Ẹksọdọs 29:45 - Edo Bible (E Baibol Ẹdo) Version 1996

⁴⁵ I gha rre uwu ẹbu ivbi Izrẹl, I ghi gha re Osanobua iran.

Ẹksọdọs 29:45 ပူးပေါင်းရင်းမြစ်များ

Gẹnẹsis 17:8

I gha mu otọe ne uwẹ ye na zẹ vbe orhunmwuyẹn ne uwẹ vbe uniẹn ruẹn. Otọe Kenan hia ghi gha re ọwuẹ ẹdẹdẹmwẹdẹ, mẹ ghi vbe gha re Osanobua iran.”

I Ọba 6:13

I ghi gu ivbi Izrẹl ne emwa mwẹ gha rrọọ vbe uwu Ọgua Osa na ne u bọ khian na, mẹ I ra vbe he iran ye otọ ẹdẹ.”

II Krọnikol 6:18

“Sokpan, vbene ẹmwata, Osanobua, wẹ gha sẹtin gele yin agbọn na vbe ehe ne ikpia kevbe ikhuo ye ra? Uhin wẹ ẹrinmwi ma kpọlọ sẹ ne ọ gha gua a, vbe Ọgua Osa na ne imẹ bọe gha na gua uwẹ hẹ?

Psalm 114:2

E Juda keghi khian emwa ni huanrẹn ọghe Nọyaẹnmwa, Izrẹl keghi khian emwi obọ ẹre.

Psalm 68:18

Ọ hin odukhunmwu gha rriẹ ehe ne ọ yo ọ viọ avbe oghunmwu nibun mwẹ gha khian ọ keghi vbe miẹn emwi ihaoko, vbe obọ avbe emwa ni sọtẹ. E Nọyaẹnmwa Osanobua gha di evba nii ya.

Ẹksọdọs 15:17

U viọ iran rre, u keghi gbe iran ẹkun sẹ otọ ye uhunmwu oke. vbe ehe ne u zẹe ya ru owa ruẹ Nọyaẹnmwa. ọgua Osa ne u tobọ ruẹ bọ Nọyaẹnmwa.

Ẹksọdọs 25:8

Iran ghi bọ ọgua Osa mẹ ne I mẹ miẹn ehe na gha rre ehe ne iran ye.

Ẹksọdọs 29:44

I gha ya Owa Ukpọn ne a na miegbe khian ne ọ huanrẹn, kevbe aka ne ọ rrọọ, I ghi ya Errọn kevbe ivbe ẹre khian na ya fi ohan ne ọ gha ga mwẹ zẹ vbe ohẹn.

Ẹksọdọs 6:7

I gha ya uwa ru emwa mwẹ, mẹ ghi gha re Osanobua uwa. Wa gha vbe rẹn ighẹ mẹ ọre Nọyaẹnmwa ne Osanobua rua vbe I gha fannọ uwa ye otọ hin ọviẹn ọmwa rre vbe Igipt.

Jerimaia 14:9

Vbọzẹ ne u na ye vbe ọmwa ne emwi yan ẹre unu uan, zẹ vbe ovbiyokuo ne ẹ i mwẹ ẹtin ne ọ gha ya ru iyobọ? Vbe ẹmwata, wẹ rrọọ yaba mwa, Nọyaẹnmwa emwa ruẹn ma khin, ghẹ he mwa yotọ.

Ezikiẹl 34:24

Mẹ ne Nọyaẹnmwa ghi gha re Osanobua iran, ọba ne ọ yevbe Devid ne ọguọmwadia mwẹ ghi gha re ne ọ khaemwisẹ yan iran. I tae nẹ.

Ezikiẹl 43:7

“Ovbi ọmwa, ghe ẹkete mwẹ vbe emwa na. I gha gu ivbi Izrẹl yin emwa na, I ghi vbe gha khaemwisẹ yan iran ẹdẹdẹmwẹdẹ. Ke ivbi Izrẹl kevbe avbe ọba iran, ne ọ gha ye dọlegbe fa eni mwẹ nọ huanrẹn uan, ẹ i ghi rrọọ, ogha re vbekpa ne a na gho ẹbọ ọvbehe nọ, ra vbekpa ne a na re ikun avbe ọba iran sikẹ emwa na nọ, ẹ i ghi dọlegbe sunu.

Ezikiẹl 43:9

Banbanna nian, te iran gha dobọ ẹbọ ne iran gho yi, iran ghi vbe viọ avbe ikun ọba iran ladian hin evba rre. Iran gha ru vberriọ, I gha gu iran yin kugbe ẹdẹdẹmwẹdẹ.”

Daniẹl 2:11

Emwi ne u nọ na Umogun, wegbe sẹrriọ wẹ ọmwa ọkpa ne ọ gha sẹtin ru ẹe nuẹn ẹ i rrọ, sokpan a ma wẹ avbe ẹbọ, sokpan, iran i gu emwa nagbọn di ihọkpa ya.”

Levitikọs 26:11

I gha gu uwa yin vbe uwu Owa Ukpọn mwẹ ne ọ huanrẹn, ẹmwẹ uwa i ra vbe khan mwẹ.

