Ẹksọdọs 30:15 - Edo Bible (E Baibol Ẹdo) Version 1996

¹⁵ Ọdafẹn i hae sẹ ovbiogue, ovbiogue i vbe hae rriotọ sẹ ọdafẹn, vbe uwa a gha ha igho uhunmwu uwa na.

Ẹksọdọs 30:15 ပူးပေါင်းရင်းမြစ်များ

II Samuẹl 21:3

Ẹre Devid ghi na tie ivbi e Gibiọn, ọ keghi tama iran wẹẹ, “De emwi ne I gha ru ne uwa yi? I ho ne i kpe uwa oya vbe emwi ne a ru uwa re, ne uwa miẹn ehe na na erhunmwu ne emwa Osanobua.”

Job 34:19

Ẹ i ya egbe ba iran ne irriegie, ra ne ọ ye aro esi ghe iran ni fe sẹ ivbiogue, rhunmwuda rẹn ọ re ọ yi emwa hia.

Ẹksọdọs 30:12

“U gha ghi ka ivbi Izrẹl ne dọmwadẹ ọghọe ghi gha ha igho uhunmwu ẹnrẹn gie imẹ ne ọkhọ ghe sunu vbe egbe iran vbe a gha ka emwa nii.

Ẹksọdọs 30:14

Emwa hia ne a ghi ka nẹ vbe ẹghẹ na ọnii nọ wẹ emwa ni rre ikpugie ra ne ọ wan sẹ ọnii, ghi gha ha igho na gie imẹ.

Ẹksọdọs 30:16

U ghi miẹn ivbi Izrẹl igho na, ne u gha lo ẹre ye iwinna ne a winna vbe Owa Ukpọn ne a ya rẹn ighẹ I rre evba. Ọna ghi gha ya mwẹ ye ẹmwẹ ivbi Izrẹl rre, ọ ghi gha re igho ne uwa ha ye uhunmwu uwa.”

Ẹksọdọs 38:26

Ọna kegha re igho hia ne emwa ne a gbẹnnẹ vbe ẹghẹ ikẹvbo zẹe, dọmwadẹ ọghọe keghi ha inu igho ne a ho, zẹ vbe ne a ya mwa emwi. Inu ikpia nii rre ikpugie kevbe nii vbe sẹ ọnii kegha re ekigbe siyeha irrọ vbe arria eha yan arria isẹn eha kevbe arria isẹn vbe ihe arria eha (603,550) iran ne a ka ẹe vbe ẹghẹ ikẹvbo.

Itan 22:2

Emwi ne ọdafẹn kevbe ovbiogue ma mwẹ sẹ egbe ọrọre wẹ e Nọyaẹnmwa ọ re ọ yii iran eveva.

Ezikiẹl 45:16

“Emwa hia ni rre otọ na ọ re ọ gha viọ avbe emwi imuohan na gie ovbiọba ne ọ rre asẹ vbe Izrẹl.

Levitikọs 17:11

Arrọ ọghe emwikemwi ne ọ ghi rre agbọn nẹ, esagiẹn ọre ọ ye, ọnii ọ zẹe ne Nọyaẹnmwa na ta ẹe wẹ ne a gha da esagiẹn hia ye uhunmwu aka ne ọ kpe orukhọ emwa nii kua. Te esagiẹn kpe orukhọ kua.

Nọmbas 31:50

Rhunmwuda ọnii, ma ra viọ avbe emwitegbe ọghe igoru, emwiobọ, emwiurhu, oroka, emwiehọ kevbe eghan urhu ne dọmwadẹ ọghe ọe vbe uwu ima viọre rre. Ma ya ẹe zẹ ọhẹ gie Nọyaẹnmwa zẹ vbe emwi ne a ya ne Osanobua ye ne ima na miẹn uhunmwu, ne ọ miẹn ehe na gha degue ima khian.”

Ẹfisọs 6:9

Wa ne arowa, wa vbe gha yin ghe eviẹn uwa vberriọ, wa da obọ aro ne a zẹ mu iran yi. Wa yerre wẹ, ke uwa kevbe eviẹn uwa, arowa ọkpa ọre uwa mwẹ vbe ẹrinmwi, obọ ọkpa ọre irẹn ya mu emwa hia.

Kọlose 3:25

Ọmwa ne ọ zẹ iba, ọmwa ne ọ khọn rẹn wẹ ne ọ gha khin, a gha vbe ha ẹre osa iba ne ọ zẹe, rhunmwuda obọ ọkpa ọre Osanobua ya mu emwa hia.