Ẹksọdọs 3:18 - Edo Bible (E Baibol Ẹdo) Version 1996

¹⁸ Iran gha rhie ehọ nuẹn ta yi, u ghi bu ọba Igipt ke uwẹ kevbe avbe ọkaolotu ivbi Izrẹl, u ghi tama rẹn wẹẹ, ‘E Nọyaẹnmwa, Osanobua avbe emwa Hibru miẹn ima aro. Lahọ gie ima khian okhian ikpẹdẹ eha ghe uwu ato ne ima ya zọ ese ne Nọyaẹnmwa, Osanobua mwa.’

Ẹksọdọs 3:18 ပူးပေါင်းရင်းမြစ်များ

Gẹnẹsis 12:1

E Nọyaẹnmwa keghi tama Ebram wẹẹ, “Kpao vbe ẹvbo ruẹ rre, sẹ avbe etuẹn rae kevbe owa erha a, ne u gha rrie ẹvbo ne I gha rhie ma ruẹn.

Gẹnẹsis 14:13

Sokpan okpia ọkpa ne ọ lẹ fe keghi do tama Ebram ne ovbi e Hibru, ọkpẹn erhan iruemwi ọghe Mamrẹ ne ọmwa Amọri rẹn gha ye, ọmwa Mamrẹ ne ọ re ọtẹn Ẹskọl kevbe Anẹ keghi re emwa ni ye obọ ba Ebram.

Gẹnẹsis 15:1

Vbe iyeke ọnọna, Ebram keghi miẹn umian, ọ na họn vbe Nọyaẹnmwa guẹe guan wẹẹ, “Ghẹ mu ohan Ebram, Mẹ ọ re asa ne ọ gha degue ruẹ I gha ruẹ ẹse nọkpọlọ ẹsẹse.”

Gẹnẹsis 17:1

Ugbẹn vbe Ebram ghi rre ukpo ọkpairrọvbiyisẹn, e Nọyaẹnmwa keghi rhie egbe ma rẹn, Ọ wẹẹ, “Mẹ ọrọre Osanobua Noghodua. U ghi gha họn ẹmwẹ mwẹ vbe ẹghẹ hia ne u gha ya vbe agbọn, ne u vbe gha ru emwi ne ọ gbae vbe ẹghẹ hia,

Gẹnẹsis 48:3

E Jekọb keghi tama e Josẹf wẹẹ, “Osanobua Noghodua rhie egbe ma mwẹ vbe Luz, vbe otọe Kenan, ọ keghi fiangbe mwẹ.

II Krọnikol 30:12

Osanobua keghi wa gha winna vbe Juda, ọ keghi ku emwa nii kugbe vbe uwu ne iran na yan tae wẹ iran gha họn ẹmwẹ ne ẹẹn vbe emwi ne ọ ho, vbe ekpa ne iran gha na gha ru vbene ọba kevbe ekhaẹmwẹ ọnrẹn khare.

Psalm 110:3

Ẹdẹ ne u gha gu avbe eghian ruẹn gbinna, emwa ruẹn gha tobọ iran la igbinna, zẹ vbe evbu owiẹ vbirrivbirri avbe igbama ruẹn gha bu ruẹ gha die uhunmwu oke ne ọ huanrẹn ni.

Ẹksọdọs 10:3

Ẹre Mosis kevbe Errọn na bu ọba, iran ke tama rẹn wẹẹ, “Vbe nian ọre Nọyaẹnmwa ne Osanobua ivbi e Hibru khare, ‘De ẹghẹ ne uwa gha fieghe uhunmwu ye ẹmwẹ ne I khama uwa la? Gie emwa mwẹ kpao ne iran ya ga mwẹ.

Ẹksọdọs 17:5

E Nọyaẹnmwa keghi tama e Mosis wẹẹ, “Viọ eso vbe uwu avbe ekaolotu ivbi Izrẹl ba egbe ne u fian ke odaro ne iran. Rhie ọkpọ ne u rhie gbe ẹzẹ mwẹ obọ ne u gha khian.

