Ẹksọdọs 31:13 - Edo Bible (E Baibol Ẹdo) Version 1996

¹³ “Tama ivbe Izrẹl, ‘Wa ghi gha zama Ẹdẹ Ikẹtin mwẹ rhunmwuda, ama nọ vbe ẹkpo imẹ vbe uwa kevbe ivbi uniẹn uwa ne a ya rẹn wẹ mẹ ne Nọyaẹnmwa ya uwa ru emwa obọ mwẹ nẹ.

Ẹksọdọs 31:13 ပူးပေါင်းရင်းမြစ်များ

Nehimaia 9:14

U ma iran ẹre ne iran gha ya Ẹdẹ ikẹtin ru emwi ni huanrẹn u na rhie uhi ruẹ la obọ Mosis ne ọguọmwadia ruẹ gie iran.

Ẹksọdọs 31:12

E Nọyaẹnmwa keghi tama e Mosis wẹẹ,

Ẹksọdọs 31:17

Ama etẹbitẹ nọ ne imẹ vbe Izrẹl rhunmwuda, mẹ ne Nọyaẹnmwa, ẹdẹ ehan ọre I ya yi ẹrinmwi kevbe agbọn, vbe ikpẹdẹ ne ogihinrọn, I keghi da obọ iwinna yi, I na hẹwẹ.’ ”

Aizaia 56:2

I gha fiangbe iran ni rhie ẹdẹ ikẹtin lẹre vbene iran i na ru emwi ne ọ ma kei vbọ. I gha fiangbe iran ne ẹ i ru emwi dan rhọkpa.”

Jerimaia 17:22

Ra ne iran vbe mu emwikemwi ladian vbe owa iran vbe Ẹdẹ Ikẹtin, iran ghẹ winna vbe Ẹdẹ Ikẹtin. Iran ghi ya ẹe ru ẹdẹ nọhuanrẹn, zẹ vbe ne I tama avbe erha iran odede.

Ezikiẹl 20:12

I keghi ya Ẹdẹ Ikẹtin ne a ya hẹwẹ ru ama ye ile ne ima gba ta, ne ọ gha ye iran rre wẹ te imẹ ne Nọyaẹnmwa ya iran khian nọhuanrẹn.

Ezikiẹl 20:20

Wa ya Ẹdẹ Ikẹtin khian ẹdẹ nọhuanrẹn, ne ọ miẹn ehe na gha re ama ile ne ima gba ta, ọ ghi vbe gha ye uwa rre wẹ mẹ ọrọre Nọyaẹnmwa ne Osanobua uwa.

Ezikiẹl 37:28

I gha ghi mu Ọgua Osa mwẹ ye uwu ẹbu iran nẹ, ne ọ gha rre evba ẹdẹdẹmwẹdẹ, ẹghẹ nii avbe uhunmwu ẹvbo gha rẹn wẹ mẹ ne Nọyaẹnmwa, hannọ Izrẹl zẹ nẹ ne iran gha re emwa mwẹ.”

Ezikiẹl 44:24

Imuaẹmwẹ ne a tie uhi ginna gha sunu, avbe ohẹn ghi lele uhi mwẹ ya bu ẹre. Iran ghi gha ru avbe emwi ukpo iyayi zẹ vbe uhi kevbe ilele mwẹ, iran ghi vbe zẹ Ẹdẹ Ikẹtin kọ zẹ vbe emwi nọhuanrẹn.

Levitikọs 19:3

Dọmwadẹ ọghọe ghi gha ya ọghọ ne erha ẹe kevbe iye ẹe, wa ghi vbe gha ru avbe ugamwẹ Ẹdẹ Ikẹtin zẹ vbene I khare. Mẹ ọre Nọyaẹnmwa Osanobua uwa.

Levitikọs 19:30

Wa gha ru ugamwẹ Ẹdẹ ikẹtin, wa vbe gha ya ọghọ ne owa ukpọn mwẹ ne ọ huanrẹn. Mẹ ọ re Nọyaẹnmwa.

Levitikọs 20:8

Wa gha ya uhi mwẹ ru emwi rhunmwuda mẹ ọ re Nọyaẹnmwa mẹ ọ re ọ vbe ya uwa khian ne ọ huanrẹn.”

