Ẹksọdọs 29:21 - Edo Bible (E Baibol Ẹdo) Version 1996

²¹ U ghi rhie vbe esagiẹn nii rre aka, kevbe ofigbọn ne a nọnọ ye emwa uhunmwu, u ghi miẹn rẹn yan Errọn kevbe ukpọn rẹn, kevbe avbe ivbi ẹre kevbe ukpọn iran, rẹn, avbe ivbi ẹre kevbe ukpọn iran hia gha khian ne a ya fiohan.

Ẹksọdọs 29:21 ပူးပေါင်းရင်းမြစ်များ

Psalm 133:2

Ọ ye vbe ori ighobioye ne a ya wo ne ọ ke uhunmwu ke ẹtu Errọn siẹn ku otọ, ya sẹ urhu ẹwu ẹre.

Ẹksọdọs 29:1

“Vbenian ọre u gha ya ye Errọn kevbe ivbi ẹre fi ohan mẹ ne iran ga mwẹ zẹ vbe ohẹn. U ghi mu ovbi ẹkhuia ẹmila ọkpa kevbe ogho eva ne a ma kuan ra ne egbe gba na.

Ẹksọdọs 29:20

Gbe ẹe ne u rhie vbe esagiẹn ọnrẹn, u ghi ya ẹe kan etọghọ ehọ obọ erha ọmwa ọghe Errọn kevbe avbe ivbi ẹre, kevbe ikpinhianbọ nogie, kevbe ikpinhianwẹ nogie ọghe owẹ erha ọmwa iran, u ghi mu ni dekẹe vbọ rhurhẹ lele igienenẹ aka.

Ẹksọdọs 29:22

U ghi fian efun ogho nii, ẹrhunrhun ẹnrẹn ne ọ tii, ẹvbi ne ọ rhu yan ibiẹ kevbe ẹkpokhurhu ẹre, ududu ẹvbi ne ọ rre udu ẹre, ihẹnmwẹ ọnrẹn eva kevbe ẹvbi ne ọ rrọọ, ekuawẹ obọ erha ọmwa ọnrẹn.

Ẹksọdọs 29:7

U ghi rhie ofigbọn ne a nọnọ ye ọmwa uhunmwu, u ghi tue ẹre yọ ẹre uhunmwu ne u ya zọe ye ughaẹn.

Levitikọs 14:29

Ọ ghi mu ofigbọn ne ọ ghi ke ẹe vbe atataobọ ẹre rhurhẹ ye ọmwa nii uhunmwu, odẹ vberriọ, ọ ghi ru iruemwi akpehuan.

Levitikọs 7:35

Ehe ne a viọ ne Nọyaẹnmwa vbe evbare nii, ne Nọyaẹnmwa ghi vbe viọ ne Errọn kevbe ivbi ẹre vbe ẹdẹ ne a ma iran ohẹn, ọre ena khin.

Levitikọs 8:23

E Mosis keghi gbe ẹe, ọ na rhie vbe esagiẹn ọnrẹn ye etọghọ ehọ ọghe obọ erha ọmwa Errọn, ke ikpinhianbọ ne ogie ọghe obọ erha ọmwa kevbe ikpinhianwẹ ne ogie ọghe owẹ erha ọmwa.

Levitikọs 8:30

E Mosis keghi rhie vbe ori ne a sa ye emwa uhunmwu ne ọ rre aka, ọ ke sanmwẹ ọẹn ku Errọn ke ẹe kevbe ivbi ẹre kevbe ukpọn. Odẹ vberriọ, ọ keghi ya iran kevbe ukpọn iran fi ohan ne Nọyaẹnmwa.

Iyẹn ne ọ Maan Ọghe Jọn 17:19

Rhunmwuda iran, ọre I na ya egbe mwẹ fi ohan nuẹn, ne iran tobọ iran miẹn ehe na vbe khian ọwuẹ vbe ẹmwata.

Hibru 10:29

Inuinu ghi nọ khekherriọ, ne ọmwa ne ọ zan Ovbi Osanobua? Ne ọ ye aro tila ẹe ua, ighẹ esagiẹn ile Osanobua ne ọ yae khian ne ẹ i mwẹ iruẹn, ne ọ ye ukpẹ sakan Orhiọn ẹsọhẹ. Wa tobọ uwa roro ẹe vbene oya ne a gha rri ọre re gha kpọlọ sẹẹ ọnii hẹẹ.

Hibru 9:22

Vbe ẹmwata, zẹ vbene Uhi khare, esagiẹn ọre a ya ye emwi hia huan, a deghẹ a ma da esagiẹn ye otọ, orukhọ ne a ya bọ ẹ i rrọọ.