Ẹksọdọs 29:7 - Edo Bible (E Baibol Ẹdo) Version 1996

⁷ U ghi rhie ofigbọn ne a nọnọ ye ọmwa uhunmwu, u ghi tue ẹre yọ ẹre uhunmwu ne u ya zọe ye ughaẹn.

Ẹksọdọs 29:7 ပူးပေါင်းရင်းမြစ်များ

Psalm 133:2

Ọ ye vbe ori ighobioye ne a ya wo ne ọ ke uhunmwu ke ẹtu Errọn siẹn ku otọ, ya sẹ urhu ẹwu ẹre.

Psalm 89:20

I ya Devid ne ọguọmwadia mwẹ rri ọba nẹ, vbe ekpa ne I na sa ori ne ọ huanrẹn ye ọre uhunmwu.

Ẹksọdọs 28:41

U ghi yọ Errọn ne ọtuẹn ke ivbi ẹre nikpia ẹwu na, iyeke ọnii, u ghi nọnọ ori oliv ye iran uhunmwu, ma iran ohẹn, ne u ya iran fiohan, ne iran sẹtin gha ga mwẹ zẹ vbe ohẹn.

Ẹksọdọs 40:13

U ghi yọ Errọn ukpọn iruenmwi nii, u ghi nọnọ ori ye ọre uhunmwu, odẹ vbe rrọ ọre u gha ya ya ẹe fiohan ne ọ miẹn ehe na gha ga mwẹ zẹ vbe ohẹn.

Aizaia 61:1

E Nọyaẹnmwa ne Udazi ya orhiọn rẹn vuọn mwẹ nẹ, ọ zẹ mwẹ nẹ, ọ keghi vbe gie mwẹ, ne I rhie iyẹn ne ọ maa gie ivbiogue ne I mu ne ẹko ẹre rhiae egbe rran, ne I na iyẹn afanvbirri ne iran ne oghunmwu kevbe afanfua ne iran ni rre ẹwẹdọ.

Levitikọs 10:7

Wa ghẹ kpa vbe onurho Owa Ukpọn Ile rre ne uwa ghẹ wulo, rhunmwuda a ya ori ne a sa ye uwa uhunmwu ya uwa fi ohan ne Nọyan nẹ.” Iran keghi ru vbene Mosis khare.

Levitikọs 21:10

“Ogie Ohẹn, a nọnọ ori ye ọre uhunmwu nẹ, a na vbe ya ẹe fi ohan, ne ọ gha yọ ẹwu ohẹn, wẹ ne ọ ghẹ sẹ eto ẹre rae vbe ne a i na salọ ẹe ra ne ọ sọ ukpọn rẹn uan ne ọ ya rhie maa ighẹ te irẹn khiẹ.

Levitikọs 7:35

Ehe ne a viọ ne Nọyaẹnmwa vbe evbare nii, ne Nọyaẹnmwa ghi vbe viọ ne Errọn kevbe ivbi ẹre vbe ẹdẹ ne a ma iran ohẹn, ọre ena khin.

Zẹkaraia 4:14

Ẹre irẹn ghi na kha wẹẹ, “Iran na ọrọre avbe ikpia eva ne Osanobua zẹe, ọ na vbe nọnọ ori ye iran uhunmwu ne iran gha ga irẹn, ne e Nọyaẹnmwa ne ọ yan otọ agbọn hia.”

Nọmbas 35:25

Ẹvbo ghi wọlọ ọmwa ne ọ de izigha ọyẹvbu nii hin obọ etẹn ọmwa nọwu nii rre, a ghi gie ẹre werriegbe gha rrie ẹvbo ne a lẹgbinna nii, ehe ne ọ lẹ gha rrie. Ọ ghi gha rre evba ogie ohẹn ne ọ rrọọ vbe ẹghẹ nii te do wu.

Iyẹn ne ọ Maan Ọghe Jọn 3:34

Ẹmwẹ Osanobua, ọre ọmwa ne Osa gie guan rhunmwuda te Osanobua rhie uvuọnmwẹ Orhiọn rẹn nẹẹn.

I Jọn 2:27

Sokpan zẹ vbe ọ ghe uwa, Kristi tue Orhiọn rẹn yan uwa nẹ. Ugbẹn vbe Orhiọn a ye gha rre uwu uwa, wa i ghi vbe gualọ ọmwa ọvbehe ne ọ gha ma uwa emwi. Rhunmwuda, Orhiọn ni ọre ọ ma uwa emwi vbe ekpa emwi hia, emwi ne ọ ma uwa ẹre, ẹmwata vbe nọ, ohoghe i rrọọ, wa gha rhie emwi ne ọ ma uwa ẹre khekherriọ, ne uwa vbe gha rre uwu Kristi.