Ẹksọdọs 3:20 - Edo Bible (E Baibol Ẹdo) Version 1996

²⁰ Sokpan I gha lo ẹtin mwẹ. I ghi ya emwi ọyunnuan ne I gha ru vba rri ivbi Igipt oya, iyeke ọnii, ọ ghi gie uwa gha khian.

Ẹksọdọs 3:20 ပူးပေါင်းရင်းမြစ်များ

Gẹnẹsis 15:14

Sokpan mẹ gha rri ẹvbo ne ọ ru iran emwi na oya, iran ghi miẹn iran emwi ẹfe ne ọ kpọlọ vbe iran a khian kpao vbe ọfumwegbe.

Nehimaia 9:10

U winna ọyunnuan ne ọkpaodin yan ọba, iran ni rre asẹ kevbe emwa otọe ni. Rhunmwuda, u rẹn vbene iran zẹ emwa ruẹn kpokpo hẹ, u keghi gbe miẹn ọghọ; ne ọ ye lele uẹ khian ẹrẹna.

Psalm 105:27

Iran winna iwinna nọkhua ọghe Osanobua, iran keghi vbe winna iwinna ọyunnuan vbe Igipt.

Psalm 105:38

Ohan iran kegha mu ivbi Igipt, iran keghi ghọghọ ua vbe iran kpao.

Psalm 106:22

U miẹn emwi ọyunnuan ne ọ ru vbe evba u miẹn emwi ọyunnuan ne ọ ru vbe Okun ne Nọbaa.

Ẹksọdọs 11:1

E Nọyaẹnmwa keghi tama e Mosis wẹẹ, “Oya ọkpa kẹkan ọre I ghi ra rri ọba Igipt kevbe ivbi Igipt re. Iyeke ọnii, ọ gha gie uwa kpao. Vbe ne ẹmwata ẹghẹ ne ọ gha na gie uwa kpao, te ọ ra khulo uwa ladian mwa.

Ẹksọdọs 12:39

Iran kegha ya irhuarhua ne iran mu ke Igipt ladian fian ebrẹd ne ọ ma hue rhunmwuda ne a na khulo iran ke Igipt ladian ẹgiẹgiẹ. Iran ma miẹn ẹghẹ ya le evbare ne egbe iran, ra ne iran fian ebrẹd ne ọ huere.

Ẹksọdọs 13:3

E Mosis keghi khama emwa nii wẹẹ, “Wa ghi ya ẹdẹnẹrẹ na ne uwa kpao vbe otọ Igipt ẹro, ehe ne uwa na gha re eviẹn, rhunmwuda ẹrẹna ọrọre ẹdẹ ne Nọyaẹnmwa ya ẹtin nọkhua ẹre viọ uwa ladian. Wa gha rri ebrẹd ne ọ ma hue.

Ẹksọdọs 13:9

Iruemwi na ghi yevbe ama ne u vin ye obọ ra emwi ayere vbe uharo ruẹ ne ọ gha ye ruẹ rre ne u miẹn ehe na gha ta ẹmwẹ uhi e Nọyaẹnmwa rhunmwuda ẹtin nọkhua ọre Nọyaẹnmwa ya rhie ruẹ hin otọ Igipt rre.

Ẹksọdọs 15:11

“E Nọyaẹnmwa, de ẹbọ ọkpa ne ọ yevbe uwẹ? De ọmwa ne ọ ye vbe uwẹ? Ne uhuanmwẹ ọnrẹn mu ohan? De ọmwa ne ọ yevbe uwẹ ne ọ winna iwinna ọyunnuan, kevbe ne iwinna nekhua ẹre gbe orrirri vberriọ?

Ẹksọdọs 15:6

E Nọyaẹnmwa, ọyunnuan ọre ẹtin obọ erha ọmwa ruẹn khin, ọ guọghọ avbe eghian rẹnkhẹnrẹnkhẹn.

Ẹksọdọs 4:21

E Nọyaẹnmwa keghi dọlegbe tama e Mosis wẹẹ, “Vbene u ghi na rrie Igipt na nian, ghẹ mwẹ u ma winna avbe iwinna ama ne I rhie ẹtin nuẹn ya gha ru. I gha ya ọba ze vbe udu, rẹn i ra gie emwa nii kpao.

