Ẹksọdọs 30:4 - Edo Bible (E Baibol Ẹdo) Version 1996

⁴ U ghi ya igoru ru ogba ne a ya muẹn eva yọ, u ghi sele ẹe yọ vbe asefẹn ọnrẹn vbe ototọ igẹngẹn ọnrẹn vbe obọ eveva ne a gha rhie ogba ne a ya muẹn la ẹe vbe a khian muẹn.

Ẹksọdọs 30:4 ပူးပေါင်းရင်းမြစ်များ

Ẹksọdọs 25:12

Wa ghi vbe ru ẹgba igoru ne a gha ya gha muẹn, so ye ẹre igie enenẹ, ẹgba eva vbe obọ ọkpọkpa.

Ẹksọdọs 25:14

Wa ghi fi ọkpọ la ẹgba vbe obọ ọghe ẹkpẹti ne a ya gha muẹn.

Ẹksọdọs 25:27

Avbe ẹgba ne a ra gha fi erhan la ya muẹn nii, a ghi viọ iran sikẹ ehọ ẹre.

Ẹksọdọs 26:29

U ghi ya igoru rhu edọnmwẹ na, u ghi vbe viọ ẹgba ọghe igoru yọ ne ọ gha da erhan ne a ya gba yi mwẹ. U ghi vbe ya igoru rhu ena.

Ẹksọdọs 27:4

Deba ẹre, u ghi vbe ru ọkiakia yọ u ghi ru ẹgba oze ne a ya muẹn, ye igẹngẹn ọnrẹn enenẹ.

Ẹksọdọs 27:7

Wẹ ghi fi ẹe la ẹgba ni rre efẹn aka nii vbe a khian muẹn.

Ẹksọdọs 30:3

U ghi ya igoru ne a ma gua rhu ẹre odukhunmwu kevbe igienenẹ, vbe ya igoru ne a ma gua rhu igẹngẹn ọnrẹn, u ghi vbe ya igoru ru okhiẹ ọre lẹga.

Ẹksọdọs 30:5

U ghi ya erhan akesia ru avbe ogba na, u ghi vbe ya igoru rhu iran.