Ẹksọdọs 30:16 - Edo Bible (E Baibol Ẹdo) Version 1996

¹⁶ U ghi miẹn ivbi Izrẹl igho na, ne u gha lo ẹre ye iwinna ne a winna vbe Owa Ukpọn ne a ya rẹn ighẹ I rre evba. Ọna ghi gha ya mwẹ ye ẹmwẹ ivbi Izrẹl rre, ọ ghi gha re igho ne uwa ha ye uhunmwu uwa.”

Ẹksọdọs 30:16 ပူးပေါင်းရင်းမြစ်များ

II Krọnikol 24:6

Rhunmwuda ọnii, ọ keghi tie Jehoiada ne ọkaolotu iran, ọ nọ rẹn wẹẹ, “Vbọzẹ ne u ma na we ne avbe Livai koko igho ne Mosis ne ọguọmwadia e Nọyaẹnmwa fian yọ wẹ ne emwa ni rre Juda kevbe Jerusalẹm gha hae ne a ya gha winna vbe Owa Ukpọn ne a ya rẹn ighẹ e Nọyaẹnmwa rre evba?”

Ẹksọdọs 12:14

Ẹdẹ na ghi gha re ẹdẹ ne a gha yerre ne uwa. Wa ghi gha ru emwi ukpo ẹre ne I ya ye emwi ne imẹ ne Nọyaẹnmwa ru rre. Wa ghi gha ru ẹe ke orre ya sẹ orre zẹ vbe emwiukpo ẹdẹdẹmwẹdẹ.

Ẹksọdọs 30:15

Ọdafẹn i hae sẹ ovbiogue, ovbiogue i vbe hae rriotọ sẹ ọdafẹn, vbe uwa a gha ha igho uhunmwu uwa na.

Ẹksọdọs 30:17

E Nọyaẹnmwa keghi tama e Mosis wẹẹ,

Nọmbas 16:40

Ọna kegha re ne ivbi Izrẹl gha miẹn wan wẹ ọmwa ne ẹ i re ovbi uniẹn ọghe Errọn ne ọ ghẹ gha rrie aka do gha giẹn eturari vbe odaro e Nọyaẹnmwa, ne a ghẹ vbe fuẹn ọnrẹn uan zẹ vbe Kora kevbe irogho ẹre. A keghi ru emwi na hia zẹ vbene Nọyaẹnmwa gie Mosis ne ọ tama Eliaza.

Nọmbas 31:54

Ẹre Mosis kevbe Eliaza na viọ avbe igoru nii gha rrie Owa Ukpọn Ile ne Nọyaẹnmwa miẹn ehe na gha degue ivbi Izrẹl.

Iyẹn ne ọ Maan Ọghe Luk 22:19

Iyeke ọnii, ọ keghi vbe mu ebrẹd, ọ kpọnmwẹ Osanobua, ọ giagia ẹe, ọ keghi viọ ne iran wẹẹ, “Ọnọna ọrọre egbe mwẹ ne a rhie ne uwa. [Wa gha ru ọna ya ye mwẹ rre.”