Ẹksọdọs 30:31 - Edo Bible (E Baibol Ẹdo) Version 1996

³¹ U ghi tama ivbi Izrẹl wẹẹ, ‘Ofigbọn ne ọ huanrẹn na ne a nọnọ ye emwa uhunmwu, wa gie ẹe gha re emwi ne ọ huanrẹn vbe aro uwa vbe orre ne ọ dee hia.

Ẹksọdọs 30:31 ပူးပေါင်းရင်းမြစ်များ

Psalm 89:20

I ya Devid ne ọguọmwadia mwẹ rri ọba nẹ, vbe ekpa ne I na sa ori ne ọ huanrẹn ye ọre uhunmwu.

Ẹksọdọs 29:21

U ghi rhie vbe esagiẹn nii rre aka, kevbe ofigbọn ne a nọnọ ye emwa uhunmwu, u ghi miẹn rẹn yan Errọn kevbe ukpọn rẹn, kevbe avbe ivbi ẹre kevbe ukpọn iran, rẹn, avbe ivbi ẹre kevbe ukpọn iran hia gha khian ne a ya fiohan.

Ẹksọdọs 30:30

U ghi nọnọ ori ye Errọn uhunmwu ke ẹe kevbe avbe ivbi ẹre, u ghi ya iran fi ohan ne iran gha ga mwẹ zẹ vbe ohẹn.

Ẹksọdọs 30:32

Wa ghẹ tue ẹre yan ọmwa kẹkan wa ghẹ vbe viọ emwi ne a ya ru ẹe ne uwa vbe ru ọvbehe ya ta ẹre. Emwi iruemwi nọ, wa ghi vbe ya obọ emwi iruemwi muẹn.

Ẹksọdọs 37:29

Ọ keghi vbe ru ori ne ọ huanrẹn ne a nọnọ ye emwa uhunmwu kevbe eturari ne a ma gua nọ winhin, emwi ne a gua re zẹ vbe ne iran ni ru ori ne ọ winhin gha gua ẹre zẹẹ.

Levitikọs 21:10

“Ogie Ohẹn, a nọnọ ori ye ọre uhunmwu nẹ, a na vbe ya ẹe fi ohan, ne ọ gha yọ ẹwu ohẹn, wẹ ne ọ ghẹ sẹ eto ẹre rae vbe ne a i na salọ ẹe ra ne ọ sọ ukpọn rẹn uan ne ọ ya rhie maa ighẹ te irẹn khiẹ.

Levitikọs 8:12

Ọ keghi ya Errọn ma ohẹn vbe ne ọ na sa eso vbe ori ne a sa ye ọmwa uhunmwu ye ọre uhunmwu.