Ẹksọdọs 19:1

Ivbi Izrẹl keghi kpao vbe Rẹfidim rre, vbe ikpẹdẹ ne okaro ọghe uki ne ogieha ne ivbi Izrẹl kpao vbe Igipt rre, iran keghi do sẹ ato ọghe Sainai. Iran na bu agọ ye ototọ oke Sainai.

Ẹksọdọs 25:22

Evba I gha na do gha miẹn ruẹn, I gha vbe mudia ye ugue Ẹkpẹti ne, I do rhie uhi mwẹ hia ne uwa ke adesẹneva emwi nii nẹ ifuẹn nii gha dee, gie ivbi Izrẹl.

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 3:16

Gha khian, ya si avbe ọkaolotu Izrẹl koko ne u tama iran wẹẹ, ‘Mẹ ne Nọyaẹnmwa, Osanobua avbe erha uwa odede, Osanobua ọghe Ebraham, Aizik kevbe Jekọb ọre ọ rhie egbe ma mwẹ, ọre ọ na wẹ ne I tama uwa wẹẹ, “Mẹ do rhuan uwa ghe, I keghi miẹn emwi hia ne ivbi Igipt ru uwa re.

Ẹksọdọs 30:36

U ghi dunmwu eso vbọ rẹnkhẹn u ghi gha lo eso vbọ vbe odaro Ẹkpẹti Osẹe vbe uwu Owa Ukpọn ne a ya rẹn ighẹ mẹ rre evba, ehe ne I gha na do gha vbe ruẹ. U ghi gha ya obọ mu eturari na zẹ vbe emwi ne ọ huanrẹn ẹsẹse.

Ẹksọdọs 30:6

U ghi mu aka na ye odaro ukpọn onurho ne ọ rre vbe a te sẹ ehe ne ẹkpẹti Ile ye.

Ẹksọdọs 4:1

E Mosis keghi wanniẹn tama e Nọyaẹnmwa wẹẹ, “Sokpan a deghẹ ivbi Izrẹl ma ya mwẹ yi vbo, ighẹ iran ma rhie ehọ mẹ ta yi, iran na wẹẹ, ‘E Nọyaẹnmwa ma rhie egbe ma ruẹn.’ Vbe I a gha ghi ru?”

Ẹksọdọs 4:23

I tama ruẹn ne u gie ovbi mwẹ gha khian ne ọ ya ga mwẹ sokpan u keghi he. Wanwanna nian, mẹ gha gbe ovbi uẹ ne okpia ne ọdiọn.’ ”

Ẹksọdọs 4:24

Vbe ehe ne iran na bu agọ vbe odẹ, vbe iran rrie Igipt E Nọyaẹnmwa keghi do vba e Mosis, ọ keghi te ra gbe ẹe rua.

Ẹksọdọs 4:31

Iran keghi yayi, ugbẹn vbe iran ghi họn wẹ Nọyaẹnmwa bu iran gha dee, ighẹ ọ vbe miẹn vbe iran sẹ iran usẹ hẹ, iran keghi ya uhunmwu rhanmwẹ otọ, iran na ga Osanobua.

Ẹksọdọs 5:1

E Mosis kevbe Errọn keghi bu ọba ọghe Igipt, iran tama rẹn wẹẹ, “E Nọyaẹnmwa khare wẹẹ, ‘Gie emwa mwẹ kpao ne iran ya ru eghọ ugamwẹ mẹ vbe uwu ato.’ ”

Ẹksọdọs 5:3

E Mosis kevbe Errọn keghi wanniẹn wẹẹ, “Osanobua avbe emwa Hibru do miẹn ima. Lahọ gie ima khian okhian ikpẹdẹ eha gha rrie uwu ato ne ima ya zọ ese ghe Nọyaẹnmwa Osanobua ima. A deghẹ ma ma yo, ọ gha ya okuo ra okpe emianmwẹ gbele ima hia a.”

Ẹksọdọs 7:16

U ghi tama ọba wẹẹ, ‘E Nọyaẹnmwa ne Osanobua ọghe avbe emwa Hibru ọre ọ gie mwẹ ne I do tama ruẹn wẹẹ, gie emwa mwẹ kpao ne iran ya ga mwẹ vbe ato, sokpan do sẹ ewanwanna, u ma zẹ yọ.’

