Ẹksọdọs 29:24 - Edo Bible (E Baibol Ẹdo) Version 1996

²⁴ U ghi viọ evbare na hia ye Errọn kevbe ivbi ẹre obọ, u ghi wẹ ne iran ya ẹe fiohan vbene a gha na wẹ ne iran niẹn rẹn ladian zẹ vbe emwi izọhẹ gun mwẹ.

Ẹksọdọs 29:24 ပူးပေါင်းရင်းမြစ်များ

Ẹksọdọs 29:23

“U ghi rhie ebrẹd ọkpa ne a ya ofigbọn ru vbe uwu okhuae ọghe ebrẹd ne ọ ma hue ne ọ rre odaro, a ya fi ohan gunmwẹ, kevbe ebrẹd ne parha ọkpa kevbe ebrẹd ne ọ huere.

Ẹksọdọs 29:25

Iyeke ọnii, u ghi miẹn iran evbare nii, u ghi giẹn ọnrẹn vbe uhunmwu aka, vbe uhunmwu avbe emwi imuohan na a giẹn uan, ne ọ miẹn ehe na rhie uwinhinmwẹ ne ọ yẹ mwẹ ladian, emwi imuohan evbare ne a ya rhie gun mwẹ nọ.

Levitikọs 10:14

Sokpan wẹ vbe ẹgbẹe ruẹ sẹtin rri ewẹn ke owẹ ọre ne a rhie rre zẹ vbe izọhẹ kpataki gie Nọyaẹnmwa ne avbe ohẹn, wa sẹtin rri ọe vbe eheikehe ne awua i ye. Izọhẹ na, a rhie ẹre ne uwẹ kevbe avbe ivbi uwa zẹ vbe ne ọ khẹke uwa vbe izọhẹ isara ọghe ivbi Izrẹl.

Levitikọs 23:11

Rẹn ghi mu ẹẹn gie Nọyaẹnmwa zẹ vbe ihako kpataki, ne a miẹn ehe na rhan obọ miẹn ruẹn. Ohẹn ghi ya ẹe zẹ ọhẹ vbe ẹdẹ nọ ọ lele ẹdẹ ikẹtin.

Levitikọs 7:30

Ọ ghi ya obọ ẹre viọ ẹre gha dee zẹ vbe izọhẹ evbare. Ọ ghi mu ẹvbi aranmwẹ nii kevbe ewẹn ọnrẹn, ọ ghi viọ ẹre gie Nọyaẹnmwa zẹ vbe ihaoko kpataki.

Levitikọs 8:27

Ọ keghi viọ evbare na hia ye Errọn vbe ivbi ẹre obọ, iran keghi viọ ẹre gie Nọyaẹnmwa, zẹ vbe emwi izọhẹ kpataki.

Levitikọs 9:21

Ọ keghi viọ ewẹn ọnrẹn kevbe owẹ obọ erha ọmwa rẹn zẹ vbe oko kpataki ne a rhie gie Nọyaẹnmwa vbe kpa avbe ohẹn zẹ vbene Mosis khare.

Nọmbas 8:15

U gha kpe avbe Livai huan nẹ, u na vbe ya iran fiohan mẹ, ẹghẹ nii te iran ghi kei ne ọ gha winna vbe uwu Owa Ukpọn Ile.