Ẹksọdọs 3:13 - Edo Bible (E Baibol Ẹdo) Version 1996

¹³ Sokpan e Mosis keghi tama Osanobua wẹẹ, “Vbe ne ọ ye na nian, I ghẹ ghi bu ivbi Izrẹl gha khian, I na ya tama iran wẹẹ, ‘Osanobua avbe erha uwa odede ọre ọ gie mwẹ bu uwa gha dee,’ iran gha nọ mwẹ wẹẹ, ‘Vbe a tie eni ẹnrẹn?’ Vbe I a ghi ra tama iran hẹẹ?”

Ẹksọdọs 3:13 ပူးပေါင်းရင်းမြစ်များ

Gẹnẹsis 32:29

E Jekọb keghi kha wẹẹ, “Lahọ ta eni ruẹn ma mwẹ.” Sokpan rẹn wanniẹn wẹẹ, “Vbọzẹ ne u na nọ eni mwẹ?” Ẹre ọ ghi na fiangbe Jekọb.

Ẹksọdọs 15:3

Ne ọ khọn okuo ọre Nọyaẹnmwa khin Nọyaẹnmwa ọrọre eni ẹnrẹn.

Ẹksọdọs 3:12

Osanobua keghi wanniẹn wẹẹ, “I gha yaba ruẹ, ọ na u gha ya rẹn wẹ mẹ ọre ọ giọ. U gha ghi viọ emwa nii ke Igipt ladian nẹ, u gha do ga mwẹ vbe uhunmwu oke na.”

Ẹksọdọs 3:14

Osanobua tama e Mosis wẹẹ, “Mẹ mwẹ ọre ọmwa ne Imẹ khin. Ọna ọrọre emwi ne u gha tama ivbi Izrẹl wẹẹ, ‘Omwa ne a tiẹre Imẹ ẹre ọ gie mwẹ gie uwa.’ ”

Ẹksọdọs 3:15

Osanobua keghi dọlegbe gu e Mosis guan, “Ọna ọrọre ẹmwẹ ne u gha tama ivbi Izrẹl, e Nọyaẹnmwa, Osanobua avbe erha uwa odede, Osanobua ọghe Ebraham, Osanobua Aizik kevbe Osanobua ọghe Jekọb ọre ọ gie mwẹ gie uwa. Ọnọna ọrọre eni mwẹ ẹdẹdẹmwẹdẹ, erriọ ọre avbe orre ni dee hia gha tie mwẹ.

Ẹksọdọs 7:16

U ghi tama ọba wẹẹ, ‘E Nọyaẹnmwa ne Osanobua ọghe avbe emwa Hibru ọre ọ gie mwẹ ne I do tama ruẹn wẹẹ, gie emwa mwẹ kpao ne iran ya ga mwẹ vbe ato, sokpan do sẹ ewanwanna, u ma zẹ yọ.’

Itan 30:4

De ọmwa ne ọ he ruẹ irẹnmwi ẹrinmwi guẹ? De ọmwa ne ọ he gue ẹhoho ye obọ ẹre ẹdẹ? Ra ne ọ ya ukpọn gbalọ amẹ? Ra ne ọ vin uwu ye ehe ne agbọn sẹe? Gha nọ adeghẹ wẹ rẹn ọnrẹn, gha ọ re ovbi ẹre?

Aizaia 52:6

Vbe ẹdẹ ne ọ dee, wa gha miẹnkue wẹ mẹ ọrọre Osanobua, kevbe wẹẹ, I gu uwa guaan nẹ.”

Aizaia 7:14

Vbene ọ ghi ye na nian, e Nọyaẹnmwa gha tobọ ẹre rhie iyama nuẹn: okhuo ọvbokhan ọkpa ne ọ ma rẹn okpia gha hanmwa, ọ gha biẹ ọmọ okpia ọkpa, ọ ghi he ẹre ‘Imanuẹl.’

Aizaia 9:6

A biẹ ọmọ ọkpa ne ima! A rhie ọmọ okpia ọkpa ne ima! Rẹn ọ ra gha re ogie mwa. Eni ne a ra gha tie ẹre ọrọre, “Ọbude Ọyunnuan.” “Osa ne Oghodua,” “Erha Etẹbitẹ,” “Okoro Ọfumwegbe.”

Jerimaia 23:6

Ẹghẹ ne ọ gha ya vbe ọba, ivbi e Juda gha rrọọ vbe a i mwẹ ẹbe, ivbi Izrẹl ghi vbe gha rrọọ vbe ọfumwegbe, a gha vbe gha tie ẹre, ‘E Nọyaẹnmwa ne Imiẹnfan Mwa.’

Matiu 1:21

Rẹn gha vbe biẹ ọmọ okpia ọkpa. Wẹ ghi he ẹre Jesu, rhunmwuda rẹn ọre ọ gha fannọ emwa rẹn hin obọ orukhọ iran rre.”

Matiu 1:23

“Nene uvbi gha hanmwa, ọ gha vbe biẹ ọmọ okpia ọkpa, a ghi he ẹre Imanuẹl.” Emwi ne a ya ọnii kha ọrọre “Osanobua rrọọ yaba mwẹ.”

Iwinna 3:13

Osanobua Ebraham, Aizik kevbe Jekọb, Osanobua avbe erha mwa odede, ọre ọ rhie uyi ne ọ gbae ne Ọguọmwadia ẹre Jesu, ọmwa ne uwa rhie yan iran ni khaemwisẹ obọ, wa keghi hẹẹ ye otọ vbe odaro Pailet, vbe Pailet te gha ho ne irẹn fan ẹn fua.

Giọgis 13:17

E Manoa keghi tama odibo nii wẹẹ, “Ta eni ruẹn ma mwa, ne ima miẹn ehe na ye ọghọ guẹ vbe ẹmwẹ ne u ta ẹe na a ghi sẹ nẹ.”

Giọgis 13:6

Okhuo nii keghi kpao, ọ na ya tama ọdafẹn ọnrẹn, ọ wẹẹ, “Ọmwa Osanobua ọkpa bu mwẹ gha dee, ọ wa mu ohan zẹ vbe odibo Osanobua vbe a gha ghe ẹre. I ma nọ rẹn ehe ne ọ ke rre, ọ ma vbe ta eni ẹnrẹn ma mwẹ.