Ẹksọdọs 3:14 - Edo Bible (E Baibol Ẹdo) Version 1996

¹⁴ Osanobua tama e Mosis wẹẹ, “Mẹ mwẹ ọre ọmwa ne Imẹ khin. Ọna ọrọre emwi ne u gha tama ivbi Izrẹl wẹẹ, ‘Omwa ne a tiẹre Imẹ ẹre ọ gie mwẹ gie uwa.’ ”

Ẹksọdọs 3:14 ပူးပေါင်းရင်းမြစ်များ

Job 11:7

“Wẹ gha sẹtin rẹn okhiẹ kevbe ukpẹ ọre ra ighẹ ẹtin kevbe ukpọlọmwẹ Osanobua?

Psalm 68:4

Wa so ihuan ghe Osanobua wa so ihuan urhomwẹ ghe eni ẹnrẹn, wa zẹ odẹ nẹ ọmwa ne ọ hin okuku amẹ khian. Nọyaẹnmwa ọ re a tie ẹre, wa gha sẹ ọyẹnmwẹ vbe eni ẹnrẹn.

Psalm 90:2

Vbe uwẹ te do yi avbe oke ra u te do ru ẹe ne agbọn gha rrọ wẹ ọrọre Osanobua etẹbitẹghori wẹ ọ re ọ vbe ra gha re Osanobua ẹdẹdẹmwẹdẹ.

Ẹksọdọs 15:3

Ne ọ khọn okuo ọre Nọyaẹnmwa khin Nọyaẹnmwa ọrọre eni ẹnrẹn.

Ẹksọdọs 23:21

Wa ghi rhie ehọ ye ẹmwẹ ọnrẹn, wa gha ru vbene ọ khare. Wa ghẹ sọtẹ ghe ẹre rhunmwuda eni mwẹ ọre ọ ya ru emwi. Rẹn i ra ye egbe abakuru vberriọ bọ ọmwa.

Ẹksọdọs 3:13

Sokpan e Mosis keghi tama Osanobua wẹẹ, “Vbe ne ọ ye na nian, I ghẹ ghi bu ivbi Izrẹl gha khian, I na ya tama iran wẹẹ, ‘Osanobua avbe erha uwa odede ọre ọ gie mwẹ bu uwa gha dee,’ iran gha nọ mwẹ wẹẹ, ‘Vbe a tie eni ẹnrẹn?’ Vbe I a ghi ra tama iran hẹẹ?”

Ẹksọdọs 6:2

Osanobua keghi gu e Mosis guan wẹẹ, “Mẹ ọrọre Nọyaẹnmwa.

Ẹksọdọs 6:3

I rhie egbe ma Ebraham, Aizik kevbe Jekọb zẹ vbe Osanobua Ne Oghodua. Sokpan, I ma ya eni mwẹ ne ọ huanrẹn ighẹ Nọyaẹnmwa rhie egbe ma iran.

Aizaia 42:8

“Mẹ ọkpa kẹkan ọrọre Nọyaẹnmwa, Osanobua ruẹ. Emwi ne a gho ọvbehe ne ọ gha gunmwẹ ghae vbe uyi mwẹ, ẹ i rrọ, mẹ i ra kue ne amazẹ gunmwẹ ghae vbe uyi mwẹ.

Aizaia 44:6

E Nọyaẹnmwa ne ọ khaemwisẹ yan, kevbe ne ọ vbe degue Izrẹl, e Nọyaẹnmwa ne Oghodua khare wẹẹ, “Mẹ ọrọre okaro, okiekie, ne irẹn ọkpa re Osanobua; osa ọvbehe i rrọ gberra imẹ.

Matiu 18:20

Rhunmwuda arhin eva ra eha gha si uhunmwu koko nẹ vbe eni mwẹ, mẹ wa gu iran rre evba.”

Matiu 28:20

Wa ma iran ẹre ne iran gha yin zẹ vbene I yi ẹre iyi ne uwa. Wa yerre wẹ I gha gu uwa gha rrọọ vbe ẹghẹ hia rhinrin ya sẹ ufomwẹ agbọn.”

Iyẹn ne ọ Maan Ọghe Jọn 8:24

Ọnii ọ zẹẹ ne I na khama uwa wẹ, uwu orukhọ uwa wa ra wulo yi deghẹ wa ma yayi wẹ ‘Mẹ ọrọre imẹ.’ ”

Iyẹn ne ọ Maan Ọghe Jọn 8:28

Rhunmwuda ọnii Jesu tama iran wẹẹ, “Wa ghẹ ghi tọn Ovbi Ọmwa mu nẹ, wa gha rẹn ighẹ ‘Mẹ ọrọre imẹ.’ Wa ghi vbe do rẹn wẹ, mẹ i da ru emwikemwi sokpan ẹmwẹ ne Erha ma mwẹ re ọre I ta.

Iyẹn ne ọ Maan Ọghe Jọn 8:58

Jesu wanniẹn wẹẹ, “Ẹmwata ọre I tama uwa. Vbe a te bie Ebraham, ‘Mẹ Nọ.’ ”

II Kọrinti 1:20

Rhunmwuda rẹn ọrọre “Erriọ nọ” ye emwi hia ne Osanobua yan eyan rẹn. Ọnii ọre ọ zẹẹ ne ima na la ekpa Jesu Kristi gbe “Isẹ” ne uyi ọghe Osanobua.

Hibru 13:8

Jesu Kristi ọkpa ne ọ rrọọ nodẹ, ọre ọ rrọọ ẹre na, rẹn ọre ọ khian vbe gha rrọọ akhuẹ kevbe ẹdẹdẹmwẹdẹ.

Arhie Maan 1:17

Ugbẹn vbe I ghi bẹghe ẹre, I keghi de gbe otọ vbe akharha ẹre, zẹ vbe orinmwi. Rẹn keghi rhie obọ erha ọmwa rẹn yan mwẹ, ọ wẹẹ, “Ghẹ gie ohan mu ẹn. Mẹ ọrọre okaro kevbe okiekie.

Arhie Maan 1:4

E Jọn ọre ọ gie uhunmwu na gie avbe esọsi ihinrọn ni rre otọ Esia. Ẹsọhẹ kevbe ọfumwegbe ọrọre ọghe uwa ke ehe ne Osanobua ye gha dee, Ọmwa ne ọ rrọọ banbanna, ọmwa ne ọ ka gha rrọọ yi ke ne ọ khian vbe gha rrọọ, kevbe ke ehe ne avbe orhiọn ihinrọn ni rre odaro ẹkete ẹre ye ghe dee.

Arhie Maan 1:8

“Mẹ ọrọre Alfa kevbe Omega,” erriọ Nọyaẹnmwa Osanobua ne Oghodua kha re, ọmwa ne ọ rrọọ banbanna, ne ọ ka rrọọ dee yi, kevbe ne ọ khian vbe gha rrọọ ẹdẹ ne ọ dee.

Arhie Maan 4:8

Ọkpọkpa vbe uwu avbe emwi ne a yi ni ma he wu ni, keghi mwẹ ifuẹn ehan, aro keghi vuọn iran egbe hia ke aro kevbe iyeke, iran i vbe da obọ ihuan ne iran so yi avan kevbe asọn wẹẹ: “Ne ọ huanrẹn, ne ọ huanrẹn, ne ọ huanrẹn, ọre Osanobua ne Oghodua khin. Ọmwa ne ọ ka rrọọ de, ne ọ rrọọ banbanna, kevbe ne ọ khian gha rrọọ vbe ẹghẹ ne ọ dee.”