Ẹksọdọs 29:38 - Edo Bible (E Baibol Ẹdo) Version 1996

³⁸ “Emwi ne u gha ya gha zọ ese vbe aka ẹdẹgbegbe rhinrin ẹdẹ ọre ọna khin: u ghi gbele ivbe ohuan eva ni he rre ukpo ọkpọkpa.

Ẹksọdọs 29:38 ပူးပေါင်းရင်းမြစ်များ

Gẹnẹsis 22:7

Ọ ma ghi kpẹe, Aizik keghi guan wẹẹ, “Ebaba ọ!” Rẹn wanniẹn wẹẹ, “Ghe mwẹ ovbi mwẹ.” Aizik na kha wẹẹ, “I miẹn nian wẹẹ erhan kevbe erhẹn guẹ, sokpan, oteghe ohuan ne a ra ya zọ ese vboo?”

I Krọnikol 16:40

Iran ghi gha giẹn ohoho ese vbe uhunmwu Ogiukpo vbe owiẹ kevbe ota hia, zẹ vbene a gbẹn ọẹn ye uhi ne Nọyaẹnmwa gbẹn ne ivbi Izrẹl.

II Krọnikol 13:11

Ota vbe owiẹ hia ọ re iran ya giẹn eturari ne ẹẹn, deba avbe aranmwẹ ne a ya zọ ese ne a wa giẹn ikun ẹnrẹn hia a. Iran ghi viọ ebrẹd imuohan rre, a ghi viọ ẹre ye uhunmwu eteburu ne awua i ye. Otota, iran ghi gha rhu avbe ukpa ni rre avbe erhan ọmukpa ọghe igoru. Emwi ne Nọyaẹnmwa khare ọre ima ru sokpan, wa hee ẹe ye otọ nẹ.

II Krọnikol 2:3

E Solomọn keghi gie ne a tama e Hiram ne ọba e Taia wẹẹ, “Vbe gha do ẹki gun mwẹ zẹ vbene u vbe gha do ẹki gie erha mwẹ ighẹ e Devid ne ọba vbe ẹghẹ ne u na khiẹnnẹ igẹdu e sida ne ẹẹn ne ọ ya bọ ẹguae ẹre.

II Krọnikol 2:4

I wa bọ Ọgua Osa nian ne I ya ya ọghọ ne Nọyaẹnmwa ne Osanobua mwẹ. Ehe ne ọ huanrẹn khian gha nọ, ehe ne avbe emwa mwẹ kevbe imẹ, gha na gha ga ẹe, vbene ima gha na gha giẹn eturari nọwinhin ghe ẹre, ehe ne ima gha na gha ye ebrẹd ne ọ huanrẹn yo imuohan giee vbe ne a i na dobọyi, ehe ne ima gha na gha zọ ese ne a giẹn uan ghe ẹre vbe owiẹ kevbe ota kevbe Ẹdẹ Ikẹtin hia fẹẹrẹ, emwiukpo Uki Ọgbọn, kevbe avbe ẹdẹ ni huanrẹn ne a ya gha ya ọghọ ne Nọyaẹnmwa ne Osanobua mwa. Rẹn ọ re ọ tama ivbi Izrẹl ne iran gha ru ọna khian ẹdẹdẹmwẹdẹ.

II Krọnikol 29:7

Iran khui urho Ọgua Osa, iran gie ukpa dọyọ, iran ma ghi giẹn eturari ra ne iran zọ ese ne a tọn ẹn vbe Ọgua Osa ọghe Osanobua Izrẹl.

II Krọnikol 31:3

Owiẹ owiẹ kevbe ota hia ọ ghi mu aranmwẹ kevbe oghẹn emwirri ẹre rre ne a ya gha zọ ese na giẹn uan, kevbe ne a ya zọ ese vbe Ẹdẹ Ikẹtin, Emwiukpo Uki Ọgbọn kevbe avbe emwiukpo ọvbehe ne uhi e Nọyaẹnmwa wẹ ne a gha ru.

II Krọnikol 8:13

Ọ keghi zọ ese ne a tọẹn zẹ vbene Uhi e Mosis mu ẹẹn ye otọ ne dọmwadẹ ẹdẹ ne ọ huanrẹn. Ẹdẹ Ikẹtin, Emwiukpo Uki Ọgbọn, kevbe emwiukpo eha ne a ru ukpukpo, ena ọre Emwiukpo Ebrẹd Nọmahue, Emwiorhọ kevbe Emwiukpo Irhu.

Ẹzra 3:3

A gha rhe miẹn wẹ ohan emwa ni gha rre otọe nii wa gha mu ivbi Izrẹl ni ke iwe rre, iran keghi ye dọlọ Ogiukpo bọ ye ehe ne ọ te kagha ye. Iran na dọlegbe suẹn gha giẹn ese vbọ ota vbe owiẹ kpẹkpẹkpẹ.

