Ẹksọdọs 30:33 - Edo Bible (E Baibol Ẹdo) Version 1996

³³ Ọmwaikọmwa ne ọ ru ọvbehe ya ta ẹre, ra ne ọ lo vbọ ye egbe ọmwa nẹ i re ohẹn, a ghi kan ẹn fua hin uwu ẹbu emwa rẹn rre!’ ”

Ẹksọdọs 30:33 ပူးပေါင်းရင်းမြစ်များ

Gẹnẹsis 17:14

Okpia ne a ma he rhuẹ, a ghi wannọẹn hin uwe ẹbu emwa rẹn rre rhunmwuda ọ ma họn ẹmwẹ mwẹ.”

Ẹksọdọs 12:15

“Wa ghi ya ẹdẹ ihinrọn rri ebrẹd ne ọ ma hue. Vbe ikpẹdẹ ne okaro, wa ghi viọ ebrẹd ne ọ huere hin owa rua rre, rhunmwuda ọmwaikọmwa ne ọ rri ebrẹd ne ọ huere ke ikpẹdẹ nokaro ya sẹ ikpẹdẹ ne okiekie, a gha kan ẹn fua hin ọbuohiẹn emwa mwẹ rre.

Ẹksọdọs 12:19

Wa ghẹ ghi miẹn ebrẹd ne ọ huere vbe owa uwa, rhunmwuda, a deghẹ a miẹn ọmwa ne ebrẹd ne ọ huere gue, a gha kan ẹn fua hin uwu ọbuohiẹn emwa mwẹ rre, ọre ọrriọvbe nọ ra ọmọ otọ nọ. Wa ghẹ rri ebrẹd ne ọ huere hiehiere vbe owa uwa.”

Ẹksọdọs 29:33

Iran ghi rri emwi ne a ya rhie iyabọ gie iran vbe ẹghẹ ne a na ma iran ohẹn, a keghi vbe ya iran fi ohan. Avbe ohẹn ọkpa ọre ọ gha rri evbare na rhunmwuda evbare ne a ya ru emwi nọ.

Ẹksọdọs 30:34

E Nọyaẹnmwa tama e Mosis wẹẹ, “Viọ avbe emwi ne ọ winhin ne I ra sunu yi na umwọmwẹ vbe ọkpọkpa, estakt, oinkia, galbanum, kevbe eturari ne a ma gua.

Ẹksọdọs 30:38

A deghẹ ọmwaikọmwa ta ẹre ya ru ne egbe ẹre a i ghi vbe ka ẹe ba avbe emwa mwẹ.”

Ẹksọdọs 31:14

Rhunmwuda ọnii, te uwa gha zẹ Ẹdẹ Ikẹtin kọ rhunmwuda, a ya ẹe khian kpataki ne uwa nẹ. Ọmwaikọmwa ne ọ ma zọe kọ ye ne ọ huanrẹn, a ghi gha gbe ẹe rua, kevbe ọmwaikọmwa ne ọ winna iwinna rhọkpa vbe Ẹdẹ Ikẹtin nii.

Levitikọs 17:10

Ovbi Izrẹl ra orhunmwuyẹn ni rre uwu ẹbu iran gha rri emiowo kẹe kevbe esagiẹn, e Nọyaẹnmwa gha mu aro da ẹre, ẹ i ghi ra vbe ka ẹe ba emwa irẹn.

Levitikọs 17:14

Rhunmwuda ighẹ esagiẹn ọre orhiọn emwi hia nii rre agbọn ye, e Nọyaẹnmwa keghi tama ivbi Izrẹl wẹ ne iran ghẹ rri aranmwẹ rri esagiẹn, kevbe wẹ ọmwa ne ọ ru ẹe, rẹn i ghi ra ka ẹe ba emwa irẹn.

Levitikọs 17:9

Vbe ehe ọvbehe gberra onurho Owa Ukpọn Ile, ghe Nọyaẹnmwa, a ghẹ dọlegbe ka ẹe ba emwa Osanobua.

