Ẹksọdọs 29:36 - Edo Bible (E Baibol Ẹdo) Version 1996

³⁶ Ẹdẹgbegbe u ghi gha ya ẹkhuia ẹmila zọ ese ye orukhọ ne a miẹn ehe na ya orukhọ bọ. U gha ghi zọ ese ye orukhọ nẹ, u rhie orukhọ hin aka rre nẹ, iyeke ọnii, u ghi nọnọ ori oliv yọ ne u ya ẹe khian ne ọ hunanrẹn.

Ẹksọdọs 29:36 ပူးပေါင်းရင်းမြစ်များ

Ẹksọdọs 30:26

Ne a guare zẹvbe emwi ne ọ winhin ne a sa ye egbe. U ghi vbe miẹn ẹnrẹn yan Owa Ukpọn ne a na miegbe, Ẹkpẹti ne avbe uhanhan ayere ye.

Ezikiẹl 43:20

U ghi rhie vbe esagiẹn ọnrẹn, u ghi sa ẹe yan ehe ne ọ yuo ladian vbe odukhunmwu ogiukpo vbe dọmwadẹ ehọ ẹre, u ghi vbe sa ye adesẹneva ogiukpo, kevbe lẹga ehọ ẹre hia. Odẹ vberriọ, u gha ya ogiukpo khian nọhuanrẹn, u ghi vbe ya ẹe fi ohan.

Ezikiẹl 43:25

U ghi gha ya ẹwe ọkpa, ẹkhuia ẹmila ọkpa, kevbe ogho ọkpa zọ ese orukhọ ẹdẹgbegbe la ikpẹdẹ ihinrọn. Ehia ghi wa gha re ne ẹ i mwẹ okan.

Ezikiẹl 43:27

Uzọla ọkpa ghẹ ghi gberra nẹ, avbe ohẹn ghi suẹn gha zọ ese vbe ogiukpo nii, ese ne a gien uan kevbe ọghe isara ọghe emwa nii. Ẹghẹ nii, ẹko uwa hia ghi do gha rhiẹnrhiẹn mwẹ. Mẹ ne Nọyaẹnmwa ne Udazi ọ re ọ tae.”

Levitikọs 16:27

Ẹkhuia ẹmila kevbe ẹwe ne a gbele ya zọ ese orukhọ nii, ne a mu esagiẹn ọnrẹn ye uwu Owa Ukpon Ile ne ọ kpe orukhọ kua, a ghi viọ iran lahin ore agọ rre, a ghi giẹn iran uan, ke ohian kevbe efun, kevbe ibiẹ ọre, a ghi giẹn ehia a.

Nọmbas 7:1

Vbe ẹdẹ ne Mosis wa mu Owa Ukpọn Ile gbọ fo zẹẹ, ọ tue ori ye owa ukpọn nii, ọ keghi vbe ya ẹe fi ohan keẹ kevbe emwi ne a lo vbọ hia.

Hibru 10:11

Dọmwadẹ ohẹn avbe Ju, te ọ mudia winna iwinna rẹn ẹdẹgbegbe, ọ ghi vbe gha zọ ese ọkpa ni yan egbe yan egbe. Sokpan avbe izọese na i sẹtin kpe orukhọ kua.