Ẹksọdọs 30:29 - Edo Bible (E Baibol Ẹdo) Version 1996

²⁹ Erriọ u gha ya ye avbe emwi na hia fiohan, iran ghi do gha re ne ọ huan fo, emwi ne ọ rhirhi dekan iran gha miẹn ikuan egbe rhunmwuda uhuanmwẹ ọnrẹn.

Ẹksọdọs 30:29 ပူးပေါင်းရင်းမြစ်များ

Ẹksọdọs 29:37

U ghi ru ọna ẹdẹgbegbe la ikpẹdẹ ihinrọn, ẹghẹ nii aka ghi do huan fo fẹẹrẹ. Ọmwaikọmwa, ra emwikemwi ne ọ ghi dekan rẹn ghi miẹn ikuangbe rhunmwuda ẹtin uhuanmwẹ ọnrẹn nii.

Ẹksọdọs 30:28

Aka ne a na zọ ese ne a giẹn uan kevbe emwi ne a ya ru emwi vbọ hia, deba uwawa akhuẹ kevbe emwi ne a muẹn yan.

Ẹksọdọs 30:30

U ghi nọnọ ori ye Errọn uhunmwu ke ẹe kevbe avbe ivbi ẹre, u ghi ya iran fi ohan ne iran gha ga mwẹ zẹ vbe ohẹn.

Ẹksọdọs 40:10

U ghi nọnọ ori ye aka ne a na giẹn emwi izọese kevbe avbe emwi ne a lo vbọ ehia. Vbe rriọ ọre u gha ya ya ẹe fi ohan, ọ ghi do gha re ne ọ kakabọ huan.

Levitikọs 6:18

Vbe ẹghẹ nọ dee hia, ivbi Errọn ni ikpia ne ọrhirhi gha khin sẹtin rri ọe zẹ vbe oghae ne ọ kan iran vbe evbare ne a ya zẹ ọhẹ ne Nọyaẹnmwa. Ọmwaikọmwa ra emwikemwi ọvbehe ne ọ ya egbe kan emwi ne a ya zẹ ọhẹ gie Nọyaẹnmwa emwi guẹe.”

Levitikọs 8:10

E Mosis keghi mu ori ne a sa ye emwa uhunmwu la uwu Owa Ukpọn Ile, ke ẹe kevbe emwi hia ni rre uwu ẹre, odẹ vberriọ, ọ keghi ya ehia fi ohan ne Nọyaẹnmwa.

Levitikọs 8:11

Ọ keghi rhie vbe ori nii, ọ keghi sanmwẹ ọẹn igba ihinrọn yan aka kevbe emwi ne a ya ru emwi vbọ hia, deba ọkpan nọkhua kevbe emwi ne a mu ẹẹn yan, ne a miẹn ehe na ya ehia fi ohan ne Nọyaẹnmwa.

Nọmbas 7:1

Vbe ẹdẹ ne Mosis wa mu Owa Ukpọn Ile gbọ fo zẹẹ, ọ tue ori ye owa ukpọn nii, ọ keghi vbe ya ẹe fi ohan keẹ kevbe emwi ne a lo vbọ hia.

Matiu 23:17

Wa ne akpa vbe abobo! De ne ọkpọlọ sẹ, igoru ra Ọgua Osa ne ọ ya igoru khian ne ọ huanrẹn?

Matiu 23:19

Wa ma miẹn vbe ne uwa rhu aro hẹ. De ne ọ kpọlọ sẹẹ, emwi imuohan, ra Ogiukpo ne ọ ya emwi imuohan khian ni huanrẹn?