Ẹksọdọs 29:43 - Edo Bible (E Baibol Ẹdo) Version 1996

⁴³ Evba I ra na do gha miẹn ivbi Izrẹl, uyi mwẹ ghi ya evba nii khian ne ọ huanrẹn.

Ẹksọdọs 29:43 ပူးပေါင်းရင်းမြစ်များ

I Ọba 8:11

Iran ma ghi sẹtin werriegbe la rọ ya winna iwinna iran rhunmwuda uyi e Nọyaẹnmwa vuọn Ọgua Osa.

Ẹksọdọs 25:22

Evba I gha na do gha miẹn ruẹn, I gha vbe mudia ye ugue Ẹkpẹti ne, I do rhie uhi mwẹ hia ne uwa ke adesẹneva emwi nii nẹ ifuẹn nii gha dee, gie ivbi Izrẹl.

Ẹksọdọs 29:42

Emwi izọhẹ ne a giẹn uan na, ke orre ya sẹ orre ẹdẹdẹmwẹdẹ ọre uwa gha ya gha ya ẹe zẹ ọhẹ vbe onurho owa ne Owa Ukpọn ne a ya rẹn ighẹ I rre evba, vbe odaro imẹ ne Nọyaẹnmwa. Emwa na I ra na do gha miẹn emwa mwẹ ne I vbe gha gu uwẹ guan.

Ẹksọdọs 29:44

I gha ya Owa Ukpọn ne a na miegbe khian ne ọ huanrẹn, kevbe aka ne ọ rrọọ, I ghi ya Errọn kevbe ivbe ẹre khian na ya fi ohan ne ọ gha ga mwẹ zẹ vbe ohẹn.

Ẹksọdọs 40:34

Okuku keghi rhu yan Owa Ukpọn nii awanwan ne ẹ i gie a ghe ọghe Nọyaẹnmwa keghi vuọn rẹn.

Ẹksọdọs 40:35

E Mosis ma sẹtin la uwu Owa Ukpọn nii rhunmwuda okuku ne ọ rhu uẹ yan rẹn, uyi ọghe Nọyaẹnmwa keghi vuọn rẹn.

Aizaia 60:1

Kpaegbe Jerusalẹm ne u viọ asan ladian vbe owẹn, uyi e Nọyaẹnmwa ọ re ọ viọ asan yan ruẹn.

Ezikiẹl 43:5

Orhiọn e Nọyaẹnmwa keghi tọn mwẹ mu, ọ keghi mu mwẹ la ẹkpotọ ne ọ ke uwu ẹre, ehe ne I na miẹn wẹ uyi e Nọyaẹnmwa wa vuọn Ọgua Osa.

Levitikọs 9:4

Ẹkhuia ọkpa kevbe ogho ọkpa, ọghe izọhẹ isara. Iran ghi ya iran zọ ese ghe Nọyaẹnmwa ba emwi izọese ọka ne a ya ofigbọn gbe. Tama iran ne iran ru ọna rhunmwuda e Nọyaẹnmwa gha rhie egbe maa iran ẹrẹna.”

Levitikọs 9:6

E Mosis keghi kha wẹẹ, “Te e Nọyaẹnmwa tama uwa ne uwa ru avbe emwi na hia ne uwa sẹtin bẹghe awanwan uyi irẹn.”

Malakai 3:1

E Nọyaẹnmwa ne Oghodua zẹ wanniẹn wẹẹ, “I gha gie ukọ mwẹ ne ọ do dọlọ odẹ yi ye otọ khẹ mwẹ. Ẹghẹ nii, e Nọyaẹnmwa ne uwa mudia khẹ gha wa ya egbe ladian vbe udomwurri vbe uwu Ọgua Osa. Ukọ ne uwa rhie aro ye odẹ gha khẹ gha rre do mu ẹmwẹ ile mwẹ so.”

II Kọrinti 3:18

Ma hia fẹẹrẹ khekherriọ, ọre ọ rhie uyi Nọyaẹnmwa maa vbe aro ne a ma rhie emwi gue. Nene uyi ọkpa nii, ghi ke ehe ne Nọyaẹnmwa, ne ọre nene Orhiọn ye rre, do fi ima werriẹ khian vbene irẹn ye, vbe uyi ne ọ kpọlọ sẹ ọna ẹsẹse.

II Kọrinti 4:6

Osanobua ne ọ kha re wẹẹ, “Uwanmwẹ gha wan ke uwu ebiebi ladian,” ọre ọ vbe wan uwanmwẹ ọnrẹn ye ima ekhọe, ne ọ rhie uwanmwẹ ọghe a rẹn uyi Osanobua ne ima, zẹ vbe ne ọ wan ladian vbe ugbaro Kristi.

I Jọn 3:2

Ọse mwẹ ni ghaan, ivbi Osanobua ọre ima ghi khin nian, sokpan ọ ma he vẹ ne a rẹn, emwi ne ima ra khian. Sokpan emwi ne ima rẹnrẹn ọrọre wẹ, Kristi gha ya egbe ladian nẹ, ma gha ye vbe ne irẹn ye, rhunmwuda, ma gha miẹn ọẹn vbene ọ wa ye zẹẹ.