Ẹksọdọs 30:14 - Edo Bible (E Baibol Ẹdo) Version 1996

¹⁴ Emwa hia ne a ghi ka nẹ vbe ẹghẹ na ọnii nọ wẹ emwa ni rre ikpugie ra ne ọ wan sẹ ọnii, ghi gha ha igho na gie imẹ.

Ẹksọdọs 30:14 ပူးပေါင်းရင်းမြစ်များ

Ẹksọdọs 30:13

Emwa ne a rhirhi ka ba ẹre, te ọ gha ha inu igho ne a tie yọ, a ghi mwa rẹn zẹ vbe ne a ta ẹe ighẹ a ya mwa emwi vbe ẹvbo. Emwa hia ghi gha ha ọna zẹ vbe emwi izọhẹ gie imẹ.

Ẹksọdọs 30:15

Ọdafẹn i hae sẹ ovbiogue, ovbiogue i vbe hae rriotọ sẹ ọdafẹn, vbe uwa a gha ha igho uhunmwu uwa na.

Ezikiẹl 45:12

“Omwa avbe emwi ni khua ghi gha re: Egẹrra ugie ghi gha re esikẹl ọkpa, Esikẹl iyeha ghi gha re emina ọkpa.

Ezikiẹl 45:16

“Emwa hia ni rre otọ na ọ re ọ gha viọ avbe emwi imuohan na gie ovbiọba ne ọ rre asẹ vbe Izrẹl.

Nọmbas 1:18

Iran keghi tie emwa nii sikoko vbe ikpẹdẹ ne okaro ọghe uki ne ogieva, a keghi gbẹnnẹ eni emwa nii hia ye ebe zẹ vbe ẹwae kevbe ẹgbẹe ọghe dọmwadẹ ọghe ọe, a keghi gbẹnnẹ eni emwa ni hia ni sẹ ikpugie ra ni sẹẹ onii ye ebe, a keghi ka iran.

Nọmbas 1:20

A keghi gbẹnnẹ eni emwa hia ni rre ikpugie kevbe ni vbe sẹ ọnii, iran ni gha sẹtin ye okuo, ye ebe zẹ vbe ẹwae kevbe ẹgbẹe edọmwadẹ ọghọe, iran keghi suẹn ọnrẹn vbe ẹwae Riubẹn ne ovbi e Jekọb ne ọdiọn. Ehia kegha re vbenian. Ẹwae Inu ne ọ khin E Riubẹn Iyisẹn irrọvbe uri eha yan arriaisẹn enẹ irrọvbe kigbe siyeha (46,500) E Simiọn Iyisẹn irrọvbe uri eva yan arriaisẹn ọkpa irrọvbiyeha: (59,300) E Gad Ekigbesiyeha yan uri eha yan arriaisẹn yan iyeva: (45,650) E Juda Uri eha yan arriaisẹn ene yan ekigbe siyenẹ: (74,600) Isaaka Uri eva yan arriaisẹn ene yan ekigbe siyeha: (54,400) E Zebulọn Uri eva yan arriaisẹn ehairrọvbiyeha: (57,400) Ifreim Iyisẹn yan uri eva yan arriaisẹn iyeva: (40,500) E Manasẹ Uri yan arriaisẹn eva yan ọgban: (32,200) E Bẹnjamin Uri eva yan arriaisẹn isẹn yan ọgban: (35,400) E Dan Iyisẹn yan uri eha yan arriaisẹn eva yan iyeha: (62,700) Asia Iyisẹn yan uri eva yan arriaisẹn ọkpa yan iyeva: (41,500) Naftali Uri eva yan arriaisẹn eha yan ekigbesiyeha: (53,400) Ehia keghi gha re ekigbesiyeha irrọvbe uri eha yan, arraisẹn eha yan uri eha: (603,550)

Nọmbas 1:3

Iran ni rre ukpo ugie kevbe ni vbe wan sẹ ọnii, avbe emwa hia ni gha sẹtin yo okuo.

Nọmbas 14:29

Wa gha wulo, a ghi vbe zagha ikun orinmwi uwa lele uwu ẹgbo na, rhunmwuda ne emwa na gha gui ẹzọ uwu unu ghe mwẹ, wa na hia fẹẹrẹ ne ọ sẹ ọmọ ukpo ugie nẹ ne ọ gha lao otọe nii, ẹ i rrọọ.

Nọmbas 26:2

“Ka ivbi Izrẹl hia fẹẹrẹ ẹgbẹe ọkpọkpa, iran ni rre ikpugie ra ni sẹ ọnii, emwa ni gha sẹtin yo okuo.”

Nọmbas 32:11

‘Rhunmwuda ne iran ma na guobọ mwẹ, avbe emwa hia ni rre ukpo ugie, kevbe ni wan sẹ ọnii, vbe iran kpao hin Igipt rre, ne ọ gha sẹ otọ ne ne I ve Ebraham, Aizik kevbe Jekọb re, ẹ i rrọ.’