Ẹksọdọs 32:1 - Edo Bible (E Baibol Ẹdo) Version 1996

¹ Ugbẹn vbe emwa nii ghi miẹn wẹ e Mosis wa kpẹe vbe uhunmwu oke ighẹ ọ ma tuorre, iran keghi do vba Errọn, iran tama rẹn wẹẹ, “Larre o, do ma Osanobua ne ima ne ọ gha viọ ima khian rhunmwuda ma ma ghi rẹn emwi ne ọ ghi ru oko na ighẹ Mosis ne ọ viọ ima ke Igipt ladian.”

Ẹksọdọs 32:1 ပူးပေါင်းရင်းမြစ်များ

Gẹnẹsis 19:14

E Lọt keghi bu emwa ne avbe ivbi ẹre nikhuo ra te rọnmwẹ, ọ tama iran wẹẹ, “Wa zẹgiẹ ladian vbe emwana, e Nọyaẹnmwa ra do fuẹn emwa na an.” Sokpan iran keghi ro ighẹ ọdẹn ọre ọ gbe.

Gẹnẹsis 21:26

Abimẹlẹk keghi kha wẹẹ, “I ma rẹn vberriọ, u ma tama mwẹ, ẹghẹ okaro ne I ya họẹn ọna khin.”

Gẹnẹsis 39:8

Rẹn keghi he, ọ tama okhuo nii wẹẹ, “Arowa mwẹ i ghi vbe si osi ye emwikemwi ni rre owa na, rhunmwuda ighẹ I rre emwa. Ọ viọ emwi hia mẹ nẹ ne I gha gbearoghe.

Gẹnẹsis 44:15

E Josẹf keghi kha wẹẹ, “Vbe ọ na khin uyinmwẹ ne uwa yinrin na yi? Wa ma rẹn wẹ ọmwa vbene imẹ ye gha sẹtin bọ mu uwa ra?”

Gẹnẹsis 44:4

Ugbẹn vbe iran ma ghi he khian rrei gbe vbe ore ẹvbo, e Josẹf ke tama ọguọmwadia ne ọ gbearoghe owa ẹre wẹẹ, “Mu egbe ne u khu avbe emwa na. U gha vba iran, u ghi nọ iran wẹẹ, ‘Vbọzẹ ne uwa na ya ọkhọ san ẹse yi?

Psalm 106:19

Iran na ma ẹmila igoru vbe Sainai iran na gha gho amazẹ ni.

Ẹksọdọs 13:21

Vbe ẹghẹ avan, e Nọyaẹnmwa ghi ya orre okuku ke odaro iran ne ọ gha ma iran odẹ, kevbe ẹghẹ asọn, ọ ghi ya orre erhẹn ke odaro ne iran ne ọ gha rhie uwanmwẹ ne iran, ne iran miẹn ehe na ye avan kevbe asọn khian.

Ẹksọdọs 14:11

Iran keghi tama e Mosis wẹẹ, “Te idin i ghi rre Igipt ra ne u na viọ ima gha de uwu oha ne ima do wulo kua. U ma miẹn emwi ne u ru nian ne u na viọ ima ke Igipt ladian.

Ẹksọdọs 16:3

Iran wẹẹ, “E Nọyaẹnmwa wa gbele ima ye Igipt ọre ọ te maa sẹ. Evba ma gha na te gha tota ke ọkpan emiowo, ma ghi vbe gha rri evbare vbene ọ khọn mwa sokpan wa viọ ima la uwu ato na ne uwa do ya ohanmwẹ gbele ima an.”

Ẹksọdọs 20:23

Wa ghẹ ma amazẹ ẹrọnmwọ ra igoru ne u wa gha vbe gha ga ẹe ba mwẹ.

Ẹksọdọs 24:12

E Nọyaẹnmwa keghi tama e Mosis wẹẹ, “Hin odukhunmwu oke bu mwẹ gha dee ne u do mudia mwa. Mẹ gha viọ uhanhan okuta eva ne avbe iyi kevbe uhi nii ye nuẹn, emwi ne imẹ gbẹnnẹ ne a ya gha ma avbe emwa na emwi.”

Ẹksọdọs 24:18

E Mosis keghi la uwu okuku nii, ọ na hin uhunmwu oke. O kegha rre evba vbe avan iyeva kevbe asọn iyeva.

Ẹksọdọs 32:11

Sokpan e Mosis keghi rinmwian e Nọyaẹnmwa ne Osanobua ẹre, ọ wẹẹ, “Vbọzẹ yi e Nọyaẹnmwa ne u na gie ohu emwa ruẹn muẹn sẹrriọ, emwa ne uwẹ fannọ hin ọviẹn rre vbe Igipt vbe ekpa ẹtin kevbe iwẹgbe?

Ẹksọdọs 32:22

Errọn keghi wanniẹn wẹẹ, “Ghẹ gunmwẹ gui, u rẹn vbe ne ọ rre iran na ekhọe hẹ ne iran gha ru emwi dan.

Ẹksọdọs 32:23

Iran do khama mwẹ wẹẹ, ‘Ru Osanobua ọkpa ne ọ gha su ima khian, ma ma rẹn emwi ne ọ ghi ru oko na ighẹ Mosis ne ọ viọ ima ke Igipt ladian.’

Ẹksọdọs 32:7

E Nọyaẹnmwa keghi tama e Mosis wẹẹ, “Zẹgiẹ tuorre, rhunmwuda avbe emwa ruẹn ne u viọ ke Igipt gha dee fa egbe ua nẹ, iran he mwẹ ye otọ.