Levitikọs 18:29

Wa rẹnrẹn wẹ ọmwaikọmwa ne ọ ru emwi ifaegbua na, a i ghi ka ẹe ba emwa Osanobua.

Levitikọs 19:8

Ọmwaikọmwa ne ọ rri ọe, ọ gha rri abe ọghe wẹ ọ kegha ru emwi ne a ya fi ohan mẹ zẹ vbe ne a miẹn wẹ ọ ma sẹ emwirhọkpa, a i ghi vbe dọlegbe ka ẹe ba emwa mwẹ.

Levitikọs 20:17

A deghẹ okpia rhie ovbiye ẹe ne okhuo ra ovbi erha ẹe ne okhuo rọnmwẹ, a ghi fa iran an ne agbọn vbe ẹrinmwi miẹn, a ghi khulo iran hin ẹbu emwa rre. Ọ gu ọtiọnrẹn nokhuo ru emwi, te ọ kere ne ọ rri oya ne ọ khẹ ke ẹe.

Levitikọs 20:18

A deghẹ okpia gu okhuo ru emwi vbe ẹghẹ ne ọ na mu obọ mwẹ, a ghi khulo iran eva hin uwu ẹbu emwa rre rhunmwuda, iran rra uhi ne a gbẹn ye emwi ne awua ye.

Levitikọs 20:3

Rhunmwuda ọ rhie vbe avbe ivbi ẹre ne Milkọm, ọ keghi mu awua ye Owa Ukpọn mwẹ ne ọ huanrẹn, ọ kevbe fa emwi mwẹ ne ọ huanrẹn uan. I gha mu aro da ẹre, I i ghi ra vbe ka ẹe ba avbe emwa mwẹ.

Levitikọs 22:3

A deghẹ a miẹn orhiọnkpa vbe uwu avbe ivbi uẹ ne ọ sikẹ emwi izẹọhẹ nihuanrẹn ne ivbi Izrẹl ya fiohan mẹ vbe awua rre ọre egbe, a ghẹ gie ẹe dọlegbe ladian vbe odaro mwẹ do ga mwẹ ọvbehe. Iyi ẹdẹdẹmwẹdẹ ọna khin. Mẹ ọ re Nọyaẹnmwa.

Levitikọs 23:29

Ọmwaikọmwa ne ọ rrie evbare ẹdẹ nẹdẹrriọ, a i ghi ka ẹe ba emwa Nọyaẹnmwa ọvbehe.

Nọmbas 15:30

Sokpan, ọmwaikọmwa, ne o ba ru orukhọ, ọ re ọmotọ nọ ra orhunmwuyẹn te ọ yagha Nọyaẹnmwa a ghi gbe ẹe rua.

Nọmbas 15:31

Rhunmwuda, ọ he ẹmwẹ ne Nọyaẹnmwa tae, ọ na ba rra ọkpa vbe uwu avbe uhi ẹre. Obọ ẹre ọre ọ ya si emwi ne ọ gbẹe.

Nọmbas 19:13

Ọmwaikọmwa ne ọ yobọ kan orinmwi, ọ na ma khuẹ egbe ẹre huan, khian ne ọma huan rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba emwa Osanobua.

Nọmbas 19:20

Ọmwaikọmwa ne awua gue, ne ọ ma khuẹ egbe ẹre huan, awua wa ye guẹe, rhunmwuda a ma he mu amẹ akpehuan ku ọre. Ọ ru Owa Ukpọn Ile Nọyaẹnmwa awua, a i ghi vbe kae ba ivbi Osanobua.

Nọmbas 4:18

“Wa ghẹ gia gbele ivbi e Kohat ua,

Nọmbas 9:13

Sokpan, a deghẹ ọmwa ne awua i gue nọ, ighẹ ọ ma vbe yo ehe rhọkpa, ne ọ ma ru emwiukpo Alagberra, a i ghi vbe kae ba avbe emwa mwẹ, rhunmwuda ọ ma zẹ ọhẹ ni gunmwẹ vbe ẹghẹ ne a mwa yọ. Uhunmwu ẹnrẹn ọre ọ ra ya mu emwi ne ọ gha ke orukhọ ẹre ikian.