Ẹksọdọs 30:12 - Edo Bible (E Baibol Ẹdo) Version 1996

¹² “U gha ghi ka ivbi Izrẹl ne dọmwadẹ ọghọe ghi gha ha igho uhunmwu ẹnrẹn gie imẹ ne ọkhọ ghe sunu vbe egbe iran vbe a gha ka emwa nii.

Ẹksọdọs 30:12 ပူးပေါင်းရင်းမြစ်များ

I Krọnikol 21:1

Esu keghi ho ne ọ si ẹti ye ivbi Izrẹl urhu, ọ na rhunmwuda ọnii ya Devid kha wẹ rẹn ra ka ẹvbo.

I Krọnikol 21:12

Ne ukhunmwu fi la ikpiia ra ne u ya uki eha lẹ ne ivbiyokuo eghian ni khuẹ khian ra ikpẹdẹ eha vbe wu ne Nọyaẹnmwa gha na ya umozo ẹre yan ruẹn, ọ ghi fi egboghogbogho fi ẹvbo ruẹ, ọ ghi gie odibo ẹre ne ọ rhie uwu gha die otọ Izrẹl hia? De ewanniẹn ne I gha rhie ne Nọyaẹnmwa?”

I Krọnikol 21:14

Rhunmwuda ọnii, e Nọyaẹnmwa keghi gie egboghogbogho gie ivbi Izrẹl, arhin arriaisẹn ekigbesiyenẹ (70,000) keghi wulo vbe uwu iran. Iyeke ọnii,

I Krọnikol 21:3

E Joab keghi khuẹnniẹn wẹẹ, “Osanobua ne ọ gie ivbi Izrẹl bun sẹ vbene iran ye na ukhukhu iyisẹn, eguọmwadia ruẹ iran hia khin, Umogun! Vbọzẹ ne u gha na ru emwi na ne u ya emwa hia khian emwa ni ru orukhọ!”

I Krọnikol 27:24

E Joab ne a tie iye ẹe e Zeruaia keghi suẹn gha ka ẹvbo sokpan, ọ ma kae fo. Osanobua keghi rri ivbi Izrẹl oya rhunmwuda, ikẹvbo na, rhunmwuda ọnii, a ma ghi gbẹn inu ne ọ khin ye ebe ọghe Devid ne ọba.

II Krọnikol 24:6

Rhunmwuda ọnii, ọ keghi tie Jehoiada ne ọkaolotu iran, ọ nọ rẹn wẹẹ, “Vbọzẹ ne u ma na we ne avbe Livai koko igho ne Mosis ne ọguọmwadia e Nọyaẹnmwa fian yọ wẹ ne emwa ni rre Juda kevbe Jerusalẹm gha hae ne a ya gha winna vbe Owa Ukpọn ne a ya rẹn ighẹ e Nọyaẹnmwa rre evba?”

II Krọnikol 24:9

Iran keghi gie ne a khama emwa ni rre Jerusalẹm kevbe Juda hia wẹ ne iran do hae igho ne Mosis ne ọguọmwadia e Nọyaẹnmwa koko vbe otọ ẹgbo vbe ẹghẹ nii.

Job 33:24

Odibosa nii ghi ya itohan kha wẹẹ, ‘Wa fan ẹẹn ye otọ. Ẹ i rrie ehe ne iran ni wulo nẹ ye. Wa ghe emwi ne a ya dẹ ọẹ werriegbe, ne u wa rhan rẹn.’

Job 36:18

Mwẹ ẹwaẹn, ne igho odieke ghẹ ya rẹrẹ ọ ra ne ẹfe ghẹ ya bibi uwẹ odẹ.

Psalm 49:7

Ọmwa ọkpa ne ọ gha sẹtin dẹ egbe ẹre werriegbe i rrọọ. Ẹ i sẹtin ha osa ive orhiọn rẹn werriegbe ne Osanobua.

Ẹksọdọs 30:11

E Nọyaẹnmwa keghi tama e Mosis wẹẹ,

Nọmbas 31:49

“Enọwanrẹn, ma kevbe avbe ivbiyokuo ni rre ototọ ima nẹ, ọkpa kẹkan ne a ma miẹn, ẹ i rrọ.

Nọmbas 31:50

Rhunmwuda ọnii, ma ra viọ avbe emwitegbe ọghe igoru, emwiobọ, emwiurhu, oroka, emwiehọ kevbe eghan urhu ne dọmwadẹ ọghe ọe vbe uwu ima viọre rre. Ma ya ẹe zẹ ọhẹ gie Nọyaẹnmwa zẹ vbe emwi ne a ya ne Osanobua ye ne ima na miẹn uhunmwu, ne ọ miẹn ehe na gha degue ima khian.”

Matiu 20:28

Zẹẹ vbe ne Ovbi Ọmwa ye, ọ ma rre ne a do gha ga ẹe, sokpan ne irẹn do ga emwa kevbe ne ọ ya orhiọn rẹn dẹ emwa ni bun werriegbe.”

Iyẹn ne ọ Maan Ọghe Mak 10:45

Erriọ zẹẹ, Ovbi Ọmwa ma rre ne a do ga ẹe, te ọ rre do ga emwa, kevbe ne ọ vbe ya orhiọn irẹn ru adẹwerriegbe ọghe emwa ni bun.”

I Timoti 2:6

Ọmwa ne ọ ye egbe ẹre dẹ emwa ne agbọn hia werriegbe, ọnii ọre ama ne aro ya dae ẹe, vbe ọwa sẹ ẹghẹ ọre zẹẹ, wẹ Osanobua ho ne emwa hia miẹn imiẹnfan.