Levitikọs 21:8

Ọ kere ne emwa hia rẹn ohẹn ye ọmwa ne ọ huanrẹn rhunmwuda rẹn ọ ya evbare zẹ ọhẹ mẹ. Mẹ ọ re Nọyaẹnmwa ọmwa ne ọ huanrẹn mẹ khin, mẹ ọ re ọ vbe ya emwa mwẹ khian ne ọ huanrẹn.

Levitikọs 23:3

Ikpẹdẹ ehan ọre uwa mwẹ ne uwa gha ya gha winna iwinna uwa, sokpan wa ghi yerre wẹ ẹdẹ ne ogihinrọn, ẹdẹ ikẹtin nọ. Vbe ẹdẹ nẹdẹrriọ, wa ghẹ winna, sokpan wa ghi si koko ne uwa ru ugamwẹ, Nọyaẹnmwa ọ re ọ yan ẹdẹ ikẹtin, ehe ne u rhirhi gha ye.

Levitikọs 25:2

“Ne ọ viọ avbe emwamwa na ne ivbi Izrẹl. Ugbẹn vbe uwa a ghi sẹ otọ nii ne Nọyaẹnmwa ra mu ne uwa ne, wa ghi ya ọghọ ne Nọyaẹnmwa vbe kpa ne a gha na miẹn wẹ wa ma mu ugbo vbe otọe nii vbe ukpo ne ogihinrọn vbọ.

Levitikọs 26:2

Wa gha ru avbe emwiukpo ugamwẹ nii, wa ghi vbe ya ọghọ ne Owa Ukpọn mwẹ ne ọ huanrẹn. Mẹ ọre Nọyaẹnmwa.

Emọs 8:5

Wa ghi gha tama egbe wẹẹ, “Ma gha sẹtin mudia ne irhiẹdẹ fo nẹ ma keghi ya gha khiẹnnẹ avbe ọka ima? De ẹghẹ ne Ẹdẹ Ikẹtin ra ya gberra yi ne ima miẹn ehe na suẹn emwi gha khiẹn? Ẹghẹ nii, ma ghi fian yan emwi hia, ma ghi gha ya omwa ne ọ ma gba mwa emwi, ma ghi mu esike ye vbene ọ gha ya mu emwa ni gu ima dẹlẹ emwi ru.

Matiu 23:17

Wa ne akpa vbe abobo! De ne ọkpọlọ sẹ, igoru ra Ọgua Osa ne ọ ya igoru khian ne ọ huanrẹn?

Iyẹn ne ọ Maan Ọghe Jọn 17:17

Ye ẹmwata ya iran khian ọ wuẹ, ẹmwata ọre ẹmwẹ ruẹn khin.

Iyẹn ne ọ Maan Ọghe Jọn 17:19

Rhunmwuda iran, ọre I na ya egbe mwẹ fi ohan nuẹn, ne iran tobọ iran miẹn ehe na vbe khian ọwuẹ vbe ẹmwata.

Diuteronomi 5:12

“ ‘Gha zẹ Ẹdẹ ikẹtin kọ ne u ya fi ohan mẹ zẹ vbe ne imẹ ne Nọyaẹnmwa Osanobua ruẹ tama ruẹn.

I Tẹsalonaika 5:23

Te Osanobua ne ọ rhie ọfumwegbe ne ima gha wa ye uwa khian ọghọe fo, ne ọ rhie emwi ne uwa khin hia, egbe, ekhọe kevbe orhiọn uwa mwẹ vbe ne a i na mwẹ abe vbe oghẹ urremwẹ Nọyaẹnmwa Jesu Kristi.

Ebe ne Jud gbẹẹn 1:1

E Jud ne ọguọmwadia Jesu Kristi kevbe ọtẹn Jems ne okpia, ọre ọ gbẹn ebe na gie emwa hia ne Osanobua tie re, emwa ni rrọọ vbe uwu aho ẹmwẹ ọmwa ọghe Osanobua ne erha kevbe iran ne Jesu Kristi gbe aro ghe.