Ẹksọdọs 3:2 - Edo Bible (E Baibol Ẹdo) Version 1996

² Odibo e Nọyaẹnmwa keghi rhie egbe ma rẹn zẹ vbe erhẹn ne ọ baa vbe uwu oha. E Mosis keghi miẹn wẹ erhẹn mu vẹn vbe oha nii sokpan emwi rhọkpa ma giẹn.

Ẹksọdọs 3:2 ပူးပေါင်းရင်းမြစ်များ

Gẹnẹsis 21:17

Osanobua keghi họn vbe ọmọ nii viẹ; odibo Osanobua keghi gu Hega guan ke ẹrinmwi rre, “De emwi nọ ruẹ yi Hega? Ghẹ gie ohan muẹn. Osanobua họn eve ọmọ nii nẹ.

Gẹnẹsis 22:11

Sokpan, odibo Nọyaẹnmwa keghi datie ẹre ke ẹrinmwi rre, “Ebraham, Ebraham!” Rẹn keghi wanniẹn wẹẹ, “Ee, ghe mwẹ mwa.”

Gẹnẹsis 48:16

Te Odibosa ne ọ fanmwẹ hin uwu ẹbe hia rre gha fiangbe iran! Te eni mwẹ deba eni avbe Ebraham kevbe Aizik ne erhamwẹ gha rrọọ khian vbekpa emọ na! Te iran gha biẹlẹ emọ nibun ne iran do khian ọrhẹnrhẹn.”

Psalm 66:12

U gie avbe eghian mwa ya owẹ rrilo mwa muotọ; ma la erhẹn kevbe uromwẹ amẹ gberra sokpan, banbanna nian, u viọ ima gha die ehe ne ẹbe i ye.

Ẹksọdọs 19:18

Ighogho keghi gba uhunmwu oke Sainai hia rhunmwuda e Nọyaẹnmwa la erhẹn tuorre yan rẹn. Ighogho nii kegha ye odukhunmwu zẹ vbe ighogho ogidi erhẹn. Emwa nii hia kegha guọ kpẹkpẹkpẹ.

Ẹksọdọs 23:20

I gha gie odibosa ke odaro ne uwa ne ọ gha degue uwa vbe odẹ kevbe ne ọ viọ uwa sẹ ehe ne I dọlọyi ye otọ.

Ẹksọdọs 3:16

Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

Aizaia 43:2

U gha la uwu ẹzẹ ne ọ dinmwi khian, I gha mudia kuẹ ọlọghọmwa ruẹn I ra gbuẹ uhunmwu, u gha la uwu erhẹn khian, u i ra giẹn, ibaro nọ khua ne u miẹn, ẹ i ra kuan ruẹn.

Aizaia 63:9

hin uwu usẹ iran hia rre. Ẹ i re odibosa ọ re ọ do miẹn iran fan, e Nọyaẹnmwa tobọ ẹre, ọ re ọ miẹn iran fan. Ahoẹmwọmwa kevbe itohan, ọ re ọ ya miẹn iran fan. Ọ ka wa gbearoghe iran dee ẹdẹ,

Daniẹl 3:27

Avbe iran ne ivbi ọba hia, avbe gọvina kevbe avbe akhọwa e gọvina, kevbe avbe ekhaẹmwẹ ọba nekpa hia, keghi vẹ rre gha ghe iran eheha na ne erhẹn nii ma giẹn. Eto iran ma vbe rara, ukpọn iran ma giẹn, ẹwia ighogho i vbe rre iran egbe.

Zẹkaraia 13:7

E Nọyaẹnmwa ne Oghodua khare wẹẹ, “Umozo, rhiọrre, ne u dekun ọsuohuan ne ọ winna mẹ. Gbe ẹe rua, ne u gie avbe ohuan zagha kua, mẹ gha dekun avbe emwa mwẹ,

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

Iyẹn ne ọ Maan Ọghe Mak 12:26

Ẹn hẹn, vbe kpae ọ ghe wẹ a huẹn emwa kpao vbe orinmwi, wa ma he tie ẹre vbe ebe Mosis ra, vbe ehe ne ọ na guan kan ẹmwẹ oha ne erhẹn na mu vẹn? Rhunmwuda, a gbẹn ọẹn ye evba wẹẹ, Osanobua khare wẹẹ, ‘Mẹ ọrọre Osanobua Ebraham, Osanobua Aizik kevbe Osanobua Jekọb.’

Iyẹn ne ọ Maan Ọghe Luk 20:37

Mosis tobọ ẹre wa zẹ ẹmwẹ na uke ighe a gha huẹn avbe orinmwi kapegbe. Vbehe ne ọ na guan kan oha ne ọ mu vẹn, ọ tie Nọyaẹnmwa ‘Osanobua Ebraham, Osanobua Aizik kevbe Osanobua Jekọb.’

Iyẹn ne ọ Maan Ọghe Jọn 1:14

Nene Ẹmwẹ ne a guan keghi khian ọmwa ne agbọn, ọ keghi do gu ima gha rrọọ. Ma miẹn uyi ẹre, ọ vuọn ne ẹsọhẹ kevbe ẹmwata. Ọ na kegha re uyi ne a rhie nẹẹn zẹ vbe ukpọmọkpa kẹkan ne Evbavba mwẹ.

Ebe ne Pọl gbẹẹn gie emwa Rom 8:3

Emwi ne Uhi ma sẹtin ru, rhunmwuda ne ọmwa ma na wo vbe egbe vbe a yiẹe, Osanobua ru ẹe nẹ. Rẹn keghi bu ohiẹn gbe orukhọ ne ọ rre egbe ọmwa zẹ vbe ne a yiẹe, vbe ne ọ na gie Ovbi ẹre ne ọ mu akpa egbe ọmwa ne ọ mwẹ orukhọ yọ gha dee, ne ọ miẹn ehe na do gbe ukhu orukhọ ua.

Diuteronomi 33:16

Te a gha ya emwi ni maa sẹẹ hia vuọn otọe iran, ne a ye umamwẹ e Nọyaẹnmwa fiangbe, ọmwa ne ọ guan ke uwu oha erhẹn rre, te afiangbe na hia gha sẹ vbe egbe ẹwae Josẹf rhunmwuda ọkaolotu rẹn gha khin vbe uwu ẹbu etiọnrẹn.

Diuteronomi 4:20

Sokpan wa ọrọre emwa ne irẹn viọ ke Igipt ladian, uwu ogidi erhẹn nii. Te ọ viọ uwa ladian ne uwa do gha re ọghọe vbene uwa ye ẹrẹna.

II Tẹsalonaika 1:7

Ọ ghi fannọ uwa ni sẹ usẹ ẹghẹ na kua, kevbe ima ba ẹre. Ẹghẹ ne ọ gha na ru emwi na, ọrọre ẹghẹ ne Nọyaẹnmwa Jesu gha na rhie egbe ma ke ẹrinmwi rre, irẹn kevbe avbe odibo Osa ẹre nekhua.

Giọgis 13:13

Odibo e Nọyaẹnmwa nii keghi wanniẹn Manoa wẹẹ, “We ne ọvbokhan an ghẹ mwẹ ọ ma ru emwi hia ne I tama rẹn.