Ẹksọdọs 33:3

Otọ igho kevbe ne ọ maa emwiokọ ọre uwa rrie. Sokpan mẹ i ra lele uwa gha khian rhunmwuda emwa ni zevbudu wa khin ne a ghẹ miẹn ghẹ I ya fuẹn uwa a vbe odẹ.”

Ezikiẹl 20:8

sokpan, iran yagha mwẹ, iran ma danmwehọ, iran ma viọ amazẹ osọnnọ iran kua ra ne iran sẹ avbe ẹbọ Igipt rae. Mẹ keghi te wa mu egbe ne iran họn ẹmwẹ obọ ohu ne ọ mu mwẹ vbe egbe vbe Igipt vbe odọ niii.

Hozia 12:13

E Nọyaẹnmwa keghi giee akhasẹ ne ọ ya fannọ ivbi Izrẹl hin ọviẹn rre vbe Igipt, kevbe ne ọ gha gbearoghe iran.

Maika 6:4

I viọ uwa ke Igipt ladian, I fannọ uwa hin ọviẹn rre. I gie Mosis, Errọn kevbe Miriam, ne iran su uwa gha khian.

Nọmbas 14:22

Ọkpa vbe uwu iran na ne ọ gha rre agbọn, ne ọ vbe lao otọe nii, ẹ i rrọ. Iran miẹn uwanmwẹ ne ẹ i gia ghe ne a ya rẹn ighẹ I rre evba nẹ, kevbe iwinna ọ yan unu uan ne I winnaẹn vbe Igipt, kevbe uwu ẹgbo, sokpan iran keghi ye gha fi obọ yọ mwẹ unu yan egbe yan egbe, iran na he ne iran họn ẹmwẹ mẹ.

Matiu 24:43

Wa yerre wẹẹ, akpawẹ ọdafẹn ne ọ yan owa rẹn ẹghẹ ne oyi gha ya rre, te ọ gha kọnvbe, ẹ i ghẹ gie oyi kpahiẹ la irẹn owa.

Matiu 24:48

Sokpan, deghẹ ọguọmwadia dan nọ, rẹn ghi ye otọ ẹko ẹre kha wẹẹ, ‘Ọ gha kpee arowa mwẹ ke rre.’

Iwinna 17:29

Vbene a ghi na miẹn nian wẹ ivbi ẹre ma khin, ọ ma kei ne ima gha ro ighẹ te ama Osanobua yevbe amazẹ ne a ya igoru ma, ra ẹrọnmwọ ra okuta ne ọmwa ne agbọn ye ifuẹro ke iguemwi obọ ẹre mwamwa.

Iwinna 19:26

Wa họẹn, aro uwa tobọ uwa vbe sẹ emwi ne oko na ne iran tie ẹre Pọl ru. Ọ wẹ ẹbọ ne a ya obọ ma i re ẹbọ hiehiere, obọ ẹre da otọ ne ọ ya fi emwa ekhọe werriẹ vbe Ẹfisọs mwa na, kevbe na wa kha wẹ la otọe Esia hia.

Iwinna 7:40

Iran keghi do tama Errọn wẹẹ, ‘Do ma amazẹ eso ne ima ne ọ gha ke odaro ne ima. Ma ma rẹn emwi ne ọ ghi ru e Mosis ne ọ viọ ima ke otọ Igipt ladian.’

Diuteronomi 31:8

E Nọyaẹnmwa tobọ ẹre gha ke aro ne uwa, ọ gha vbe gha rrọọ yaba uwa, rẹn i ra hiẹ uwa ra ne ọ he uwa ye otọ, rhunmwuda ọnii, wa ghẹ gie ẹtin fo uwa, wa ghẹ gie ohan mu uwa.”

Diuteronomi 9:1

“Wa danmwẹ ehọ ivbi Izrẹl, te uwa ghi ra fian Ẹzẹ Jọdan rra na ne uwa ya mu otọ ẹvbo ni kpọlọ sẹ uwa, kevbe ni vbe mwẹ ẹtin sẹ uwa ne uwa yin ẹnrẹn. Ẹvbo iran wa kpolo, ekẹn ne a gbe ga iran wa yo sẹ iso.

Diuteronomi 9:9

Mẹ hin uhunmwu oke ne I ya viọ avbe uhanhan okuta ne a gbẹnnẹ ile ne Nọyaẹnmwa gu uwa ta yi, I keghi gbe asọn iyeva kevbe avan iyeva vbe evba, I ma re, I ma da.

Jọsua 7:13

Kpaegbe! Ya khuẹ awua hin egbe avbe emwa nii rre ne u wẹ ne iran mu egbe ne iran bu mwẹ gha dee. Tama iran ne iran mu egbe ne iran bu mwẹ gha dee ẹdẹ nakhuẹ, rhunmwuda mẹ ne Osanobua Izrẹl mwẹ emwi ne I ra ta wẹẹ: ‘Izrẹl, emwi eso ne I wẹ ne uwa fuẹn uan guẹ. Wa i ra sẹtin mudia vbe odaro avbe eghian uwa vbe ẹi re te uwa viọ avbe emwi na hin ehe ne uwa ye rre nẹ.’

II Pita 3:4

Iran ghi gha kha wẹ, “Ẹ i re te a wẹ rẹn dọlegbe dee! Rẹn ghi vbo nia? Avbe erha ima hia wulo nẹ, sokpan vbene emwi hia ye ke ne a bu agbọn tue agbọn, ọre ye ye.”