Ẹzra 3:5

Ye vbe deba ọnii, iran kevbe gha zọ ese ne a giẹn ikun ẹnrẹn hia, kevbe ese ne a zọ vbe ẹghẹ Emwiukpo Uki Ọgbọn, kevbe ẹghẹ ugamwẹ ni dekẹe hia ne a na si egbe koko ga e Nọyaẹnmwa; do deba avbe izọ ese ne a ya ọ kekhọerre zọ ghe Nọyaẹnmwa.

Ẹksọdọs 40:29

Ọ keghi mu aka ne a na giẹn emwi izọese ye onurho Owa Ukpọn nii. Ọ keghi ya emwi izọese ne a wa giẹn uan zọ ese vbe uhunmwu ẹnrẹn, kevbe evbare ne a ya zẹ ọhẹ zẹ vbene Nọyaẹnmwa tama rẹn.

Ezikiẹl 46:13

E Nọyaẹnmwa khare wẹẹ, “Owiowiẹ, wa ghi gha gien ovbi ohuan ne ẹ i mwẹ okan ne ọ rre ukpo ọkpa ikun ẹnrẹn ohoho zẹ vbe emwi ne a ya yọ imuohan gie Nọyaẹnmwa. Owiowiẹ ọ re ọ kere ne a ya gha yo imuohan na.

Ezikiẹl 46:15

oteghe ohuan nii, irhuarhua kevbe ofigbọn ọliv nii, a ghi gha yae ha oko gie Nọyaẹnmwa owiowiẹ ẹdẹdẹmwẹdẹ.”

Daniẹl 12:11

“Ke ẹghẹ ne a ya dobọ ese ẹdẹgbegbe yi, ọnii nọ wẹ ke ẹghẹ Ọkhọ Nọgborrirri gha dee, ikpẹdẹ ekigbesiyisẹn yan arria ehan (1,290) gha gberra.

Daniẹl 9:21

Ugbẹn vbe I ghi wa na erhunmwu nii, e Gebriẹl ne I miẹn vbe umian ne I ka miẹn keghi tin gha die ehe ne I ye. Ẹghẹ ne a ya zọ ese ota nọ.

Daniẹl 9:27

Ọmwa ne ọ rre asẹ nii gha gu emwa nibun ke ọta ne ọ deziẹn la ukpo ihinrọn, a ghẹ ghi wa ẹghẹ ne a kha na ye ihe eva nẹ, ọ gha wẹ ne a dobọ ese ne a zọ kevbe izọhẹ yi. A gha ya mu Emwikhọ Ugborrirri. Ye ehe ne ọ mwẹ uyi sẹẹ vbe Ọgua Osa, ọ ghi vbe gha rre evba ọ te do sẹ ẹghẹ ne ọ gha ya rri ọghọe fo zẹ vbene Osanobua mwamwa khẹ ọre.”

Levitikọs 3:5

Avbe ohẹn ghi giẹn ena hia vbe uhunmwu aka deba ese ne a giẹn uan nii. Uwinhinmwẹ emwi ihaoko evbare na yẹ Nọyaẹnmwa.

Levitikọs 6:9

Ne ọ viọ avbe uhi na ne Errọn kevbe avbe ivbi ẹre vbe ekpa ese ne a giẹn uan fo. “A ghi gha sẹ ese na giẹn uan rae ye aka la asọn hia, a ghi gie erhẹn nii gha baa.

Levitikọs 9:17

Ọ keghi mu izọhẹ ọka rre, ọ na zẹ uguobọ irhuarhua okpa, ọ na giẹn ọnrẹn uan vbe aka (a keghi vbe ru ọna ba ese na giẹn uan ne a zọ ẹdẹgbegbe).

Nọmbas 29:6

U ghi ya ena zẹ ọhẹ ba ese na giẹn uan ọghe ẹdẹgbegbe ọghe ikpẹdẹ ne okaro vbe uki, ke ẹe kevbe izẹọhẹ ọka kevbe ọghe ayọn. Avbe izẹọhẹ evbare na, emwi ni winhin yẹ Nọyaẹnmwa nọ.

Iyẹn ne ọ Maan Ọghe Jọn 1:29

Ẹdẹ ghi gbe, Jọn keghi miẹn Jesu vbe ọ bu irẹn dee, ọ na kha wẹẹ, “Wa ghe oteghe ohuan Osanobua ne ọ viọ orukhọ agbọn gha rrie!

Hibru 7:27

Rẹn i yevbe avbe igie ohẹn nekpa, ẹ i vbe ka zọ ese ye orukhọ obọ ẹre nẹ ẹdẹgbegbe, zẹ vbe emwi ne ẹ i mwẹ a ma ru, ọ keghi do zọ ye ọghe emwa nekpa. Ọ zẹ ese nẹ uhukpa nii, ne emwa hia, vbe ẹghẹ ne ọ na ye egbe ẹre zọ ese.

I Pita 1:19

Izọ ese ighobioye ọghe Kristi ọre a ya rhan uwa ye otọ, emwa ne ọ ye vbe oteghe ohuan ne ẹ imwẹ okan ra ama.