Ẹksọdọs 32:10 - Edo Bible (E Baibol Ẹdo) Version 1996

¹⁰ Banbanna nian, ghẹ da mwẹ obọ yi, I gha ya ohu mwẹ nọkhua fuẹn iran an. I gha ya uwẹ kevbe ivbi uẹ khian okpẹvbo.”

Ẹksọdọs 32:10 ပူးပေါင်းရင်းမြစ်များ

Gẹnẹsis 12:2

I gha viọ uniẹn nibun nuẹn, ni gha do khian avbe okpẹvbo. I gha fiangbuẹ, I ghi do ya eni ruẹn khian ne ọ hin usi sẹrriọ wẹ a ghi gha yae na erhunmwu ne ọmwa.

Psalm 106:23

Ugbẹn vbe Osanobua khare ighe rẹn ra fuẹn emwa irẹn uan, e Mosis ne ọguọmwadia ẹre ne ọ hannọ zẹ keghi degbe Osanobua odẹ ọ ma gie ohu ẹre fuẹn iran an.

Ẹksọdọs 22:24

Ohu gha wa kakabọ mu mwẹ, I ghi gbele uwa a vbe okuo. avbe amwẹ uwa ghi khian ẹgbẹe, ivbi uwa ghi khian emọ ne ẹ imwẹ erha.

Ẹksọdọs 32:11

Sokpan e Mosis keghi rinmwian e Nọyaẹnmwa ne Osanobua ẹre, ọ wẹẹ, “Vbọzẹ yi e Nọyaẹnmwa ne u na gie ohu emwa ruẹn muẹn sẹrriọ, emwa ne uwẹ fannọ hin ọviẹn rre vbe Igipt vbe ekpa ẹtin kevbe iwẹgbe?

Ẹksọdọs 32:19

E Mosis ghi sikẹ ọkpẹn agọ nii sẹ ne ọ na sẹtin bẹghe ovbi ẹkhuia ẹmila nii kevbe avbe emwa nii vbe iran ku, ohu keghi muẹn ẹsẹsẹmwẹse, ọ na filo avbe uhanhan ne ọ viọ mwẹ obọ kua, ọ na guọghọẹe rua ye ototọ oke nii.

Ẹksọdọs 33:3

Otọ igho kevbe ne ọ maa emwiokọ ọre uwa rrie. Sokpan mẹ i ra lele uwa gha khian rhunmwuda emwa ni zevbudu wa khin ne a ghẹ miẹn ghẹ I ya fuẹn uwa a vbe odẹ.”

Jerimaia 11:14

E Jerusalẹm i ghi na erhunmwu ghe mwẹ ra ne iran vbe rinmwian mwẹ ne emwa nii ọvbehe. Iran gha rre uwu ibaro, iran na tu bu mwẹ rre do nọ iyobọ, I i zẹ ye iran ẹre.”

Jerimaia 14:11

E Nọyaẹnmwa keghi tama mwẹ wẹẹ, “Ghẹ tama mwẹ ne I ye emwa na obọ.

Jerimaia 15:1

Ẹre Nọyaẹnmwa na tama mwẹ wẹẹ, “Ọ gha khọnrẹn ne a miẹn wẹ e Mosis kevbe Samuẹl ọ re ọ mudia vbe emwa na gha rinmwian mwẹ, I i sẹtin tohan emwa na hiehiere. Wẹ ne iran ladian, wẹ ne iran kpao hin odaro mwẹ rre.

Jerimaia 7:16

E Nọyaẹnmwa keghi kha wẹẹ, “Jerimaia, ghẹ na erhunmwu ne iran na, ghẹ viẹ ra ne u na erhunmwu ne iran, ghẹ rinmwian mwẹ rhunmwuda, mẹ i ra zẹ ye uẹ ẹre.

Ezikiẹl 20:13

Uhin wẹ vbe uwu ato, iran ke wa gha yagha mwẹ. Iran rra uhi mwẹ, iran keghi vbe fi iyeke gbe iyi mwẹ ne ọ rhie arrọọ ne ọmwaikọmwa ne ọ ya ẹe ru emwi. Iran ke wa mu Ẹdẹ Ikẹtin rhiaa fẹẹrẹ, I te wa mu egbe ne I gie iran họn obọ ohu mwẹ vbe egbe vbe uwu ato nii, ne I wa fuẹn iran an.

Nọmbas 14:12

I gha gie emianmwẹ ogba obọ ne ọ fuẹn iran uan, sokpan, I gha ya uwẹ ru ne ọ mu ẹvbo ọvbehe gbọọ, ẹvbo ne ọ gha kpọlọ kevbe ne ọ gha mwẹ ẹtin sẹ iran.”

Nọmbas 16:21

“Gban egbe ghe iyeke hin ehe ne iran na ye rre, ne I wa fuẹn iran uan banbanna.”

Nọmbas 16:22

Sokpan e Mosis kevbe Errọn keghi vbẹrre mu aro rhuotọ, iran keghi kha wẹẹ, “Osanobua, wẹ ọrọre ehe ne arrọ hia ke rre. ohu emwa hia gha wa gha mu uẹn ra rhunmwuda ighẹ orhunmwu ọkpa ru orukhọ?”

Diuteronomi 9:14

Ghẹ ghi da mwẹ obọ yi, I ho ne I fuẹn iran an, ne ọmwa rhọkpa ghẹ ghi ye iran rre ọvbehe. Mẹ ghi do ya uwẹ khian erha okpẹvbo ne ọ kpọlọ kevbe ne ọ wegbe sẹ iran.’

Diuteronomi 9:19

Ohan ohu nọkhua ọghe Nọyaẹnmwa ọ re ọ gha mu mwẹ, rhunmwuda ohu nii sẹrriọ wẹ ọ sẹtin fuẹn uwa ua, sokpan e Nọyaẹnmwa keghi yevbe họn ọghomwẹ uhukpa ba ẹre.

Jems 5:16

Rhunmwuda ọnii, wa gha miẹn orukhọ uwa kue ma egbe, wa ghi vbe gha na erhunmwu ne egbe. Ne egbe miẹn ehe na rran uwa. Erhunmwu ọmwa ẹmwata wa mwẹ ẹtin ne a ya winna iwinna ẹtin ẹsẹse.