Ẹksọdọs 31:6 - Edo Bible (E Baibol Ẹdo) Version 1996

⁶ I vbe zẹ Oholiab ne ovbi Ahisamak ne ẹwae ọghe Dan ne ọ yaba re gha winna. I vbe ya ẹtin nọkhua ne avbe ọmwa ifuẹro nekpa hia fẹẹrẹ ne iran miẹn ehe na ru emwi hia ne I yi iyi ẹre ne iran ru:

Ẹksọdọs 31:6 ပူးပေါင်းရင်းမြစ်များ

I Ọba 3:12

I gha rhie emwi ne u nọ rẹn ne uẹn. I gha rhie ẹwaẹn kevbe irẹnmwi ne uẹn sẹ emwa hia ni ke aro nuẹn kevbe ni gha vbe rre vbe iyeke ruẹ.

Ẹksọdọs 28:3

Tama emwa ifuẹro hia ni guẹ ona, iran hia ne I ya ẹe wẹ, ne iran sẹ ẹwu Errọn ne a miẹn ehe na ya ẹe fi ohan ne ọ gha ga mwẹ zẹ vbe ohẹn.

Ẹksọdọs 31:5

Ne ọ guara gha giagia ikpẹrọnmwọ ọmwa, ne ọ guara gha gbẹn erhan kevbe emwi ifuẹro ọvbehe hia.

Ẹksọdọs 35:10

“Emwa ifuẹro nii rre uwu owa hia ghi gha dee ne iran do ru emwi hia ne a yi ẹre iyi.

Ẹksọdọs 35:34

E Nọyaẹnmwa vbe rhie ne irẹn kevbe Oholiab ne ovbi Ahisamak ne ẹwae e Dan, ẹwaẹn ne iran vbe ma emwa ọvbehe ifuẹro iran.

Ẹksọdọs 35:35

Ọ vbe rhie ifuẹro ne iran ya gha ru emwi hia ne owinna ru, emwa ni ya eto ohuan do ukpọn ne raghoragho, ne ọ vboro rhan an, kevbe ne ọ baa kevbe eto ovbi ohuẹ ne vbukhẹẹ kevbe ọghe emwa ni do ido kẹkan. Iran sẹtin winna iwinna ifuẹro hia, emwa ne ẹwaẹn emwi ne a mwa gba na iran khin.

Ẹksọdọs 35:4

E Mosis keghi tama emwa Izrẹl hia wẹẹ, “Emwi ne Nọyaẹnmwa yi ẹre iyi ọre ọna khin.

Ẹksọdọs 36:8

Iran ni ghi fuẹro sẹ vbe uwu iran nii winna nene iwinna kegha bọ Owa Ukpọn nii. Igbu ukpọn igbe ne a ya eto ovbiohuẹ ne vbukhẹẹ ne a mẹ, ne raghoragho, ne ọ vboro rhan-an, kevbe eto ohuan ne a ye emwi ni zẹ ifuẹn do ona yi.

Ẹksọdọs 38:23

Ọmwa ne ọ gha yi ẹre obọ, Oholiab ne ovbi Ahisamak ne uniẹn Dan, kegha re ọmwa ne ọ sa emwi ye ama, ne ọmwa emwi, ne ọ do eto ohuan ne raghoragho, ne ọ vboro rhan-an, kevbe ne ọ baa, kevbe eto ovbiohuẹ ne vbukhẹẹ.

Ẹksọdọs 6:26

Nene Errọn kevbe Mosis na ọre Nọyaẹnmwa tama wẹẹ, “Viọ avbe ivbi Izrẹl ke Igipt ladian.”

Iyẹn ne ọ Maan Ọghe Luk 10:1

Vbe iyeke ọnọna, Jesu keghi zẹ arhin eva yan ekigbesiyenẹ, ọ keghi gie iran eveva ke odaro gha rrie ehe ne irẹn tobọ ẹre mu egbe nẹ ne ọ yo.

Iwinna 13:2

Ugbẹn vbe iran ghi ga Nọyaẹnmwa, vbe iran vbe yo aguẹ, Orhiọn Ne Ọ Huanrẹn tama iran wẹẹ, “Wa viọ Banabas vbe Sọl ladian nẹ ne iran ya winna iwinna ne I tie iran baa.”

Jems 1:5

Sokpan deghẹ a miẹn ne ẹ i mwẹ ẹwaẹn vbe uwu uwa, wẹ ne ọ na erhunmwu ghe Osanobua, ne ọ gha rhie ẹre nẹẹn, rhunmwuda, ọwọrhọwọrhọ ọre Osanobua viọ emwi ne emwa hia.