Ẹksọdọs 32:14 - Edo Bible (E Baibol Ẹdo) Version 1996

¹⁴ Ẹre Nọyaẹnmwa na fi ekhọe ẹre werriẹ ọ ma ghi gie ẹbe ne ọ te mwamwa khẹ emwa rẹn sunu vbe egbe iran.

Ẹksọdọs 32:14 ပူးပေါင်းရင်းမြစ်များ

Gẹnẹsis 6:6

ọ keghi dae ne ọ na yi ọmwa ye agbọn, ọ keghi gbe I ma rẹn ẹsẹse,

II Samuẹl 24:16

Ugbẹn vbe odibo e Nọyaẹnmwa ghi te ra fuẹn Jerusalẹm rua, e Nọyaẹnmwa keghi fi ekhọe werriẹ vbe oya ne ọ te rhie emwa ni re, ọ keghi tama odibo Osa nii ne ọ te gbele iran wẹẹ, “Dobọyi! Ọnii sẹe!” Ehe ne odibo Osa nii gha ye keghi re isi okọ ọghe Arauna ne ovbi e Jebus.

I Krọnikol 21:15

ọ keghi gie odibo Osa ne ọ ya dunmwu e Jerusalẹm sotọ sokpan, ọ keghi fi ekhọe werriẹ, ọ tama odibo Osa ni wẹẹ, “Dobọyi! Ọnii sẹe!” Ẹghẹ nii otọ iguọghọka ọghe Arauna ne ọmwa Jebus ọ re ọ gha ye.

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Psalm 106:45

Ọ rhunmwuda iran ye ile ẹre rre, rhunmwuda ne ọ na kakabọ ho ẹmwẹ iran ọ keghi gbe ibiẹ rriẹ.

Ẹksọdọs 33:13

Banbanna nian, adeghẹ ẹko ruẹ gele rhiẹnrhiẹn ghe mwẹ, tama mwẹ vbene u mwamwa emwi hia hẹ, ne I miẹn ehe na rẹn kevbe ne I sẹtin gha ru vbene ọ ye ruẹ. U ghi vbe yerre wẹ, agbọn ẹvbo na, emwa ruẹn ọre u zẹ iran ẹre ya khian.”

Jerimaia 18:8

ẹre ẹvbo nii ghi na fi uyinmwẹ dan rẹn werriẹ, I i ghi ru ẹre emwi ne I te wẹ I gha ru ẹre re.

Jerimaia 26:13

Wa fi uyinmwẹ uwa werriẹ, kevbe emwi ne uwa ru, ne uwa gha họn ẹmwẹ ne Nọyaẹnmwa ne Osanobua uwa. Wa gha ru vberriọ rẹn gha vbe fi ekhọe werriẹ vbekpa ọkhọ ne ọ wẹ ọ gha rruan uwa.

Jerimaia 26:19

E Hẹzekaia kevbe ivbi e Juda ma gbe Maika ua sokpan, e Hẹzekaia keghi gha mwẹ e Nọyaẹnmwa ọghọ, ọ na gha ho ne ọ miẹn aro nọ maa vbe obọ ẹre. E Nọyaẹnmwa keghi fi ekhọe werriẹ vbekpa ọkhọ ne ọ te wẹ ne ọ rruan iran. Ghe nian, ma ra ye obọ ima si ọkhọ rri egbe ima uhunmwu.”

Joẹl 2:13

“Wa gie orhiọn ne ọ ma sẹ uwa otọ rhie ma vbene uwa khiẹ sẹ hẹẹ, ukpọn ne a sọ ye egbe ọmwa ẹkun, ma zẹdẹ sẹ.” Wa dọlegbe bu e Nọyaẹnmwa ne Osanobua uwa gha dee, ọ mwẹ ekhọe agiẹngiẹn, ọ vbe vuọn ne itohan, ọ mwẹ izin egbe, ọ vbe mu eyan ne ọ yanrẹn sẹ, ọ mu egbe ne ọ ya bọ vbe ẹghẹ hia, ẹ i re ne ọ gha rri emwa oya.

Emọs 7:3

E Nọyaẹnmwa keghi fi ekhọe werriẹ, ọ keghi kha wẹẹ, “Emwi ne u miẹn i ghi ra sunu.”

Emọs 7:6

E Nọyaẹnmwa keghi vbe fi ekhọe werriẹ ọ wẹẹ, “Ọna i ghi ra vbe sunu.”

Jona 3:10

Osanobua keghi miẹn emwi ne iran ru, ọ miẹn wẹ iran mu uyinmwẹ dan iran fua. Rẹn keghi rhunmwuda ọnii fi ekhọe werriẹ, ọ ma ghi rri iran oya vbene ọ te wẹ rẹn gha ru.

Jona 4:2

Rẹn keghi rhunmwuda ọnii na erhunmwu wẹẹ, “E Nọyaẹnmwa, I ma ta ẹmwẹ na vbe I te kpao vbe owa wẹ erriọ u ra ru emwi na. Ọnii ọ si ẹe ne I na hia vbe odẹikodẹ ne I lẹ gha rrie Spen. I rẹnrẹn ighe Osanobua ne ọ mwẹ aho ẹmwẹ ọmwa kevbe itohan ọre uwẹ khin, u vbe zin egbe, u vbe mwẹ ẹnina, u vbe mu egbe vbe ẹghẹ hia ne u ya fi ekhọe werriẹ ne u ghẹ rri ọmwa oya.

Nọmbas 14:20

E Nọyaẹnmwa keghi wanniẹn wẹẹ, “I gha yabọ iran vbene u nọ rẹn.

Diuteronomi 10:10

“I keghi ya avan iyeva kevbe asọn iyeva vbe uhunmwu oke nii, zẹ vbene I ka vbe ru vbe ẹghẹ okaro. E Nọyaẹnmwa keghi ye họn urhu mwẹ ọ na wẹ rẹn i ghi fuẹn uwa a.

Diuteronomi 32:26

Te I gha te fuẹn iran an fẹẹrẹ, ne a ghẹ ghi ye iran rre ọvbehe.

Diuteronomi 32:36

E Nọyaẹnmwa gha miẹn emwa rẹn fan, vbe ọ gha miẹn wẹ ẹtin fo iran nẹ, ọ gha tohan iran ni ga ẹe, vbe ọ gha miẹn ibozẹghẹ ọ re ọ ghi ke ẹe.

Giọgis 2:18

Ẹghẹikẹghẹ ne Nọyaẹnmwa ya rhie ọkaolotu ne iran, ọ ghi yi ẹre obọ, ọ ghi miẹn emwa rẹn fan vbe obọ avbe eghian iran vbe ẹghẹ ne ọkaolotu gha ya vbe agbọn. E Nọyaẹnmwa keghi tohan iran rhunmwuda, iran da tie ẹre vbe ẹghẹ oya kevbe ukpokpo.

I Samuẹl 15:11

“Ọ da mwẹ ne I na ma e Sọl ọba, ọ fi iyeke gbe mwẹ nẹ, te ọ ghi rra uhi mwẹ.” Ohu keghi mu e Samuẹl, ọ na ye asọn ni hia rinmwian e Nọyaẹnmwa.