Ẹksọdọs 29:4 - Edo Bible (E Baibol Ẹdo) Version 1996

⁴ “Viọ Errọn kevbe ivbi ẹre gha die onurho Owa Ukpọn mwẹ ne iran khuẹ.

Ẹksọdọs 29:4 ပူးပေါင်းရင်းမြစ်များ

Ẹksọdọs 26:36

“U ghi ya eto aranmwẹ ne raghoragho, ne ọ vboro kian-an. kevbe ne ọ baa ne a do kevbe ne a munọ emwi ona ne a do ya zẹ ose yi sẹ ukpọn onurho ye ehe ne a la la uwu owa ukpọn nii.

Ẹksọdọs 29:3

U ghi muẹn ye okhuae ne u ya zẹ ọhẹ mẹ vbe ẹghẹ ne u ya ye ẹkhuia ẹmila kevbe ogho nii zọ ese.

Ẹksọdọs 40:12

“U ghi rhie Errọn ke ẹe kevbe ivbi ẹre gha die onurho Owa Ukpọn ne iran khuẹ akhuẹ iruenmwi.

Ẹksọdọs 40:28

Ọ keghi dele avbe ukpọn onurho nii ye onurho Owa Ukpọn nii.

Ẹksọdọs 40:32

Iran gha la Owa Ukpọn ra te iran ra gha rrie aka, iran ghi khuẹ zẹ vbene Nọyaẹnmwa tama e Mosis.

Ezikiẹl 36:25

I gha miẹn amẹ afọ yan uwa, awua ẹbọ ghi lahin uwa egbe rre, deba avbe emwi ọvbehe hia ne ọ te mu awua ye uwa egbe.

Ezikiẹl 42:14

Avbe ohẹn gha rre uwu Ọgua Osa nẹ, iran na wẹ iran ra ladian, ẹkpotọ ne ọ rre ore, iran ghi bannọ avbe ukpọn nihuanrẹn ne iran yọe vbe iran ga e Nọyaẹnmwa yotọ vbe evba. Iran ghi viọ ukpọn ọvbehe yọ vbe iran a gha rrie ehe ne avbe emwa nii si koko yi.”

Levitikọs 14:8

Ọmwa nii ghi họ ukpọn rẹn, ọ ghi zẹ eto ẹre hia kua, ọ ghi ya khuẹ, ẹghẹ nii, ọ ghi do gha re ne ẹ i ghi mwẹ awua. Ọ sẹtin la uwu agọ sokpan, ọ ghi di owa ẹre ya ọ te sẹ ikpẹdẹ ihinrọn.

Nọmbas 8:9

U ghi tie ivbi Izrẹl hia si koko, ne u viọ avbe Livai ma iran vbe odaro Owa Ukpọn Ile.

Ẹfisọs 5:26

Te irẹn ru ọna, ne ọ miẹn ehe na ya ẹmwẹ ọnrẹn ya esọsi fi ohan ne Osanobua, vbe iyeke vbe ọ ghi ye amẹ kpe ẹe huan nẹ.

Diuteronomi 23:11

ọ gha bu ẹghẹ ota, ọ ghi ya khuẹ, owẹn ghẹ ghi defua nẹ, ọ sẹtin dọlegbe gha die agọ.

Taitọs 3:5

Ọ keghi miẹn ima fan. Ẹ i re rhunmwuda iwinna esi ne ima tobọ mwa winna, sokpan, rhunmwuda itohan rẹn ọre ọ na miẹn ima fan, vbe ekpa akhuẹ ne Orhiọn Ne Ọ Huanrẹn ya dọlọ mwa biẹ, ọ na vbe rhie arrọọ ọghe ọgbọn ne ima.

Hibru 10:22

Rhunmwuda ọnii, wa gie ima ye ẹkoata sikẹ Osanobua, ba iyayi ne aro dae, ke ẹe kevbe orhiọn ne a kpe huan hin ekhọe ne ọ rri abe rre nẹ, kevbe egbe ne a ye amẹ ne ọ hianrẹn khuẹ.

I Pita 3:21

Amẹ na keghi re emwikemwi ne a ya gie isamẹ ne ọ miẹn uwa fan banbanna nian, ẹ i re vbe ekpa ne ọ na kpe iruẹn ne ọ rre ikinnegbe kua, sokpan vbe ekpa eyan ne a ya ekhọe ne ọ ma bu abe gbe ọmwa yan ma Osanobua. Te isamẹ la ekpa arhiọkpaegbe Jesu Kristi miẹn uwa fan.