Ẹksọdọs 29:22 - Edo Bible (E Baibol Ẹdo) Version 1996

²² U ghi fian efun ogho nii, ẹrhunrhun ẹnrẹn ne ọ tii, ẹvbi ne ọ rhu yan ibiẹ kevbe ẹkpokhurhu ẹre, ududu ẹvbi ne ọ rre udu ẹre, ihẹnmwẹ ọnrẹn eva kevbe ẹvbi ne ọ rrọọ, ekuawẹ obọ erha ọmwa ọnrẹn.

Ẹksọdọs 29:22 ပူးပေါင်းရင်းမြစ်များ

Ẹksọdọs 29:13

Iyeke ọnii, u ghi mu esagiẹn ne ọ rhu yan ẹkpokhurhu ẹre kevbe ẹvbi ne ọ rre udu ẹre kevbe ihẹnmwẹ ọnrẹn eveva kevbe ẹvbi nii rhu yan iran, u ghi giẹn ehia vbe uhunmwu aka zẹ vbe emwi izọhẹ ghe mwẹ.

Ẹksọdọs 29:21

U ghi rhie vbe esagiẹn nii rre aka, kevbe ofigbọn ne a nọnọ ye emwa uhunmwu, u ghi miẹn rẹn yan Errọn kevbe ukpọn rẹn, kevbe avbe ivbi ẹre kevbe ukpọn iran, rẹn, avbe ivbi ẹre kevbe ukpọn iran hia gha khian ne a ya fiohan.

Ẹksọdọs 29:23

“U ghi rhie ebrẹd ọkpa ne a ya ofigbọn ru vbe uwu okhuae ọghe ebrẹd ne ọ ma hue ne ọ rre odaro, a ya fi ohan gunmwẹ, kevbe ebrẹd ne parha ọkpa kevbe ebrẹd ne ọ huere.

Levitikọs 10:14

Sokpan wẹ vbe ẹgbẹe ruẹ sẹtin rri ewẹn ke owẹ ọre ne a rhie rre zẹ vbe izọhẹ kpataki gie Nọyaẹnmwa ne avbe ohẹn, wa sẹtin rri ọe vbe eheikehe ne awua i ye. Izọhẹ na, a rhie ẹre ne uwẹ kevbe avbe ivbi uwa zẹ vbe ne ọ khẹke uwa vbe izọhẹ isara ọghe ivbi Izrẹl.

Levitikọs 14:12

Iyeke ọnii ohẹn ghi mu ọkpa vbe ivbi ogho nii, ọ ghi ya ẹe zọ ese zẹ vbe ese a hae werriegbe ke ẹe kevbe ukhiọnmwẹ ọgọ ofigbọn ọliv nii, ọ ghi viọ ẹre rre zẹ vbe ihaoko kpataki gie Nọyaẹnmwa ne avbe ohẹn.

Levitikọs 3:9

Ọ ghi viọ ehe ne a ra sunu yi vbe egbe aranmwẹ na gie Nọyaẹnmwa zẹ vbe emwi ihaoko evbare: ẹvbi ẹre, kevbe ẹrhunrhun ẹnrẹn ne a wa fian la ugboloko uvinyeke, ẹvbi ni wa rhu lele ẹkpokhurhu ẹre hia.

Levitikọs 7:3

A ghi viọ ẹvbi ẹre hia ladian a ghi ya ẹe zẹ ọhẹ ye uhunmwu aka, ẹrhunrhun ẹnrẹn ne ọ ti, ẹvbi ne ọ rhu lele ẹkpokhurhu ẹre,

Levitikọs 7:37

Ena ọrọre emwamwa ne a ru vbe ọghe ese na giẹn uan, ese ọka, ese orukhọ, ese a hae werriegbe, ese na ya ma ohẹn kevbe isara.

Levitikọs 9:19

Errọn keghi mu ehe ne ẹvbi ẹkhuia nii ye kevbe ogho nii,

Levitikọs 9:21

Ọ keghi viọ ewẹn ọnrẹn kevbe owẹ obọ erha ọmwa rẹn zẹ vbe oko kpataki ne a rhie gie Nọyaẹnmwa vbe kpa avbe ohẹn zẹ vbene Mosis khare.

Nọmbas 18:18

Emiowo ni rrọ, ọwuẹ nọ, zẹ vbe ewẹn kevbe owẹ obọ erha ọmwa ọghe izẹọhẹ kpataki.

I Samuẹl 9:24

Ẹre ọmwa ne ọ le evbare nii na mu owẹ aranmwẹ nii kevbe efun esiesi ne ọ lele ẹe, ọ na mu ye Sọl otọ. E Samuẹl keghi kha wẹẹ, “Ghe emiowo ne a fian khẹ ruẹ. Riọe, rhunmwuda, te a rhie ẹre ye otọ khẹ ruẹ ne u deba avbe emwa na ne I tiere rri evbare ẹghẹ na.” Ẹre Sọl na gu e Samuẹl rri evbare ẹdẹrriọ.