Ẹksọdọs 8:1

Ẹre Nọyaẹnmwa na tama e Mosis wẹẹ, “Bu ọba gha khian ne u ya kha ma rẹn wẹẹ, ‘Vbe nian ọre Nọyaẹnmwa khare, “Gie emwa mwẹ gha khian ne iran ya ga mwẹ.

Ẹksọdọs 8:20

E Nọyaẹnmwa keghi tama e Mosis wẹẹ, “Vbe owiẹ vbirrivbirri akhuẹ, u ghi ya vba ọba vbe ọ gha rrie ẹzẹ, ne u khama rẹn wẹẹ, ‘Ẹmwẹ ne Nọyaẹnmwa ta ẹe ọrọre wẹẹ, “Gie emwa mwẹ gha khian ne iran ya ga mwẹ.

Ẹksọdọs 8:23

I gha rhie alughaẹn ye ẹkpo emwa mwẹ kevbe emwa ruẹn. Akhuẹ ọre ọyunnuan na ra sunu!” ’ ”

Ẹksọdọs 9:1

E Nọyaẹnmwa keghi khama e Mosis wẹẹ, “Bu ọba Igipt ne u ya tama rẹn wẹẹ, ‘Vbenian ọre Nọyaẹnmwa ne Osanobua avbe Hibru khare, “Gie emwa mwẹ gha khian ya ga mwẹ.

Ẹksọdọs 9:13

E Nọyaẹnmwa keghi tama e Mosis wẹẹ, “Vbe owiẹ fioo akhuẹ u ghi bu ọba Igipt ne u ya tama rẹn wẹẹ, ‘Vbenian ọre Nọyaẹnmwa ne Osanobua avbe Hibru khare, gie ivbi Izrẹl gha khian ne iran ya ga mwẹ.

Aizaia 64:5

Wẹ miẹn iran ne emwi ne ọgbae ne a ru yẹ yi, iran ni yerre vbene u wẹ ho ne iran gha yin hẹ. Ohu mwa te gha mu ẹẹn, sokpan, ma keghi ye gha ru orukhọ yan, vbene ohu ni ya mu ẹẹn sẹ, orukhọ ọre ima ye ru kẹ ẹkpo nẹdẹ ni gha dee.

Jerimaia 2:2

ne I ya ta ẹmwẹ na ma emwa hia ni rre Jerusalẹm. “I yerre wẹ ọmwa ne ọ mudia ẹse ọ re u wa gha khin vbe ẹghẹ ne u na ye kherhe. Vbene u gha ho ẹmwẹ mwẹ hẹ vbe ẹghẹ ne a na da rhie ruẹ rre. U lele mwẹ la ato, la otọ ne a ma he mu ẹre ugbo ẹdẹ.

Jerimaia 2:6

Iran ma zẹ yọmwẹ re. A gha rhe miẹn wẹ mẹ ọ re ọ fannọ iran ke Igipt ladian. I keghi su iran la otọ oha gberra otọe ne ato kevbe uye ekhae ye otọe ne ọ kae kevbe ne ọ vuọn ne ẹbe ehe ne ọmwa rhọkpa i ye ne a i vbe miẹn ọmwa ne ọ lae gberra ẹdẹ.

Jerimaia 26:5

Kevbe ne uwa gha danmwehọ ẹmwẹ ne avbe eguọmwadia mwẹ ta, kevbe avbe akhasẹ ne I wa gha gie bu uwa rre. Wa ma he ya emwi ne iran tae ru emwi ẹdẹ.

Nọmbas 17:4

U ghi viọ iran ye odaro Ẹkpẹti Ile vbe uwu Owa ukpọn Ile vbe ehe ne I na do gha miẹn ọn.

Jọsua 1:17

Ma gha họn ẹmwẹ nuẹn zẹ vbene ima vbe gha họn ẹmwẹ ne Mosis. Sokpan ne Osanobua gha rrọọ yaba ruẹ zẹ vbene ọ vbe gha rrọọ ba e Mosis!