Ẹksọdọs 30:7 - Edo Bible (E Baibol Ẹdo) Version 1996

⁷ Owiẹ ọghe ẹdẹ hia ọre Errọn gha ya gha giẹn eturari ne ọ winhin vbe uhunmwu ẹnrẹn vbe ọ gha rre do dọlọ urhukpa nii yi.

Ẹksọdọs 30:7 ပူးပေါင်းရင်းမြစ်များ

I Krọnikol 23:13

Ovbi ẹre ne ọdiọn ighẹ Amram ọrọre erha Errọn kevbe Mosis. (A keghi viọ Errọn kevbe uniẹn ọnrẹn ye obọkpa ne iran gha gbearoghe avbe emwi ni huanrẹn ẹdẹdẹmwẹdẹ, ne iran gha giẹn eturari, vbe ugamwẹ e Nọyaẹnmwa, ne iran gha ga ẹe, kevbe ne iran vbe gha ya eni e Nọyaẹnmwa fiangbe emwa ni.

I Krọnikol 6:34

Ẹlkana e Jeroham, Eliẹl, e Toa,

II Krọnikol 2:3

E Solomọn keghi gie ne a tama e Hiram ne ọba e Taia wẹẹ, “Vbe gha do ẹki gun mwẹ zẹ vbene u vbe gha do ẹki gie erha mwẹ ighẹ e Devid ne ọba vbe ẹghẹ ne u na khiẹnnẹ igẹdu e sida ne ẹẹn ne ọ ya bọ ẹguae ẹre.

II Krọnikol 2:4

I wa bọ Ọgua Osa nian ne I ya ya ọghọ ne Nọyaẹnmwa ne Osanobua mwẹ. Ehe ne ọ huanrẹn khian gha nọ, ehe ne avbe emwa mwẹ kevbe imẹ, gha na gha ga ẹe, vbene ima gha na gha giẹn eturari nọwinhin ghe ẹre, ehe ne ima gha na gha ye ebrẹd ne ọ huanrẹn yo imuohan giee vbe ne a i na dobọyi, ehe ne ima gha na gha zọ ese ne a giẹn uan ghe ẹre vbe owiẹ kevbe ota kevbe Ẹdẹ Ikẹtin hia fẹẹrẹ, emwiukpo Uki Ọgbọn, kevbe avbe ẹdẹ ni huanrẹn ne a ya gha ya ọghọ ne Nọyaẹnmwa ne Osanobua mwa. Rẹn ọ re ọ tama ivbi Izrẹl ne iran gha ru ọna khian ẹdẹdẹmwẹdẹ.

II Krọnikol 26:18

Ne iran ya da ẹre obọ ẹre yi. Iran tama rẹn wẹẹ, “Uzaia, u i mwẹ asẹ ne u ya giẹn eturari ghe Nọyaẹnmwa. Avbe ohẹn ni re uniẹn Errọn, emwa ne avbe ma re ohẹn yọ, ọ re ọ ru ẹe. Kpa vbe ehe ne ọ huanrẹn na rre, u sẹmwẹ e Nọyaẹnmwa Osanobua, ẹ i ghi fiangbuẹ ọvbehe.”

II Krọnikol 29:7

Iran khui urho Ọgua Osa, iran gie ukpa dọyọ, iran ma ghi giẹn eturari ra ne iran zọ ese ne a tọn ẹn vbe Ọgua Osa ọghe Osanobua Izrẹl.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Ẹksọdọs 30:34

E Nọyaẹnmwa tama e Mosis wẹẹ, “Viọ avbe emwi ne ọ winhin ne I ra sunu yi na umwọmwẹ vbe ọkpọkpa, estakt, oinkia, galbanum, kevbe eturari ne a ma gua.

Ẹksọdọs 30:6

U ghi mu aka na ye odaro ukpọn onurho ne ọ rre vbe a te sẹ ehe ne ẹkpẹti Ile ye.

Ẹksọdọs 30:8

Ọ ghi vbe ru ẹe vberriọ vbe ọ gha do rhu ukpa nii vbe ota. Eturari ne a giẹn na, a ghẹ da obọ ẹre yi ẹdẹdẹmwẹdẹ vbe orre uwa hia.

Ẹksọdọs 40:27

Ọ keghi giẹn eturari nẹ ọ winhin nii vbe uhunmwu ẹnrẹn zẹ vbene Nọyaẹnmwa tama rẹn.

Nọmbas 16:40

Ọna kegha re ne ivbi Izrẹl gha miẹn wan wẹ ọmwa ne ẹ i re ovbi uniẹn ọghe Errọn ne ọ ghẹ gha rrie aka do gha giẹn eturari vbe odaro e Nọyaẹnmwa, ne a ghẹ vbe fuẹn ọnrẹn uan zẹ vbe Kora kevbe irogho ẹre. A keghi ru emwi na hia zẹ vbene Nọyaẹnmwa gie Mosis ne ọ tama Eliaza.

Iyẹn ne ọ Maan Ọghe Luk 1:9

Zẹ vbe obọ ne avbe ohẹn ru emwi la, rẹn ọre uta mu wẹ ne ọ ya giẹn eturari vbe ogiukpo. Rhunmwuda ọnii, rẹn keghi la uwu Ọgua Osa Osanobua.

Iwinna 6:4

Ẹghẹ nii, ma tobọ ima ghi wa mu aro ye ẹmwẹ erhunmwu ne a ka ke ikporhu, vbe ne a i ghi na ru emwi ọvbehe ba ẹre.”

Diuteronomi 33:10

Iran gha ma emwa ruẹn re ne iran gha ya uhi ru emwi, iran gha zọ ese vbe aka ruẹ.

I Samuẹl 2:28

I keghi hannọ ẹgbẹe ọghe ọe zẹ, vbe uwu ẹwae ni rre Izrẹl hia ne iran gha re ohẹn mwẹ, ne iran gha ga vbe Ogiukpo, ne iran gha giẹn eturari kevbe ne iran gha rhuan adaghọ ya nọ mwẹ ọta. I kevbe rhie asẹ ne iran, ne iran gha ghae vbe emwi ne a giẹn uan vbe aka.

I Samuẹl 3:3

E Samuẹl keghi vbe gha vbiẹ vbe uwu Ogiukpo, ehe ne Ẹkpẹti Ile ọghe Osanobua ye. Ukpa ne ọ rre evba ke ye gha baa.