Ẹksọdọs 29:40 - Edo Bible (E Baibol Ẹdo) Version 1996

⁴⁰ Nokaro ne ọ rrọọ, u ghi ya ẹe zọ ese ba ọduẹki ẹlubọ enẹ ne a ya ago ofigbọn oliv ne a ma gua eha gbe. U ghi sa ukpu ayọn eha kua zẹ vbe izọhẹ emwi na a da.

Ẹksọdọs 29:40 ပူးပေါင်းရင်းမြစ်များ

Gẹnẹsis 35:14

E Jekọb keghi mu okuta ayere ye evba nii. Ọ keghi sa emwi na wọn ya zọ ese yan rẹn, kevbe ofigbọn.

II Ọba 3:20

Vbe owiẹ ne ọ lele ẹe, ọ ghi sẹ ẹghẹ ne a ya zọ ese owiẹ, amẹ keghi ke odẹ Idọm gha dee, ọ keghi gba otọe nii hia.

Ẹksọdọs 16:36

(Emwi na a ya mwa emwi ẹghẹ nii keghi re vbe a gha wa adanna ye ihe igbe.)

Ẹksọdọs 29:39

U ghi gbe ọkpa vbọ vbe owiẹ kevbe nọkpa vbe ota.

Ẹksọdọs 29:41

U ghi gbe ovbi ohuan nọkpa vbe ota, zẹ vbe ne u vbe ru ẹe vbe owiẹ, u ghi gie izọhẹ evbare evba da lele ẹe, izọhẹ evbare ọre ọna khin mẹ, mẹ ne Nọyaẹnmwa, uwinhinmwẹ ọnrẹn wa yẹ mwẹ.

Ẹksọdọs 30:24

uwan iweva ọghe kasia (a ghi mwa ehia zẹ vbene a ya mwa emwi vbe ọgua Osa) kevbe egalọn ọkpa ọghe ori oliv.

Aizaia 57:6

Wa viọ okuta ikpẹbọ ke evba gha dee, wa ghi ya gho iran zẹ vbe ẹbọ. Wa ghi gha sa ayọn ye otọ zẹvbe emwi ne a ya zọ ese ghe iran, wa ghi vbe gha viọ ọka gie iran vbe emwi izọ ese. Wa yayi wẹ avbe emwi na yẹ mwẹ ra?

Ezikiẹl 20:28

I viọ iran gha die otọ ne I wẹ I gha mu ne iran. Iran ghi miẹn avbe oke ni yo kevbe avbe erhan ni mwẹ ebe nunuunu, iran kegha zọ ese vbe ehe ne ehia ye.

Ezikiẹl 4:11

A gha vbe gha sa amẹ kherhe kherhe nuẹn gha wọn, ukpu eva vbe ẹdẹ.

Ezikiẹl 45:17

Iwinna irẹn nọ ne ọ mu aranmwẹ ne a ra gien uan rre, kevbe ọka imuohan kevbe ayọn ne a ya mu ohan ọghe otọe Izrẹl hia vbe ẹghẹ Emwiukpo Uki Ọgbọn kevbe Ẹdẹ Ikẹtin kevbe avbe emwiukpo ni ghi dekẹe. Rẹn ọ re ọ gha mu emwi imuohan ọghe orukhọ rre, kevbe ọghe ọka, emwi imuohan ne a ra wa gien ikun ẹnrẹn, kevbe emwi izọese ọghe isara, ne a ya kpe orukhọ ivbi Izrẹl kua.”

Ezikiẹl 45:24

Ukhiọnmwẹ ọduẹki ọkpa ọghe ọka kevbe ekuiyẹ nọkhua eha ọghe ofigbọn oliv, ọre ọ ra gha deba dọmwadẹ ẹkhuia ẹmila kevbe ogho ọkpọkpa ne a ya zọ ese.

Ezikiẹl 46:11

Vbe ẹdẹ eghọ kevbe ẹdẹ emwiukpo, ukhiọnmwẹ adanna ọka ọre a gha mu lele ẹkhuia ọkpọkpa kevbe ogho ọkpọkpa rre. Emwi ne ọ ye ọmwa ne ọ do ga nii ọ re ọ gha rhie lele ovbi ohuan ọkpọkpa rre. Ekuiyẹ nọkhua eha ọghe ofigbọn ọliv, ọre a gha mu lele dọmwadẹ ukhiọnmwẹ adanna ọka rre.

Ezikiẹl 46:14

Debare, a ghi vbe gha ya uwan isẹn ọghe irhuanrhua ọka yo imuohan owiowiẹ, deba ukhiọnmwẹ egalọn ọghe ofigbọn oliv ne a gha ya gha gbe irhuarhua ọka na. Ẹmwẹ ọghe imuohan ne a yo gie Nọyaẹnmwa na, te ọ ra gha rre otọ rhinrin ẹdẹdẹmwẹdẹ,

Ezikiẹl 46:5

Ọ ghi mu ukhiọnmwẹ adanna ọghe ọka lele ogho ọkpọkpa ne ọ do ya mu ohan rre, ọ ghi vbe mu emwi ne ọ rhirhi khọn rẹn wẹ rẹn gha ya mu ohan lele dọmwadẹ ovbi ohuan rre. Ọ ghi gha mu ekuiyẹ nọkhua eha ọghe ofigbọn oliv lele dọmwadẹ ukhiọnmwẹ adanna ne ọ mu rre, rre.

