Ẹksọdọs 29:39 - Edo Bible (E Baibol Ẹdo) Version 1996

³⁹ U ghi gbe ọkpa vbọ vbe owiẹ kevbe nọkpa vbe ota.

Ẹksọdọs 29:39 ပူးပေါင်းရင်းမြစ်များ

I Ọba 18:29

Iran na gha vannọ, iran na gha go ọ te ya sẹ ẹghẹ ogiavan, sokpan ewanniẹn ma rre, a ma họn urhu rhọkpa.

II Ọba 16:15

Ọ keghi tama Uraia wẹẹ, “Ogiukpo nọkhua ne ọghomwẹ na ọ re u gha na gha giẹn ese owiẹ kevbe ọta ne ọba, kevbe avbe emwa ni ya zọ ese, kevbe ayọn ne emwa na ya yo imuohan. U ghi hihiẹ esagiẹn aranmwẹ ne a ya zọ ese hia yan rẹn. Sokpan, u ghi sẹ Ogiukpo oze ne ọ rrọ rae mẹ ne I na gha bọ ye emwi.”

II Ọba 3:20

Vbe owiẹ ne ọ lele ẹe, ọ ghi sẹ ẹghẹ ne a ya zọ ese owiẹ, amẹ keghi ke odẹ Idọm gha dee, ọ keghi gba otọe nii hia.

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

II Krọnikol 2:3

E Solomọn keghi gie ne a tama e Hiram ne ọba e Taia wẹẹ, “Vbe gha do ẹki gun mwẹ zẹ vbene u vbe gha do ẹki gie erha mwẹ ighẹ e Devid ne ọba vbe ẹghẹ ne u na khiẹnnẹ igẹdu e sida ne ẹẹn ne ọ ya bọ ẹguae ẹre.

Ẹzra 9:4

Evba ọ re I tota yi gha khiẹkhiẹ egbe, ọ te do sẹ ẹghẹ ne a ya zọ ese ota, emwa hia kegha rre, iran na gha do ga mwẹ, avbe emwa ne afianma gha fian rhunmwuda ẹmwẹ ne Osanobua Izrẹl tae vbe ekpa orukhọ ọghe avbe emwa ni ke iwe rre.

Psalm 141:2

Rhan obọ miẹn erhunmwu mwẹ zẹ vbe eturari, obọ ne I viọ ghe okhunmwu zẹ vbe izọ ese ota.

Psalm 5:3

U ghi họn urhu mwẹ vbe owiẹwiẹmwọkpa ovẹn gha yan rre, I gha na erhunmwu mwẹ, I ghi mudia khẹ ewanniẹn ruẹn.

Ẹksọdọs 12:6

Wa ghi muẹn hin rre khẹ ikpẹdẹ ne ne ogiwenẹ ọghe uki na, ẹghẹ ne ivbi Izrẹl hia gha ya gbele aranmwẹ.

Ẹksọdọs 29:40

Nokaro ne ọ rrọọ, u ghi ya ẹe zọ ese ba ọduẹki ẹlubọ enẹ ne a ya ago ofigbọn oliv ne a ma gua eha gbe. U ghi sa ukpu ayọn eha kua zẹ vbe izọhẹ emwi na a da.

Daniẹl 9:21

Ugbẹn vbe I ghi wa na erhunmwu nii, e Gebriẹl ne I miẹn vbe umian ne I ka miẹn keghi tin gha die ehe ne I ye. Ẹghẹ ne a ya zọ ese ota nọ.

Iyẹn ne ọ Maan Ọghe Luk 1:10

Vbe ẹghẹ na, emwa ke gbe ẹbu ye ore gha na erhunmwu vbe a giẹn eturari nii.

Iwinna 26:7

Nene emwi ne a ve ne ẹwae iweva ọghe emwa ima rhie aro yi ighẹ ogha sẹ iran obọ vbe uwu ne iran na ga Osanobua asọn kevbe avan. Emwi ne a rhie aro ye odẹ gha khẹ na, Umogun, ọre avbe Ju gun mwẹ gui baa.