Ẹksọdọs 30:35 - Edo Bible (E Baibol Ẹdo) Version 1996

³⁵ Ya ehia ru emwi ne ọ winhin zẹ vbene iran ni ru emwi ni winhin ne a ya wuo ru ẹe, a ghi ya umwẹ yọ, ya ẹe khian ne ẹ i mwẹ iruẹn kevbe ne ọ huanrẹn.

Ẹksọdọs 30:35 ပူးပေါင်းရင်းမြစ်များ

I Ọba 1:39

E Zadọk keghi mu emwi ne a sa ori oliv yi, ne ọ rhie ke Owa Ukpọn e Nọyaẹnmwa rre, ọ keghi sae yan e Solomọn. Iran keghi kpe okpe, emwa hia keghi datu wẹẹ, “E Solomọn ne ọba gha tọ ọ kpẹre.”

I Krọnikol 9:30

Sokpan iwinna ọre emwi ni winhin ne a gha gha khin.

Psalm 133:2

Ọ ye vbe ori ighobioye ne a ya wo ne ọ ke uhunmwu ke ẹtu Errọn siẹn ku otọ, ya sẹ urhu ẹwu ẹre.

Ẹksọdọs 28:41

U ghi yọ Errọn ne ọtuẹn ke ivbi ẹre nikpia ẹwu na, iyeke ọnii, u ghi nọnọ ori oliv ye iran uhunmwu, ma iran ohẹn, ne u ya iran fiohan, ne iran sẹtin gha ga mwẹ zẹ vbe ohẹn.

Ẹksọdọs 30:25

U ghi ya ena ru ofigbọn ne ọ huanrẹn ne a nọnọ ye emwa uhunmwu.

Ẹksọdọs 30:34

E Nọyaẹnmwa tama e Mosis wẹẹ, “Viọ avbe emwi ne ọ winhin ne I ra sunu yi na umwọmwẹ vbe ọkpọkpa, estakt, oinkia, galbanum, kevbe eturari ne a ma gua.

Ẹksọdọs 30:36

U ghi dunmwu eso vbọ rẹnkhẹn u ghi gha lo eso vbọ vbe odaro Ẹkpẹti Osẹe vbe uwu Owa Ukpọn ne a ya rẹn ighẹ mẹ rre evba, ehe ne I gha na do gha vbe ruẹ. U ghi gha ya obọ mu eturari na zẹ vbe emwi ne ọ huanrẹn ẹsẹse.

Itan 27:9

Ori ke emwi ne a sa ye egbe ne ọ winhin, te ọ ye ẹko rhiẹnrhiẹn sokpan, orueghe, te ọ mu ọmwa orhiọn rueghe.

Ihuan Ne Ọ Sọọ Ihuan Hia 1:3

Uwinhinmwẹ okpa rre egbe ruẹ, a gha so eni ruẹn, a ghi vbe yerre okhuo okpa ne ọ gha sẹtin we rẹn I ra ho ẹmwẹ ruẹn i rrọ.

Ihuan Ne Ọ Sọọ Ihuan Hia 3:6

Vbe ọna khin ne ọ ke ato dee na yi? Zẹ vbe iki ighogho? Ne ọ winhin eturari kevbe oziya eturari ne avbe ekpatẹ khiẹn?

Levitikọs 16:12

ọ ghi ya ọkpan erhẹn wan erhẹn ẹyin ne ọ yan ke aka rre, ọ ghi vbe viọ uguobọ eva ọghe eturari ne ọ maa, ọ ghi viọ ehia gha die uwu Ehe Nọhuansẹ Ehia nii.

Levitikọs 2:13

Wa ghi ya umwẹ ye ọka hia ne uwa ya ha oko gie Nọyaẹnmwa rhunmwuda te umwẹ mudia ye ihe ile ne uwa vbe Osanobua ta ne egbe wa ghi gha ya umwẹ ye emwi iha oko hia.

Iyẹn ne ọ Maan Ọghe Jọn 12:3

Meri keghi wa mu ohoho ọgọ ori ighobioye ne ọ winhin ne a ya nadi ru, ọ keghi tue ẹre ye Jesu owẹ, ọ keghi ya eto ne uhunmwu ẹnrẹn khiẹn rẹ n. Uwinhinmwẹ ọnrẹn keghi gba owa nii hia.