Ẹksọdọs 32:15 - Edo Bible (E Baibol Ẹdo) Version 1996

¹⁵ E Mosis keghi fi egbe werriẹ, ọ na tuorre vbe uhunmwu oke, ke irẹn kevbe uhanhan ayere eva ne a gbẹnnẹ ọre obọ eveva.

Ẹksọdọs 32:15 ပူးပေါင်းရင်းမြစ်များ

Psalm 19:7

Te uhi e Nọyaẹnmwa wa gba te ọ rhie ẹtin ọgbọn ye ọmwa iwu. Iyi e Nọyaẹnmwa gia mu ẹtin yan, te ọ rhie ẹwaẹn ne iran ne ẹi te mwẹ.

Ẹksọdọs 16:34

Zẹ vbene Nọyaẹnmwa yi ẹre iyi ma e Mosis, Errọn keghi muẹn ye odaro Ẹkpẹti Ile ne a miẹn ehe na gha gbe aro ghe ẹre.

Ẹksọdọs 24:12

E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ẹksọdọs 24:18

E Mosis keghi la uwu okuku nii, ọ na hin uhunmwu oke. O kegha rre evba vbe avan iyeva kevbe asọn iyeva.

Ẹksọdọs 31:18

Ugbẹn vbe Osanobua ghi gu e Mosis guan fo nẹ vbe uhunmwu oke Sainai, ọ keghi viọ uhanhan ayere eveva nii nẹẹn, uhanhan okuta ne ikpinhianbọ Osanobua gbẹnnẹ uhi yi.

Ẹksọdọs 32:16

Iwinna Osanobua ọre iran khin. Emwi ne a gbẹnnẹ yọ, emwi ne Osanobua gbẹnnẹ nọ, ne a ka e ye avbe uhanhan nii.

Ẹksọdọs 34:29

Ugbẹn vbe Mosis ghi tuorre vbe uhunmwu oke Sainai ke ẹe kevbe vbene ọ na dada uhi igbigbe mwẹ, ọ ma rẹn wẹ rhunmwuda ne irẹn na gha gu e Nọyaẹnmwa guan ighẹ te ugbaro irẹn ghi fi wainwain.

Ẹksọdọs 40:20

Ọ keghi viọ avbe uhanhan Uhi Igbe nii ọ na viọ iran ye uwu ẹkpẹti nii.

II Kọrinti 3:3

Aro dae wẹ, Kristi tobọ ẹre ọre ọ gbẹn ebe na, ọ na rhie ẹre ne ima rhie rre. Ẹ i re ne a ye ẹmu gbẹnnẹ ye uhanhan okuta, sokpan ekhọe emwa ne agbọn ọre a ya Orhiọn Osanobua ne ọ rrọọ gbẹnnẹ ọẹn yi.

II Kọrinti 3:7

Te a gbẹnnẹ uhi na ye avbe uhanhan okuta, uyi Osanobua keghi rhie egbe maa vbe ẹghẹ ne a na rhie ẹre ne ọmwa. A gha rhe miẹn wẹ ọ do fafaa, awanwan ne ọ gha rre ugbaro e Mosis, keghi wo vbe egbe sẹrriọ wẹ ivbi Izrẹl ma sẹtin tọn aro yo. A deghẹ uhi ne a rẹnrẹn wẹ uwu ọre ọ si rre, ladian ke irẹn kevbe uyi ne ọ sẹ vberriọ,

Diuteronomi 5:22

“E Nọyaẹnmwa keghi viọ uhi na ne iran hia ni si egbe koko ye ototọ oke nii. Avbe uhi na ọ re ọ viọ ne iran, ọ ma vbe sẹ ọnii, ọ keghi ye urhu nọkhua guan ke uwu erhẹn rre kevbe uwu okuku ne ọ mwẹ imi rre. Ọ keghi gbẹnnẹ avbe uhi na ye uhanhan okuta eva, ọ na viọ mẹ.”

Diuteronomi 9:15

“Ẹre I na werriẹ egbe, I na tuorre vbe uhunmwu oke, I na viọ uhanhan okuta eva nii ne a gbẹnnẹ ile nii yi mwẹ. Ogidi erhẹn na gha ba ke uhunmwu oke nii rre.

Hibru 9:4

Uwu emwa ọre Ogiukpo ọghe igoru ne a na giẹn eturari, ke ẹe kevbe ẹkpẹti kevbe ne a ya igoru rhu. Emwi ni rre uwu ẹkpẹti na kegha re ovbi uru igoru ne a viọ e mana yi, ọkpọ erhan Errọn ne ọ gbe ukhu, kevbe uhanhan okuta eva ne agbẹnnẹ ẹmwẹ ile nii yi.

Arhie Maan 5:1

I keghi bẹghe ebe ne a kiri ọkpa vbe obọ erha ọmwa ọmwa ne ọ tota ye uhunmwu ẹkete, a keghi wa gbẹnnẹ emwi vuọn rẹn obọ eva, a keghi ye emwi gba ẹe kugbe vbe ihe ihinrọn.