Ẹksọdọs 3:15 - Edo Bible (E Baibol Ẹdo) Version 1996

¹⁵ Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Ẹksọdọs 3:15 ပူးပေါင်းရင်းမြစ်များ

Gẹnẹsis 24:12

Rẹn ka na erhunmwu wẹẹ, “Nọyaẹnmwa, Osanobua ọghe Ebraham ne arowa mwẹ, rhie arudinodẹ mẹ ẹre na ne u mu eyan ne u yan ma arowa mwẹ sẹ.

I Krọnikol 16:16

Ile ne ọ gu Ebraham ta, emwi ne ọ ve Aizik re.

I Krọnikol 29:18

E Nọyaẹnmwa ne Osanobua avbe erha mwa odede, Ebraham, Aizik kevbe Jekọb, gie ekhọe ne a ya ga vberriọ gha digiẹ yọ vbe uwu emwa ruẹn rhinrin, ne u gie ekhọe iran gha la ghe ọwuẹ vbe ẹghẹ hia.

II Krọnikol 28:9

Okpia ọkpa ne a tie eni ẹnrẹn Odẹd, ne ọ vbe re akhasẹ kegha rre Sameria. Ọ keghi dekun ivbiyokuo Izrẹl ni ke okuọ dee, deba ivbi e Juda ne iran munọ ẹre oghunmwu vbe iran ghi ra wa la ore ẹvbo, ọ na kha wẹẹ, “E Nọyaẹnmwa ne Osanobua avbe erha uwa odede keghi mu ohu ivbi e Juda, ọ na gie obọ uwa ke ukhunmwu ne iran, wanwanna nian, ọ họn ugbe mwẹ ọghe ekhọe dan ne uwa gbele iran re.

Psalm 102:12

Sokpan, Nọyaẹnmwa, wẹ ọrọre ọba ẹdẹdẹmwẹdẹ; orre hia gha ye ruẹ rre.

Psalm 102:13

Wẹ gha kpaegbe, u ghi tohan Zaiọn, ẹghẹ sẹ nẹ ne a gha na tohan rẹn; ẹghẹ ne ọ ke yi ọre ọna khin.

Psalm 135:13

E Nọyaẹnmwa, te a gha go wan ruẹn tie ruẹ Osanobua ẹdẹdẹmwẹdẹ, orre hia ọre ọ gha ye ruẹ rre.

Psalm 30:4

Wa so ihuan urhomwẹ ghe Nọyaẹnmwa, wa ne emwa rẹn ni gia mu ẹtin yan. Wa yerre, emwi ne Ne ọ huanrẹn Nii ru ne uwa rhie ekpọnmwẹ ne ẹẹn.

Psalm 30:5

Ovbi ẹghẹ kherhe ọre izohu ẹre ya umamwẹ ọnrẹn keghi re ọghe ẹdẹ agbọn hia. Ameve sẹtin gha rhọkua vbe, asọn sokpan oghọghọ dee vbe owiẹ.

Psalm 68:5

Osanobua ne ọ rre uwu Ọgua Osa ẹre nọhuanrẹn gbearoghe ọ re ọ gbearoghe avbe emọ ni i mwẹ erha rẹn ọ re ọ degue avbe ẹgbẹe.

Psalm 72:17

Ai ghẹ mianmian eni ọba ẹdẹ te otiti ẹre gha tọ zẹvbe owẹn, te agbọn ẹvbo hia gha tian rẹn, te iran gha wẹ ne Osanobua fiangbe iran ne iran vbe gha gualọ ọyẹnmwẹ ne ọba.

Psalm 72:19

Wa rho eni ẹnrẹn ne ọ mwẹ uyi ẹdẹdẹmwẹdẹ. Te uyi ẹre gha gha otọ agbọn hia. Isẹ! Isẹ!

Ẹksọdọs 15:2

E Nọyaẹnmwa ya mwẹ khian nọ vbe egbe kevbe nọ mwẹ ẹtin rẹn ọre ọ miẹn mwẹ fan. Osanobua mwẹ nọ, I gha rho ẹre, Osanobua avbe erha mwẹ, I gha so ihuan ukpọlọmwẹ ọnrẹn.

