Ẹksọdọs 30:20 - Edo Bible (E Baibol Ẹdo) Version 1996

²⁰ iran te gha la uwu Owa Ukpọn ne a na miegbe ra te iran ghi sikẹ aka ne iran ya winna iwinna iran zẹ vbe ohẹn, a i ghi ra gbele iran an a deghẹ iran ka ye amẹ nii khuẹ nẹ.

Ẹksọdọs 30:20 ပူးပေါင်းရင်းမြစ်များ

I Krọnikol 13:10

Vbe ọwarọkpa, ohu Uza keghi mu e Nọyaẹnmwa, ọ na gbe ẹe rua rhunmwuda ne ọ na ye obọ kan ẹkpẹti nii. Ọ keghi wu vbe odaro e Nọyaẹnmwa.

Psalm 89:7

Te a kpa uhe ne uẹn vbe iko iran ni huanrẹn te ohan ruẹn wa mu iran hia.

Ẹksọdọs 12:15

“Wa ghi ya ẹdẹ ihinrọn rri ebrẹd ne ọ ma hue. Vbe ikpẹdẹ ne okaro, wa ghi viọ ebrẹd ne ọ huere hin owa rua rre, rhunmwuda ọmwaikọmwa ne ọ rri ebrẹd ne ọ huere ke ikpẹdẹ nokaro ya sẹ ikpẹdẹ ne okiekie, a gha kan ẹn fua hin ọbuohiẹn emwa mwẹ rre.

Ẹksọdọs 30:19

Errọn kevbe ivbi ẹre ghi gha ya amẹ na kpe obọ vbe owẹ.

Ẹksọdọs 30:21

Te iran gha kpe obọ kpe owẹ ne iran ghẹ wulo. Uhi ne ọ kere ne iran kevbe ivbi uniẹn iran dayi ẹdẹdẹmwẹdẹ ọre ọna khin.”

Ẹksọdọs 40:31

E Mosis, Errọn kevbe avbe ivbi ẹre keghi kpe obọ kevbe owẹ iran vbọ.

Levitikọs 16:4

E Nọyaẹnmwa keghi vbe tama iran ne iran ru vbenian wẹ. Vbe Errọn te la uwu Ehe Nọhuansẹ Ehia nii, ọ ghi khuẹ, ọ ghi vbe viọ avbe ẹwu ohẹn yegbe, ẹwu eto ovbiohuẹ, utalawẹ, ugbẹkun kevbe ukugba ọghe uhunmwu.

Levitikọs 8:6

E Mosis keghi viọ Errọn ke ẹe kevbe ivbi ẹre rri odaro ne iran do khuẹ akhuẹ iruemwi.

Iwinna 5:10

Vbe ọwarọkpa nii, ọ keghi de gbe otọ vbe akharha ẹre, ọ na wu. Avbe igbama nii ghi la owa, iran do vba ighe ọ wu nẹ, iran keghi mu ẹn ladian, iran na ya tọn ẹn ye otọ diake ọdafọn ọnrẹn.

Iwinna 5:5

Ananaias ghi wa họn ẹmwẹ na, ọ degbe otọ, ọ keghi wu. Ikponi keghi rhọ ku emwa hia ni họn ẹmwẹ na.

I Samuẹl 6:19

E Nọyaẹnmwa keghi gbele ivbi Bẹt Siemẹs eso rhunmwuda iran kegha ghe uwu Ẹkpẹti Ile nii, ọ keghi gbele arhin ekigbe sẹ iyenẹ vbe uwu iran. Emwa nii keghi khiẹ, rhunmwuda ne eso na wulo vbe uwu iran.