Ezikiẹl 46:7

“Ọ ghi mu ukhiọnmwẹ adanna ọka lele ẹkhuia ẹmila ọkpọkpa kevbe ogho ọkpọkpa rre. Emwi ne ọ rhirhi khọn ovbiọba ọ re ọ gha mu lele dọmwadẹ ovbi ohuan rre. A ghi mu ekuiyẹ nọkhua eha ọghe ofigbọn oliv lele dọmwadẹ ukhiọnmwẹ; adanna ọka rre do ya gha mu ohan.

Hozia 9:4

Iran i ra sẹtin gha ye ayọn ha oko gie Nọyaẹnmwa vbe ẹvbo ẹrrẹe, ra ne iran vbe gha zọ ese iran gie ẹe. Evbare iran gha si awua ye ọmwaikọmwa ne ọ rhirhi a rri ọe egbe, zẹ vbe evbare ne a re vbe irorinmwi. Te iran ra ya ẹe gbe ohanmwẹ kẹkan, ọkpa ne a ra rhie la Ọgua Osa e Nọyaẹnmwa zẹ vbe emwi imuohan, ẹ i rrọ.

Joẹl 1:13

Wa yọ ukpon akhiẹ ne uwa gha viẹ ne avbe ohẹn ni ga vbe Ogiukpo. Wa gha rrie uwu Ọgua Osa, ne uwa ya ye asọn hia khiẹ! Ọka ra ayọn i ghi rrọ, ne uwa gha ya ru imuohan gie Osanobua uwa.

Joẹl 1:9

Ayọn ra ọka ne a ya mu ohan vbe Ọgua Osa i ghi rrọọ; avbe ohẹn gha khiẹ, rhunmwuda iran i miẹn emwi ya ha oko gie Nọyaẹnmwa.

Joẹl 2:14

Ughaghe, e Nọyaẹnmwa ne Osanobua rua gha fi ekhọe werriẹ, ọ ghi ye emwiokọ nibun ru uwa ẹse. Ẹghẹ nii, wa ghi vbe ha oko ọka kevbe ayọn gie ẹe.

Levitikọs 23:13

Wa ghi vbe viọ uwan enẹ ọghe irhuarhua ne a ya ofigbọn ọliv gbe gha de do ya ẹe zẹ ọhẹ evbare. Uwinhinmwẹ izẹọhẹ vberriọ wa yẹ e Nọyaẹnmwa. Wa ghi mu ọgọ ayọn ọkpa lele ẹe rre.

Levitikọs 6:13

A ghi gie erhẹn nii gha baa vbe aka, a ghẹ giẹ dọyọ.

Nọmbas 15:24

A deghẹ a miẹn wẹ abakuru na i re ẹmwẹ emwa nii, iran ghi ya ẹkhuia ẹmila deba avbe ọka kevbe ayọn zẹ ọhẹ ne ọ maẹn, zọ ese ne a giẹn uan. Uwinhinmwẹ ọnrẹn wa yẹ Nọyaẹnmwa. Debare, iran ghi ya ovbukhọ zọ ese orukhọ.

Nọmbas 15:7

ke ẹe kevbe ọgọ ayọn eha. Uwinhinmwẹ izẹọhẹ vberriọ wa yẹ e Nọyaẹnmwa.

Nọmbas 28:10

A ghi gha zọ ese na giẹn uan na Ẹdẹ Ikẹtin hia deba ese ne a zọ ẹdẹgbegbe ba ayọn izẹọhẹ.

Nọmbas 28:24

Erriọ wa gha vbe ya zọ ese izẹọhẹ evbare ghe Nọyaẹnmwa la ikpẹdẹ ihinrọn, emwi ne ọ winhin yẹ Nọyaẹnmwa nọ, wa ghi ye ọna zẹ ọhẹ ba ese ne a giẹn uan ẹdẹgbegbe kevbe izẹọhẹ ọghe ayọn.

Nọmbas 28:5

A ghi vbe zẹ ọhẹ ọka ba ehia, uwan eva Ọghe irhuarhua ne a ya ofigbọn oliv uwan eva ne ọ maa sẹ gbe.

Nọmbas 29:16

U ghi vbe ya ovbukhọ ọkpa zọ ese orukhọ, u ghi ya ena zọ ese deba izẹọhẹ ẹdẹgbegbe ni rrọọ ke ẹe kevbe izẹọhẹ ọka kevbe ayọn.

Nọmbas 4:16

Eliaza ne ovbi Errọn ne ohẹn ọ re ọ gha gbearoghe Owa Ukpọn hia kev be ofigbọn ne a sa ye ukpa, eturari, izẹọhẹ avbe ọka, ofigbọn ne a nọnọ ye uhunmwu kevbe emwi ọvbehe hia ne a ghi ya fiohan ne Nọyaẹnmwa ne vbe uwu Owa Ukpọn.”

Diuteronomi 32:38

Wa ya ẹvbi emwi izọ ese rua ghọe iran, wa na vbe mu ayọn ne iran da, wa we ne iran do ye uwa obọ nian, gie iran do rhulẹ miẹn uwa fan.

Filipai 2:17

Ogha kẹe, te a ra gbe esagiẹn arrọọ mwẹ ye otọ zẹ vbe emwi imuohan ye ese ne iyayi uwa zọ ghe Osanobua. Ọ gha yerriọ I gha ghọghọ, I gha vbe ghae ne uwa hia vbe oghọghọ mwẹ na.