Ẹksọdọs 29:27 - Edo Bible (E Baibol Ẹdo) Version 1996

²⁷ “A gha ma ohẹn, ẹwẹe kevbe ekuawẹ ogho nii ne a gbe ya ru ẹe, a ghi ya fiohan mẹ zẹvbe izọhẹ kpataki, a ghi vbe muẹn ye efẹn ọkpa ne ohẹn.

Ẹksọdọs 29:27 ပူးပေါင်းရင်းမြစ်များ

Ẹksọdọs 29:26

“U ghi mu ẹwẹe ọghe ogho na, u ghi ya ẹe fi ohan kpataki mẹ. Ehe ne ọre ọwuẹ vbe aranmwẹ nii ọre ọ na khin.

Ẹksọdọs 29:28

Iyi etẹbitẹ mwẹ nọ wẹ avbe emwa mwẹ gha si isara, ẹwẹe kevbe ekuawẹ aranmwẹ nii ọghe ohẹn nọ, ne a kha na, emwi ne iran ya zẹ ọhẹ gie imẹ ne Nọyaẹnmwa ọre nọ.

Levitikọs 10:15

Iran gha viọ owẹ ọre kevbe ewẹn ọnrẹn rre zẹ vbe ọhẹ kpataki vbe ẹghẹ ne a ya mu ẹvbi ẹre gie Nọyaẹnmwa zẹ vbe izọhẹ evbare. Ehe ne a kha vbo na, wẹ vbe ivbi uẹ ọre ọ yan rẹn ẹdẹdẹmwẹdẹ zẹ vbene Nọyaẹnmwa khare.”

Levitikọs 7:30

Ọ ghi ya obọ ẹre viọ ẹre gha dee zẹ vbe izọhẹ evbare. Ọ ghi mu ẹvbi aranmwẹ nii kevbe ewẹn ọnrẹn, ọ ghi viọ ẹre gie Nọyaẹnmwa zẹ vbe ihaoko kpataki.

Levitikọs 7:37

Ena ọrọre emwamwa ne a ru vbe ọghe ese na giẹn uan, ese ọka, ese orukhọ, ese a hae werriegbe, ese na ya ma ohẹn kevbe isara.

Levitikọs 9:21

Ọ keghi viọ ewẹn ọnrẹn kevbe owẹ obọ erha ọmwa rẹn zẹ vbe oko kpataki ne a rhie gie Nọyaẹnmwa vbe kpa avbe ohẹn zẹ vbene Mosis khare.

Nọmbas 18:11

“Yevbe deba ọnii, izẹ ọhẹ kpataki ọvbehe hia ne ivbi Izrẹl viọ gun mwẹ, ọwuẹ khian gha nọ. Te ime viọ ehia ne uwẹ, kevbe ivbuẹ ne ikpia kevbe ne ikhuo rhinrin ẹdẹ. Ọmwa ne awua i ghi rrọ re egbe vbe uwu emwa ruẹn hia sẹtin rri ọe.

Nọmbas 6:20

Iyekọnii, ohẹn ghi ya ẹe zẹ ọhẹ kpataki gie Nọyaẹnmwa, izẹọhẹ ne ọ huanrẹn, ọghe ohẹn nọ, do deba ẹwẹe kevbe owẹ ogho nii, ne a wa rẹn wẹ ọghe ohẹn nọ. Iyeke ọnii, Agbihiagha nii sẹtin da ayọn.

Diuteronomi 18:3

Ọmwaikọmwa gha do ya ẹkhuia ẹmila ra ohuan zọ ese, a ghi viọ izabọ ẹre, agbanmwẹ ọnrẹn kevbe ẹkpokhurhu ẹre ne avbe ohẹn.

Hibru 7:28

Emwa ne ọ ma khia na, ọre Uhi e Mosis zẹlẹ ye ukpo igie ohẹn, sokpan ẹmwẹ eyan Osanobua, ne ọ ghi do kiekie rre khẹ nene Uhi, keghi zẹ Ovbi Osanobua ọmwa ne a ya khian ne ọ gba na fo nẹ rhinrin ẹdẹ.

I Samuẹl 9:24

Ẹre ọmwa ne ọ le evbare nii na mu owẹ aranmwẹ nii kevbe efun esiesi ne ọ lele ẹe, ọ na mu ye Sọl otọ. E Samuẹl keghi kha wẹẹ, “Ghe emiowo ne a fian khẹ ruẹ. Riọe, rhunmwuda, te a rhie ẹre ye otọ khẹ ruẹ ne u deba avbe emwa na ne I tiere rri evbare ẹghẹ na.” Ẹre Sọl na gu e Samuẹl rri evbare ẹdẹrriọ.