Levitikọs 26:12

“Mẹ gha re Osanobua uwa, wa ghi vbe gha re emwa mwẹ.

Hagai 2:5

Ẹghẹ ne uwa na ke Igipt ladian, I yanrẹn wẹ I gha gu uwa gha rrọ ẹghẹ hia. I ye gu uwa rrọ, rhunmwuda ọnii wa ghẹ fian afianma.

Zẹkaraia 2:10

E Nọyaẹnmwa khare wẹẹ, “Wa gha so ihuan oghọghọ, ivbi e Jerusalẹm! Mẹ dee do gu uwa yin.”

Zẹkaraia 8:3

I gha dọlegbe gha die Jerusalẹm ne ẹvbo mwẹ nọhuanrẹn ne I do yin ẹnrẹn. A gha rẹn ọnrẹn ye ẹvbo ne ọ mudia ẹse, a ghi vbe gha tie oke Nọyaẹnmwa ne Oghodua oke nọhuanrẹn.

Nọmbas 16:3

Iran keghi do si egbe koko ye odaro e Mosis kevbe Errọn, iran tama iran wẹẹ, “Ọwua tua gbe, e Nọyaẹnmwa ọre ọ yan emwa nii hia, e Nọyaẹnmwa vbe rrọ yaba ima hia. Vbọzẹ ne uwẹ ne Mosis na ghi tọn egbe ruẹ mu yan emwa e Nọyaẹnmwa na hia?”

Nọmbas 35:34

Wa ghẹ mu awua ye otọ ne uwa ye, rhunmwuda mẹ ne Nọyaẹnmwa deba ẹre, te imẹ rre uwu ẹbu ivbi Izrẹl.

Nọmbas 5:3

Viọ emwa ni hia ne awua gue na ladian, ne iran ghẹ ya mu awua ye agọ nii, ehe ne I na gu emwa mwẹ rrọọ.”

Iyẹn ne ọ Maan Ọghe Jọn 14:17

Agbọn i sẹtin rhan obọ miẹn ẹnrẹn rhunmwuda ighẹ agbọn i sẹtin dẹghe ẹre amawẹ, ọ gha rẹn ọnrẹn. Sokpan wa rẹn ọnrẹn, rhunmwuda, ọ gu uwa ọ vbe rre uwu uwa.

Iyẹn ne ọ Maan Ọghe Jọn 14:20

Ọ gha sẹ ẹdẹ ne ẹdẹrriọ, wa gha rẹn ighẹ mẹ rre uwu Erha mwẹ, kevbe wẹ wa vbe rre uwu imẹ zẹ vbene imẹ rre uwu uwa.

Iyẹn ne ọ Maan Ọghe Jọn 14:23

Jesu wanniẹn wẹẹ, “Ọmwa ne ọ rhirhi ho ẹmwẹ mwẹ gha ru vbene I khare, Erha mwẹ gha ho ẹmwẹ ọnrẹn, kevbe imẹ kevbe Erha mwẹ ghi bu ẹre gha dee, ma ghi do di owa ẹre ya.

II Kọrinti 6:16

Vbe Ọgua Osa kevbe amazẹ ọghe iran nigẹbọ ra ya gue obọ egbe hẹ yi? Rhunmwuda Ọgua osa ọghe Osanobua nọ rrọọ, ọre ima khin. Zẹ vbe ne Osanobua tobo ẹre kha re: “I gha bọ owa mwẹ ye ehe ne iran ye. I ghi yin ehe ne iran ye. Mẹ ghi gha re Osanobua iran, iran ghi gha re emwa mwẹ.”

Ẹfisọs 2:22

Vbene a na ku egbe kugbe ba irẹn, wa tobọ uwa vbe khian ne a ghi bọ deba iran nekpa hia nian, ne ọ do khian owa ne Osanobua gha la ekpa Orhiọn irẹn gha dia.

Diuteronomi 12:11

E Nọyaẹnmwa gha zẹ ihe ọkpa kẹkan ne a gha na gha ga ẹe, evba wa gha na gha viọ avbe emwi hia ne I yi ẹre iyi ne uwa na gie ẹe, ese na giẹn uan ọwua, kevbe ese ọvbehe ne uwa gha zọọ, a ghae ye ihe igbe ọwua kevbe avbe izẹọhẹ kpataki ne uwa ve e Nọyaẹnmwa ẹre.

Diuteronomi 7:21

Ghẹ gie ohan emwa na mu ẹẹn. E Nọyaẹnmwa Osanobua rua rrọọ ya ba uwa. Osanobua nọkhua ne ọ kere ne a gha mu ohan rẹn nọ.

Arhie Maan 21:3

I keghi họn vbe urhu ọkpa wa datu ke uwu ẹkete rre wẹẹ, “Banbanna nian, owa Osanobua rre ehe ne emwa ne agbọn ye. Rẹn gha gu iran yin, iran ghi vbe gha re emwa rẹn. Osanobua tobọ ẹre gha gu iran yin, rẹn ghi vbe gha re Osanobua iran.