Ẹksọdọs 29:30 - Edo Bible (E Baibol Ẹdo) Version 1996

³⁰ Ovbi Errọn ne ọ ghi rhie ihe ẹre ne ọ vbe la uwu Owa Ukpọn ne a ya rẹn ighẹ mẹ re evba ne ọ ya gha ga vbe Ehe Ne ọ huanrẹn, ọ ghi yọ ẹwu na la ikpẹdẹ ihinrọn.

Ẹksọdọs 29:30 ပူးပေါင်းရင်းမြစ်များ

Gẹnẹsis 8:10

Rẹn keghi ye ziengbe la ikpẹdẹ ihinrọn, ọ na vbe zẹ idu obọ vbe okọ,

Gẹnẹsis 8:12

E Noa keghi yevbe ziengbe la ikpẹdẹ ihinrọn, ọ na vbe zẹ idu obọ, ẹghẹ na, ọ ma ghi dọlegbe rre.

Ẹksọdọs 12:15

“Wa ghi ya ẹdẹ ihinrọn rri ebrẹd ne ọ ma hue. Vbe ikpẹdẹ ne okaro, wa ghi viọ ebrẹd ne ọ huere hin owa rua rre, rhunmwuda ọmwaikọmwa ne ọ rri ebrẹd ne ọ huere ke ikpẹdẹ nokaro ya sẹ ikpẹdẹ ne okiekie, a gha kan ẹn fua hin ọbuohiẹn emwa mwẹ rre.

Ẹksọdọs 29:29

Errọn gha wu, a ghi viọ ẹwu ohẹn ọghọe ne ivbi ẹre, ne iran yọe vbe ẹghẹ ne a gha na ma iran ohẹn.

Ẹksọdọs 29:31

“Ogho ne a ya ma ẹre ohẹn nii ighẹ Errọn kevbe ivbi ẹre, u ghi muẹn na a ya le ẹe vbe Ehe Ne ọ huanrẹn.

Ẹksọdọs 29:35

“Emwi ne I tama ruẹn na zẹẹ ọre u ra ru ne Errọn kevbe avbe ivbi ẹre. Ikpẹdẹ ihinrọn ọre u ra do ugie ne a ya ma iran ohẹn la.

Ezikiẹl 43:26

Avbe ohẹn ghi ya ikpẹdẹ ihinrọn họnmwẹ ogiukpo, ne iran ya mu ẹre egbe yotọ khẹ ẹghẹ ne a gha ya lo ẹre.

Levitikọs 13:5

Ohẹn ghi vbe dọlegbe ghe ẹre egbe ghe vbe ikpẹdẹ ne ogihinrọn. A deghẹ, zẹ vbene irẹn miẹn ọẹn ighẹ ẹtẹ nii ma he fiwerriẹ, ọ ma he vbe vẹ yọ, ọ ghi vbe dọlegbe wẹ ne irẹn ọkpa gha rre ihọkpa la ikpẹdẹ ihinrọn ọvbehe.

Levitikọs 16:32

Ogie Ohẹn, ne a ya rri ohẹn ẹse, a na vbe ya fi ohan ne ọ di ukpo erha ẹe ya, ọ re ọ gha ru iruemwi akpehuan. Ọ ghi yọ ẹwu ohẹn.

Levitikọs 9:1

Ẹdẹ ghi gba vbe a ru emwi ọghe a ye ọmwa ma ohẹn fo nẹ, e Mosis keghi tie Errọn kevbe ivbi ẹre ke iran kevbe avbe olotu Izrẹl.

Levitikọs 9:8

Errọn keghi gha rrie aka, ọ na ya gbe ovbi ẹkhuia ẹmila nii ya zọ ese orukhọ ọghọe.

Nọmbas 20:28

E Mosis keghi kie Errọn ẹwu ohẹn, ọ na viọ iran yọ Eliaza, evba nii ọre Errọn na wu vbe uhunmwu oke nii, e Mosis kevbe Eliaza keghi gba tuo rre.

Hibru 7:26

Rhunmwuda ọnii nian, Jesu ọrọre Ogie Ohẹn ne ọ sẹe ne a gha ye enegbe mwa yan! Ọmwa ne ọ huanrẹn nọ, rẹn i mwẹ a baku ru ra orukhọ vbe obọ ẹre, a wannọ ẹn ye efẹn ọkpa hin ehe ne emwa orukhọ ye rre, a keghi vbe tọn ẹn mu yo sẹ a vbe ẹrinmwi.