Ẹksọdọs 15:3

Ne ọ khọn okuo ọre Nọyaẹnmwa khin Nọyaẹnmwa ọrọre eni ẹnrẹn.

Ẹksọdọs 3:13

Sokpan e Mosis keghi tama Osanobua wẹẹ, “Vbe ne ọ ye na nian, I ghẹ ghi bu ivbi Izrẹl gha khian, I na ya tama iran wẹẹ, ‘Osanobua avbe erha uwa odede ọre ọ gie mwẹ bu uwa gha dee,’ iran gha nọ mwẹ wẹẹ, ‘Vbe a tie eni ẹnrẹn?’ Vbe I a ghi ra tama iran hẹẹ?”

Ẹksọdọs 3:6

Ọ keghi tama rẹn, “Mẹ ọrọre Osanobua erha a, Osanobua ọghe Ebraham, Osanobua ọghe Aizik, kevbe Osanobua ọghe Jekọb.” E Mosis keghi mu emwi rhu aro rhunmwuda ohan ma gi ẹe ẹre ghe Osanobua.

Ẹksọdọs 4:1

E Mosis keghi wanniẹn tama e Nọyaẹnmwa wẹẹ, “Sokpan a deghẹ ivbi Izrẹl ma ya mwẹ yi vbo, ighẹ iran ma rhie ehọ mẹ ta yi, iran na wẹẹ, ‘E Nọyaẹnmwa ma rhie egbe ma ruẹn.’ Vbe I a gha ghi ru?”

Ẹksọdọs 4:5

E Nọyaẹnmwa keghi kha wẹẹ, “U ghi ru ọna ne ivbi Izrẹl miẹn ehe na yayi wẹ, e Nọyaẹnmwa Osanobua avbe erha iran odede, Osanobua Ebraham, Osanobua Aizik kevbe Osanobua ọghe Jekọb gele rhie egbe ma ruẹn.”

Ẹksọdọs 6:2

Osanobua keghi gu e Mosis guan wẹẹ, “Mẹ ọrọre Nọyaẹnmwa.

Itan 18:10

Te Nọyaẹnmwa ye vbe owa ọkhẹ ne ọ wegbe, ehe ne emwa esi gha lẹ fi, iran ghi vbe miẹn uhunmwu.

Aizaia 26:8

ma lele vbene uwẹ ho, ma mwẹ idaehọ vbe uwu uwẹ, wẹ okpa ọrọre emwi ne ima ho.

Aizaia 42:8

“Mẹ ọkpa kẹkan ọrọre Nọyaẹnmwa, Osanobua ruẹ. Emwi ne a gho ọvbehe ne ọ gha gunmwẹ ghae vbe uyi mwẹ, ẹ i rrọ, mẹ i ra kue ne amazẹ gunmwẹ ghae vbe uyi mwẹ.

Aizaia 63:12

De ehe ne Nọyaẹnmwa ghi ye na yi, ọmwa ne ọ ya ẹtin ẹnrẹn la obọ e Mosis winna iwinna nọkhua, ọ keghi wannọ amẹ okun ye ihe eva, ọ na viọ emwa rẹn la uwu odin amẹ nii gberra, ne ọ ya hin usi ẹdẹdẹmwẹdẹ.” Rhunmwuda ne Nọyaẹnmwa na viọ iran khian, okhian ke wa gha kẹ iran zẹ vbe ẹsin oha, iran ma vbe rrua owẹ uhukpa.

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 33:2

E Nọyaẹnmwa ne ọ yi agbọn, ne ọ ma ẹẹn ọ na mu ẹẹn gbọ ye ehe ne ọ ye, ọ gunmwẹ guan. Ọmwa ne eni ẹnrẹn re Nọyaẹnmwa; ọ na kha wẹẹ,

Daniẹl 2:23

I rho ruẹ, I ya ọghọ nuẹn Osanobua enikaro mwẹ u rhie ẹwaẹn kevbe ẹtin mẹ nẹ u họn erhunmwu mwẹ nẹ u na vbe tama ima, emwi ne a gha tama ọba.”

