Ẹksọdọs 30:34 - Edo Bible (E Baibol Ẹdo) Version 1996

³⁴ E Nọyaẹnmwa tama e Mosis wẹẹ, “Viọ avbe emwi ne ọ winhin ne I ra sunu yi na umwọmwẹ vbe ọkpọkpa, estakt, oinkia, galbanum, kevbe eturari ne a ma gua.

Ẹksọdọs 30:34 ပူးပေါင်းရင်းမြစ်များ

Nehimaia 13:5

Ọ keghi kue ne Tobaia gha rre ugha nọkhua ne a wẹ ne a viọ avbe ọka imuohan kevbe eturari yi deba avbe emadogua ne a lo vbe Ọgua Osa. Emwi ihaoko ne a viọ gie avbe ohẹn kevbe a ghae ye ihigbe ọghe ọka, ayọn, ofigbọn oliv ne a viọ ne avbe Livai, avbe ikpemaba Ọgua Osa kevbe avbe abodẹ Ọgua Osa.

Ẹksọdọs 25:6

Ofigbọn ne a sa ye ukpa, emwi nii winhin ne a gha ya gua ofigbọn ne a nọnọ ye emwa uhunmwu kevbe eturari ne ọ winhin ẹsẹse.

Ẹksọdọs 30:23

“Viọ avbe ikpẹ ọmọ erhan ni winhin ni maa sẹ nii, uwan iweva ọghe oziya ne ọ ranran ẹn, uwan ehan ọghe sinamọn ne ọ winhin, uwan ehan ọghe ukhuerhe ne ọ winhin,

Ẹksọdọs 30:33

Ọmwaikọmwa ne ọ ru ọvbehe ya ta ẹre, ra ne ọ lo vbọ ye egbe ọmwa nẹ i re ohẹn, a ghi kan ẹn fua hin uwu ẹbu emwa rẹn rre!’ ”

Ẹksọdọs 30:35

Ya ehia ru emwi ne ọ winhin zẹ vbene iran ni ru emwi ni winhin ne a ya wuo ru ẹe, a ghi ya umwẹ yọ, ya ẹe khian ne ẹ i mwẹ iruẹn kevbe ne ọ huanrẹn.

Ẹksọdọs 30:7

Owiẹ ọghe ẹdẹ hia ọre Errọn gha ya gha giẹn eturari ne ọ winhin vbe uhunmwu ẹnrẹn vbe ọ gha rre do dọlọ urhukpa nii yi.

Ẹksọdọs 31:11

Ofigbọn ne a nọnọ ye emwa uhunmwu kevbe eturari ne ọ winhin ọghe esi nii ne a viọ ye ehe ne ọ huanrẹn. Iran gha ru avbe emwi na hia, vbene 1 tama ruẹn zẹe ọre iran ru ẹe.

Ẹksọdọs 35:15

Aka ne a na giẹn eturari kevbe ọkpọ ni rrọọ. Ofigbọn ne a nọnọ ye emwa uhunmwu, eturari ne ọ winhin, kevbe ukpọn onurho ne ọ rre onurho Owa Ukpọn ne a dia.

Ẹksọdọs 37:29

Ọ keghi vbe ru ori ne ọ huanrẹn ne a nọnọ ye emwa uhunmwu kevbe eturari ne a ma gua nọ winhin, emwi ne a gua re zẹ vbe ne iran ni ru ori ne ọ winhin gha gua ẹre zẹẹ.

Ihuan Ne Ọ Sọọ Ihuan Hia 3:6

Vbe ọna khin ne ọ ke ato dee na yi? Zẹ vbe iki ighogho? Ne ọ winhin eturari kevbe oziya eturari ne avbe ekpatẹ khiẹn?

Aizaia 43:23

Wa ma viọ ese ohuan ne a giẹn uan ọghe uwa gunmwẹ, wa ma ye ese uwa ye ọghọ mẹ. I ma nọ ese ne azọ, ya mu ẹsọn ne uwa gha miẹn ra ne I ya ẹmwẹ eturari ne I nọ, wọ uwa egbe.

Levitikọs 16:12

ọ ghi ya ọkpan erhẹn wan erhẹn ẹyin ne ọ yan ke aka rre, ọ ghi vbe viọ uguobọ eva ọghe eturari ne ọ maa, ọ ghi viọ ehia gha die uwu Ehe Nọhuansẹ Ehia nii.

Levitikọs 2:1

“Omwa gha yo imuohan ọka gie Nọyaẹnmwa, ọ ghi ka dunmwu ẹre irhuarhua nẹ, ọ ghi sa ofigbọn ọliv kevbe eturari ba ẹre.

Levitikọs 2:15

Wa ghi rhie ofigbọn ọliv kevbe eturari ba ẹre.

Levitikọs 24:7

U ghi rhie eturari yan ọkpọkpa vbe uviẹn nii ne a ya zihana izẹọhẹ evbare gie Nọyaẹnmwa, ne ọ mudia ye ihe ebrẹd nii.

Levitikọs 5:11

“A deghẹ obọ ọmwa ma gba idu eva ra elikhukhu eva, ọ ghi mu uwan irhuarhua ọkpa rre ne ọ ya zọ ese ye orukhọ. We ne ọ ghẹ sa ofigbọn ọliv yọ ra eturari, rhunmwuda ẹ i re izọhẹ ọghe ọka sokpan izọhẹ orukhọ nọ.

Nọmbas 4:16

Eliaza ne ovbi Errọn ne ohẹn ọ re ọ gha gbearoghe Owa Ukpọn hia kev be ofigbọn ne a sa ye ukpa, eturari, izẹọhẹ avbe ọka, ofigbọn ne a nọnọ ye uhunmwu kevbe emwi ọvbehe hia ne a ghi ya fiohan ne Nọyaẹnmwa ne vbe uwu Owa Ukpọn.”

Matiu 2:11

Ugbẹn vbe iran ghi la owa, iran keghi miẹn nene ọmọ kẹe kevbe Meri ne iye ẹe. Iran keghi diguẹ ya emwi nẹẹn, igoru, eturari kevbe oziya.