mwẹ ye ẹko iran, I ghi vbe gbẹn ọẹn ye iran ekhọe, Mẹ ghi gha re Osanobua iran, Iran ghi gha re emwa mwẹ.