Hozia 12:5

Ọnọna ọ re Nọyaẹnmwa Osanobua ne Oghodua, e Nọyaẹnmwa ọrọre eni ne a gha ya gha ga ẹe.

Hozia 12:6

Rhunmwuda ọnii nian, wa ne ivbi uniẹn e Jekọb wa mu ẹtin yan Osanobua uwa ne uwa vbe hu ẹre gha dee. Wa mudia ẹse, wa gha ru emwi ẹmwata ne uwa ya i ziengbe mudia khẹ Osanobua uwa ne ọ guan yọ.

Levitikọs 24:11

(Iye ọmwa nii keghi re Sielomit ne ovbi Dibri ne ọ ke ẹwae Dan rre) vbe uwu ẹzọ nii okpia nii ke ghi tie ihẹn ne Nọyaẹnmwa, iran keghi mu ẹẹn bu e Mosis gha khian.

Maika 4:5

Dọmwadẹ ẹvbo ọ re ọ gho, ọ ghi vbe họn ẹmwẹ ne ẹbọ ẹre, sokpan, ma gha ga, ma ghi vbe gha họn ẹmwẹ ne Nọyaẹnmwa ne Osanobua ima ẹdẹdẹmwẹdẹ.

Malakai 3:6

Mẹ ọrọre Nọyaẹnmwa, mẹ i vbe fiwerriẹ. Rhunmwuda ọnii wa ma he wa wirua fo, wa ne ivbi uniẹn e Jekọb.

Matiu 22:32

‘Mẹ ọrọre Osanobua Ebraham, Osanobua Aizik kevbe Osanobua Jekọb!’ Ọ ni rhie maa wẹẹ Osanobua ọghe iran ni ma he wu nọ, ẹ i re ọghe ni wulo.”

Iwinna 3:13

Osanobua Ebraham, Aizik kevbe Jekọb, Osanobua avbe erha mwa odede, ọre ọ rhie uyi ne ọ gbae ne Ọguọmwadia ẹre Jesu, ọmwa ne uwa rhie yan iran ni khaemwisẹ obọ, wa keghi hẹẹ ye otọ vbe odaro Pailet, vbe Pailet te gha ho ne irẹn fan ẹn fua.

Iwinna 7:32

‘Mẹ ọrọre Osanobua avbe erha uwa odede, Osanobua Ebraham, Aizik kevbe Jekọb.’ Ohan mu Mosis, ọ na gha guọ kpẹkpẹkpẹ, ohan ma ghi gie ẹe ghe ẹre.

Diuteronomi 1:11

Te Nọyaẹnmwa ne Osanobua avbe erha uwa gha gie uwa gha muan yọ ukhukhu arriaisẹn, zẹ vbene irẹn yan rẹn, ne ọ vbe gie agbọn ma uwa!

Diuteronomi 1:35

‘Wa ne orre dan na, ọkpa vbe uwu uwa ne ọ gha la otọ ne ọ ma emwi okọ ne I ve avbe erha uwa odede ẹre, ẹ i rrọọ.

Diuteronomi 4:1

Ẹre Mosis na tama emwa nii wẹẹ, “Wa gha mu uhi hia ne I rhie ne uwa sẹ, wa gha rre agbọn, wa ghi vbe yin otọe nii ne Nọyaẹnmwa ne Osanobua avbe erha uwa odede ra mu ne uwa.

Hibru 11:16

Sokpan, ẹvbo ne ọ maa sẹ ọnii ọre iran rhie aro yi, ẹvbo ẹrinmwi. Rhunmwuda ọnii, ekhue ẹre i mu Osanobua vbe ọ wẹ ne iran gha tie irẹn Osanobua iran, rhunmwuda, ọ rhie ẹvbo ye otọ khẹ iran nẹ.

Hibru 13:8

Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.