Ẹksọdọs 30:6 - Edo Bible (E Baibol Ẹdo) Version 1996

⁶ U ghi mu aka na ye odaro ukpọn onurho ne ọ rre vbe a te sẹ ehe ne ẹkpẹti Ile ye.

Ẹksọdọs 30:6 ပူးပေါင်းရင်းမြစ်များ

I Krọnikol 23:13

Ovbi ẹre ne ọdiọn ighẹ Amram ọrọre erha Errọn kevbe Mosis. (A keghi viọ Errọn kevbe uniẹn ọnrẹn ye obọkpa ne iran gha gbearoghe avbe emwi ni huanrẹn ẹdẹdẹmwẹdẹ, ne iran gha giẹn eturari, vbe ugamwẹ e Nọyaẹnmwa, ne iran gha ga ẹe, kevbe ne iran vbe gha ya eni e Nọyaẹnmwa fiangbe emwa ni.

I Krọnikol 28:11

E Devid keghi ru ama vbene a mwa nene Ọgua Osa hia hẹ ne Solomọn, avbe aza ni rrọọ kevbe avbe ugha ọvbehe ni rrọọ kevbe Ehe Nọhuansẹ Ehia, ehe ne a na ya orukhọ bọ ọmwa.

Ẹksọdọs 30:36

U ghi dunmwu eso vbọ rẹnkhẹn u ghi gha lo eso vbọ vbe odaro Ẹkpẹti Osẹe vbe uwu Owa Ukpọn ne a ya rẹn ighẹ mẹ rre evba, ehe ne I gha na do gha vbe ruẹ. U ghi gha ya obọ mu eturari na zẹ vbe emwi ne ọ huanrẹn ẹsẹse.

Ẹksọdọs 30:5

U ghi ya erhan akesia ru avbe ogba na, u ghi vbe ya igoru rhu iran.

Ẹksọdọs 30:7

Owiẹ ọghe ẹdẹ hia ọre Errọn gha ya gha giẹn eturari ne ọ winhin vbe uhunmwu ẹnrẹn vbe ọ gha rre do dọlọ urhukpa nii yi.

Ẹksọdọs 40:26

Ọ keghi mu aka ọghe igoru nii ye uwu Owa Ukpọn vbe odaro ukpọn onurho.

Ẹksọdọs 40:3

U ghi mu avbe uhanhan uhi igbe ye uwu ẹre ne u mu ukpọn onurho ye odaro ẹre.

Ẹksọdọs 40:5

Mu aka igoru ne a na giẹn eturari ye odaro ẹkpẹti ne avbe uhanhan uhi igbe ye ne u vbe de ukpọn onurho ye onurho Owa Ukpọn nii.

Levitikọs 16:13

Evba nii i, ọ ghi viọ eturari nii ye erhẹn vbe odaro Nọyaẹnmwa, ighogho eturari nii gha degue ugue Ẹkpẹti Ile nii ne ọ ghẹ miẹn ehe na dẹghe ẹre, ne ọ ghẹ ya wu.

Nọmbas 17:4

U ghi viọ iran ye odaro Ẹkpẹti Ile vbe uwu Owa ukpọn Ile vbe ehe ne I na do gha miẹn ọn.

Matiu 27:51

Ẹghẹ nii, ọre ukpọn ne a tan ya fian Ọgua Osa na wa sọ ye iheva ke odukhunmwu do sẹ otọ. Otọe keghi mu rueghe, okuta kegha valọ.

Hibru 4:16

Rhunmwuda ọnii, wa gie ima din khekherriọ, ne a gha die odaro ẹkete Osanobua, ehe ne ẹsọhẹ ye. Evba nii i ọre ima gha na miẹn itohan rhie kevbe ẹsọhẹ ne ọ gha yi ima obọ vbe ẹghẹ ne a na gualọe zẹẹ.