Ẹksọdọs 6:1

Ẹre Nọyaẹnmwa na tama e Mosis wẹẹ, “U gha miẹn emwi ne I gha ru ọba re ban. I gha ya obọ ne ọ tọn muẹn ne ọ miẹn ehe na gie iran gha khian. Vbe ẹmwata I gha ru ẹe ne ọ ya obọ ẹre khulo uwa ladian hin ẹvbo ẹre rre.”

Ẹksọdọs 6:6

Rhunmwuda ọnii, wẹ ghi ya tama ivbi Izrẹl wẹẹ, ‘Mẹ ọrọre Nọyaẹnmwa, I gha fannọ uwa ye otọ vbe obọ iwinna ekuẹnkuẹn ne ivbi Igipt ya ẹtin munọ uwa ya winna. I gha miẹn uwa fan hin uwu eviẹn ne uwa ye ne iran. I gha fannọ uwa ye otọ vbe ekpa ne I gha na tọn obọ mwẹ ne wegbe mu ne I ya rri iran oya nọ mu ohan.

Ẹksọdọs 9:15

Akpawẹ te I ya obọ mwẹ mu emianmwẹ kuọ ruẹ kevbe emwa ruẹn, wa hia gha wulo nẹ.

Aizaia 19:22

E Nọyaẹnmwa gha rri ivbi Igipt oya, sokpan, ọ gha vbe mu iran egbe rran. Iran gha fiwerriẹ bu irẹn rre, rẹn ghi vbe mu iran egbe rran.

Aizaia 26:11

Avbe eghian ruẹn ma rẹn, ighe u gha rri iran oya Nọyaẹnmwa, ye ekhue mu iran, ne u gie iran rri oya. Gie iran rri oya ne u mwamwa yotọ khẹ iran rhie ma iran vbene u kakabọ ho ẹmwẹ emwa ruẹn hẹ.

Ezikiẹl 20:33

“Zẹ vbene aro dae wẹ, mẹ ne Nọyaẹnmwa ne Udazi ọrọre Osanobua ne ọ rrọ, I tama uwa yotọ nẹ wẹ ohu gha mu mwẹ, I gha ya obọ ne ọ tọn mu uwa vbe ẹtin mwẹ hia.

Maika 7:15

Winna iwinna ọyunnuan ne ima, Nọyaẹnmwa, vbene u gha ru ẹe vbe ẹghẹ ne u na viọ ima ke Igipt ladian.

Iwinna 7:36

Ọ keghi su ivbi Izrẹl ladian vbe Igipt, ọ winna iwinna ama kevbe ọyunnuan vbe Igipt kevbe Okun Ne ọ baa kevbe uwu ato vbe ukpo iyeva.

Diuteronomi 4:34

A he miẹn ẹbọ ọkpa ne ohan gie ẹe la uwu okpẹvbo ọvbehe ya viọ emwa ladian ya khian ọghe ọe zẹ vbene Osanobua Nọyaẹnmwa uwa ru ne uwa vbe Igipt? Sirra uwa ọ re, ọ na lo ẹtin kevbe iwegbe ẹre nọkhua, ọ keghi si egboghogbogho kevbe okuo ye otọ, ọ keghi winna iwinna ọyunnuan kevbe ọghe ama, ọ na gie emwi ohan gha sunu.

Diuteronomi 6:22

Ma keghi ye aro ima miẹn iwinna ọyunnuan ne ọ winnaẹn, ọ na ru ivbi Igipt ọ yan aro ua, kevbe ọba iran kevbe ekhaẹmwẹ iran.

Giọgis 6:8

e Nọyaẹnmwa keghi gie akhasẹ ọkpa gie iran, ne ọ do ta uhunmwu ne Nọyaẹnmwa ne Osanobua Izrẹl gie wẹẹ: “I viọ uwa ke uwu ọviẹn ladian vbe Igipt.

Giọgis 8:16

Ọ keghi silo igban kevbe akọsọ ke uwu ato rre, ọ na ya ẹe rri avbe ọkaolotu e Sukọt oya.